മസഗോൺ ഡോക്ക് ഷിപ്പ് ബിൽഡേഴ്‌സ് ഓഹരികൾ വാങ്ങുന്നോ? ഈ മൾട്ടിബാഗർ ഓഹരികൾക്ക് വമ്പൻ കുതിപ്പ്

ഇന്ന് ഓഹരി വിപണിയിൽ പൊതുമേഖലാ പ്രതിരോധ ഓഹരിയായ മസഗോൺ ഡോക്ക് ഷിപ്പ് ബിൽഡേഴ്‌സ് ലിമിറ്റഡിന്റെ ഓഹരികൾ ഇടിയുന്നു. ഇപ്പോൾ 1.99% ഇടിഞ്ഞ് 3,408.90 രൂപയിലാണ് വ്യാപാരം നടത്തുന്നത്. മെയ് 29 വ്യാഴാഴ്ചയാണ് മസഗോൺ ഡോക്ക് ഷിപ്പ് ബിൽഡേഴ്‌സ് ഓഹരികളുടെ നാലാം പാദ ഫലങ്ങൾ പുറത്തു വിട്ടത്. അതോടെ ഓഹരികൾ ഇടിയാൻ തുടങ്ങി.

2025 സാമ്പത്തിക വർഷത്തെ നാലാം പാദ ഫലങ്ങൾക്കു ശേഷം മെയ് 30 വെള്ളിയാഴ്ച ഈ മൾട്ടിബാഗർ പ്രതിരോധ ഓഹരികൾ 7 ശതമാനം ഇടിഞ്ഞു. എന്നാൽ നിർമ്മൽ ബാംഗ് ഇൻസ്റ്റിറ്റ്യൂഷൻ ഇക്വിറ്റീസ് 'ബൈ' റേറ്റിം​ഗ് നിലനിർത്തുകയും ഓഹരിയുടെ മൂല്യനിർണ്ണയം 71 ശതമാനം വർദ്ധിപ്പിക്കുകയും ചെയ്തു. അതായത് ഓഹരിയുടെ ലക്ഷ്യ വില 4,350 രൂപയിൽ നിലനിർത്തി. ഭാവിയിൽ ഈ ഓഹരികൾ കുതിക്കുമെന്നാണ് ബ്രോക്കറേജ് വ്യക്തമാക്കുന്നത്.

ഏപ്രിൽ 11 ന് പ്രിവ്യൂ നോട്ട് മുതൽ ഓഹരി 43 ശതമാനം കുതിച്ചിട്ടും. ഇത് മൂന്ന് വർഷത്തെ ശരാശരി PE ആയ 20.1 മടങ്ങ് കൂടുതലാണ്. അതിനാൽ 4,350 രൂപ എന്ന ലക്ഷ്യ വില 25.1 ശതമാനം വർദ്ധനവിനെ സൂചിപ്പിക്കുന്നു. കഴിഞ്ഞ ഒരു വർഷത്തിനിടെ ഈ മൾട്ടിബാഗർ സ്റ്റോക്ക് 114 ശതമാനം ഉയർന്നിട്ടുണ്ട്.

നിലവിൽ ഓഹരികൾ ഇടിയുന്നെങ്കിലും ഭാവിയിൽ അപ്രതീക്ഷിത നേട്ടം ഉറപ്പാക്കുമെന്നാണ് ബ്രോക്കറേജ് വ്യക്തമാക്കുന്നത്. കൂടുതൽ വലിയ ഓർഡറുകൾ ലഭിക്കുന്നതോടെ വരും വർഷങ്ങളിൽ ലാഭത്തിലും ലാഭക്ഷമതയിലും ഗണ്യമായ വർദ്ധനവ് മാസഗൺ ഡോക്ക് പ്രതീക്ഷിക്കുന്നു. P75 അന്തർവാഹിനികൾക്കും P75I അന്തർവാഹിനികൾക്കുമുള്ള കരാറുകൾ 2026 സാമ്പത്തിക വർഷത്തിൽ ഒപ്പുവെക്കുമെന്ന് പ്രതിരോധ പൊതുമേഖലാ സ്ഥാപനം വ്യക്തമാക്കുന്നു. ഇത് ഓഹരികളിലെ കുതിപ്പിന് വഴിയൊരകുക്കും.

