കോറോണ വൈറസ് പ്രതിസന്ധി വാഹന മേഖലയിലുണ്ടാക്കിയ ആഘാതത്തിനിടയിലും മെയ് മാസത്തിൽ വാഹന വിൽപ്പനയിൽ നേട്ടമുണ്ടാക്കി മാരുതി സുസുക്കി. മൊത്തം 18,539 വാഹനങ്ങളാണ് മെയ് മാസത്തിൽ കമ്പനി വിറ്റഴിച്ചത്. കൊറോണ വൈറസിന് മുമ്പുള്ള നിലയെ അപേക്ഷിച്ച് ഇത് വളരെ കുറവാണെങ്കിലും പ്രതിസന്ധിക്കിടയിലും വളരെയേറെ ആവശ്യക്കാരുള്ള ഒരു മാസമായിട്ടാണ് കമ്പനി മെയ് മാസത്തെ അടയാളപ്പെടുത്തുന്നത്. രാജ്യവ്യാപക ലോക്ക്ഡൗൺ കാരണം മറ്റെല്ലാ വാഹന നിർമ്മാതാക്കളെയും പോലെ മാരുതിയുടേയും ഏപ്രിൽ മാസത്തിലെ വിൽപ്പന പൂജ്യമായിരുന്നു.
കേന്ദ്ര സംസ്ഥാന സർക്കാറുകൾ നല്കിയ ഇളവുകള് അനുസരിച്ച് മെയ് 12-ന് മാരുതിയുടെ ചില പ്ലാന്റുകൾ പ്രവർത്തനമാരംഭിച്ചിരുന്നു. ഇതിന് പിറകെ മറ്റ് പ്രധാന പ്ലാന്റുകളിലെയും ഉൽപ്പാദനം ആരംഭിച്ച മാരുതിക്ക് മെയ് മാസത്തില് 18,539 വാഹനങ്ങള് നിരത്തിലെത്തിക്കാനായി. ഇതില് 13,865 യൂണിറ്റാണ് ആഭ്യന്തര വിപണിയിലെത്തിയത്. മുന്ദ്ര, മുംബൈ പ്ലാന്റുകളിലെ കൂടി പ്രവർത്തനം പുനരാരംഭിച്ചതോടെ വാഹനത്തിന്റെ കയറ്റുമതിയും ആരംഭിച്ചു. മേയ് മാസത്തില് മാരുതിക്ക് 4651 വാഹനങ്ങള് കയറ്റുമതി ചെയ്യാൻ സാധിച്ചിട്ടുണ്ടെന്നാണ് റിപ്പോര്ട്ട്.
2019 മേയ് മാസത്തെ അപേക്ഷിച്ച് വാഹന വില്പ്പനയില് ഇടിവ് നേരിട്ടിട്ടുണ്ട്. 1,25,552 വാഹനങ്ങളാണ് കഴിഞ്ഞ വര്ഷം മെയ് മാസത്തിൽ മാരുതി വിറ്റഴിച്ചത്. എന്നാല്, ഏപ്രില് മാസത്തെ വില്പ്പനയുമായി താരതമ്യപ്പെടുത്തുമ്പോള് വലിയ ആശ്വാസമാണ് നിര്മാതാക്കള്ക്ക് നല്കുന്നത്. വാഹനങ്ങള് ബുക്കു ചെയ്യുന്നതിനായി ഓണ്ലൈന് പ്ലാറ്റ്ഫോം കാര്യക്ഷമമാക്കുകയും മികച്ച ബുക്കിംഗ് ലഭിക്കുകയും ചെയ്തത് വരും മാസങ്ങളിലും നേട്ടമുണ്ടാക്കുമെന്നാണ് കമ്പനിയുടെ പ്രതീക്ഷ.
പൊന്നിന് പൊള്ളും വില, കേരളത്തിൽ സ്വർണ വില വീണ്ടും റെക്കോർഡിൽ; പവന് 35000 കടന്നു
ലോക്ക്ഡൗണില് ഇളവുകള് പ്രഖ്യാപിച്ചതിനെ തുടര്ന്ന് മേയ് മാസത്തില് മാരുതിയുടെ പ്ലാന്റുകള് പ്രവര്ത്തനമാരംഭിച്ചിരുന്നു. റെഡ് സോണ് മേഖലകളില് ഒഴിച്ചുള്ള പ്രദേശങ്ങളിലെ ഡീലര്ഷിപ്പുകളും സര്വീസ് സെന്ററുകളും മെയ് പകുതിയോടെ പ്രവര്ത്തനമാരംഭിച്ചു. എന്നാൽ പ്രവർത്തനങ്ങൾ പുനരാരംഭിച്ചതോടെ ഒരു ജീവനക്കാരന് കൊവിഡ് പോസിറ്റീവായി.
കാർഷിക വായ്പ എടുത്തവർക്ക് ആശ്വാസം; തിരിച്ചടവ് കാലാവധി നീട്ടി, 4% പലിശയ്ക്ക് പുതിയ വായ്പ
ഉൽപ്പാദന ശാലകൾ, ഷോറൂമുകൾ, ഓഫീസുകൾ, വർക്ക്ഷോപ്പുകൾ എന്നിവിടങ്ങളിൽ കർശന നടപടികൾ സ്വീകരിച്ചതോടെ മറ്റ് ജീവനക്കാരെ കൊവിഡിൽ നിന്ന് മാറ്റി നിർത്താൻ കമ്പനിക്ക് കഴിഞ്ഞു. മാര്ച്ച് 15 മുതല് മേയ് 31 വരെയുള്ള കാലയളവില് സൗജന്യ സര്വീസും വാറണ്ടിയും നഷ്ടപ്പെട്ട വാഹനങ്ങള്ക്ക് സര്വീസ് ചെയ്യുന്നതിനും വാറണ്ടി പുതുക്കുന്നതിനും ജൂൺ 30 വരെ മാരുതി സമയം നൽകിയിട്ടുണ്ട്.
വന്ദേ ഭാരത് മൂന്നാം ഘട്ടം: പ്രവാസികൾക്കായി യുഎസിലേക്കും കാനഡയിലേക്കും 70 വിമാനങ്ങൾ പറക്കും
രാജ്യത്തെ തൊഴിലില്ലായ്മ നിരക്ക് മെയ് മാസത്തില് 23% ആയി തുടരുന്നു