പശ്ചിമേഷ്യന്‍ സംഘര്‍ഷം: വന്‍ പ്രഖ്യാപനങ്ങളുമായി ഇന്‍ഡിഗോയും സ്‌പൈസ് ജെറ്റും, വിശദാംശങ്ങള്‍

ഇസ്രായേല്‍,അമേരിക്ക-ഇറാന്‍ യുദ്ധം രൂക്ഷമായ സാഹചര്യത്തില്‍ യാത്രികര്‍ക്ക് സഹായ ഹസ്തവുമായി ഇന്‍ഡിഗോയും സ്‌പൈസ് ജെറ്റും.

ഇന്‍ഡിഗോ സൗജന്യ ടിക്കറ്റ് റദ്ദാക്കലിനും പുന: ക്രമീകരണത്തിനുമുള്ള സൗകര്യമൊരുക്കുമ്പോള്‍ പുതിയ സര്‍വീസുകള്‍ സജ്ജീകരിക്കുകയാണ് സ്‌പൈസ് ജെറ്റ്.

ഇന്‍ഡിഗോ
മിഡില്‍ ഈസ്റ്റിലേയ്ക്കും ഇസ്താംബൂളിലേയ്ക്കുമുള്ള ടിക്കറ്റുകളും ഇവിടെ നിന്ന് നാട്ടിലേയ്ക്കുള്ള ടിക്കറ്റുകളും യാത്രികര്‍ക്ക് ക്യാന്‍സല്‍ ചെയ്യാം.

ഈ ടിക്കറ്റുകള്‍ മറ്റൊരു തീയതിയിലേയ്ക്ക് മാറ്റാനുമാകും.

ഈ സൗകര്യങ്ങള്‍ മാര്‍ച്ച് 31 വരെ ലഭ്യമാകും.

യാത്രികര്‍ക്ക് തങ്ങളുടെ വിമാന സ്റ്റാറ്റസ് http://bit.ly/31paVKQ ലിങ്കില്‍ പരിശോധിക്കാം.

കൂടുതല്‍ വിവരങ്ങള്‍ക്ക് [phone] എന്ന നമ്പറില്‍ ബന്ധപ്പെടുക.

സ്‌പൈസ് ജെറ്റ്

യുണൈറ്റഡ് അറബ് എമിറേറ്റ്‌സില്‍ നിന്ന് സ്‌പൈസ് ജെറ്റ് 14 പ്രത്യേക സര്‍വീസുകള്‍ നടത്തും.

മാര്‍ച്ച് 6 ന് നടത്തുന്ന സര്‍വീസുകളില്‍ 13 എണ്ണം ഫുജൈറയില്‍ നിന്നും ഒന്ന് ദുബായില്‍ നിന്നുമാണ്.

ഫുജൈറയില്‍ നിന്ന് മുംബൈയിലേക്ക് ഒമ്പത് പ്രത്യേക വിമാനങ്ങളും, ഫുജൈറയില്‍ നിന്ന് ഡല്‍ഹിയിലേക്ക് നാല് പ്രത്യേക വിമാനങ്ങളും, ദുബായില്‍ നിന്ന് പൂനെയിലേക്ക് ഒരു പ്രത്യേക വിമാനവും പറക്കും.

കഴിഞ്ഞ 3 ദിവസത്തില്‍, സ്‌പൈസ് ജെറ്റ്, യുഎഇയില്‍ നിന്ന് 25 പ്രത്യേക സര്‍വീസുകള്‍ നടത്തി.

ഡല്‍ഹി, മുംബൈ, കൊച്ചി എന്നിവിടങ്ങളിലേയ്ക്കായിരുന്നു ഇത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.