"നിലവിലെ 32,000 കോടി രൂപയിൽ നിന്ന് ഓർഡർ ബുക്ക് 1.25 ലക്ഷം കോടി രൂപയിലധികമാക്കുമെന്ന് പ്രതീക്ഷിക്കുന്നു. പുതിയ പദ്ധതികളുടെ വരവോടെ, മാർജിനുകളിലും ലാഭത്തിലും വർധനവ് ഉണ്ടാവുമെന്ന് പ്രതീക്ഷിക്കുന്നു. വലിയ കപ്പൽ പദ്ധതികളുമായി ബന്ധപ്പെട്ട സ്കെയിലിലെ സമ്പദ്‌വ്യവസ്ഥകൾ, ഷിപ്പ്‌യാർഡ് 4.0, ഡിജിറ്റൽ ട്രാൻസ്ഫൊമേഷനുകളിലെ കാര്യക്ഷമത എന്നിവ യാർഡിന്റെ മൊത്തത്തിലുള്ള ലാഭക്ഷമത മെച്ചപ്പെടുത്തുമെന്ന് പ്രതീക്ഷിക്കുന്നു," എന്ന് നിർമ്മൽ ബാംഗ് ഇൻസ്റ്റിറ്റ്യൂഷൻ പറഞ്ഞു.

Take a Poll

നാലാം പാദത്തിലെ വളർച്ച

2025 സാമ്പത്തിക വർഷത്തിന്റെ നാലാം പാദത്തിൽ വാർഷികാടിസ്ഥാനത്തിൽ മസഗൺ ഡോക്ക് ഷിപ്പ് ബിൽഡേഴ്‌സിന് അറ്റാദായം 51 ശതമാനം കുറഞ്ഞ് 325.3 കോടിയിലെത്തി. എന്നാൽ പ്രവർത്തനങ്ങളിൽ നിന്നുള്ള വരുമാനം 2.3 ശതമാനം വർധിച്ച് 3,174.4 കോടിയിലെത്തി. 2025 മാർച്ചിൽ അവസാനിച്ച പാദത്തിൽ വിൽപ്പന 2.28 ശതമാനം ഉയർന്ന് 3174.41 കോടി രൂപയായി. കഴിഞ്ഞ വർഷത്തെ നാലാം പാദത്തിൽ ഇത് 3103.65 കോടി രൂപയായിരുന്നു.

ബോർഡ് 5 രൂപ വീതമുള്ള ഓരോ ഇക്വിറ്റി ഷെയറിനും 2.71 രൂപ എന്ന അന്തിമ ലാഭവിഹിതം പ്രഖ്യാപിച്ചിട്ടുണ്ട്. ഇത് ഉടൻ തന്നെ യോ​ഗ്യരായിട്ടുള്ള ഓഹരി ഉടമകൾക്ക് നൽകും.

ബ്രോക്കറേജിൻ്റെ കണക്കുകൾ

"മറ്റ് ചെലവുകൾക്കുള്ള പ്രൊവിഷനിലെ വർദ്ധനവാണ് EBITDA ഇടിവിന് കാരണമെന്ന് കണക്കാക്കാം. ഇത് വർഷം തോറും 436 ശതമാനം വർദ്ധിച്ചു. രണ്ട് കരാറുകൾ സംഭവിച്ചതിനാലാണ് ഈ വർദ്ധനവ് സംഭവിച്ചിട്ടുള്ളത്. ഒന്ന് കോസ്റ്റ് ഗാർഡിലേക്കുള്ള എഫ്‌പിവി സപ്ലൈ നടത്തുന്നതും മറ്റൊന്ന് ഡെൻമാർക്ക് കരാറുമായി ബന്ധപ്പെട്ടതുമാണ്" എന്ന് നിർമ്മൽ ബാംഗ് പറഞ്ഞു.