Click it and Unblock the Notifications
ബെംഗളൂരുവിലെ പുരുഷന്മാരായ ബസ് യാത്രികര്ക്കിതാ ഒരു സന്തോഷ വാര്ത്ത, വന് പ്രഖ്യാപനവുമായി ഗതാഗത വകുപ്പ് മന്ത്രി
ബെംഗളൂരുവിലെ പുരുഷന്മാരായ ബസ് യാത്രികര്ക്കിതാ ഒരു സന്തോഷ വാര്ത്ത
ബിഎംടിസി, കെഎസ്ആര്ടിസി ബസുകളില് ഈ വര്ഷം നിരക്കുവര്ദ്ധനവുണ്ടാകില്ല. ഈ വര്ഷം നിരക്കുപരിഷ്ക്കരണമില്ലെന്ന് ഗതാഗത മന്ത്രി രാമലിംഗ റെഡ്ഡി പ്രഖ്യാപിച്ചു.
'നിലവില് വില വര്ധനവ് ഉണ്ടാകില്ല. കമ്മിറ്റി രൂപീകരിച്ച് റിപ്പോര്ട്ട് ലഭിച്ചതിനുശേഷം മാത്രമേ അടുത്ത തീരുമാനം എടുക്കൂ,' രാമലിംഗ റെഡ്ഡി പറഞ്ഞു.
പുരുഷന്മാരായ യാത്രക്കാര്ക്കാണ് നടപടി ഗുണം ചെയ്യുക. ശക്തി പദ്ധതിയില് ഉള്പ്പെടുത്തി സ്ത്രീകള്ക്ക് ബസ് യാത്ര ഇതിനകം സൗജന്യമാക്കിയിട്ടുണ്ട്.
അടുത്തവര്ഷം നിരക്ക് വര്ദ്ധനവിന് സാധ്യത
ജലബോര്ഡ്, വൈദ്യുതി, മെട്രോ എന്നിവയുടെ മാതൃകയില് എല്ലാ വര്ഷവും ഒരു കമ്മിറ്റി രൂപീകരിക്കാനും നിരക്ക് വര്ദ്ധന ഏര്പ്പെടുത്താനും സംസ്ഥാന ഗതാഗത വകുപ്പ് തീരുമാനിച്ചിരുന്നു.
എന്നാല് ഈവര്ഷം കമ്മിറ്റി വൈകിയാണ് രൂപീകരിക്കുക. അതായത് 2026 ജനുവരി മുതല് ഏപ്രില് അല്ലെങ്കില് മെയ് വരെയുള്ള ബസ് നിരക്കുകളില് വര്ദ്ധനവുണ്ടാകില്ല. അടുത്ത വര്ഷം (2027) നിരക്ക് പരിഷ്ക്കരിക്കും.
സംസ്ഥാനത്തെ പുരുഷ യാത്രികര്ക്ക് പ്രത്യേകിച്ചും ഇടത്തരം തൊഴിലാളികള്ക്ക് വലിയ ആശ്വാസമാണ് തീരുമാനം.
യാത്രക്കാരുടെ പ്രതികരണം
തീരുമാനത്തെ യാത്രക്കാര് സ്വാഗതം ചെയ്തു. സര്വീസുകളുടെ ഗുണനിലവാരം, സമയനിഷ്ഠ, സൗകര്യങ്ങള് എന്നിവ മെച്ചപ്പെടുത്തണമെന്ന ആവശ്യം അവര് ഉന്നയിച്ചു.
സ്ത്രീ യാത്രികര്
സ്ത്രീ യാത്രികര്ക്ക്, ശക്തി സ്ക്കീമില് പെടുത്തി, യാത്രകള് ഇതിനോടകം സൗജന്യമാക്കിയിട്ടുണ്ട്.
നാല് സംസ്ഥാന ഗതാഗത കോര്പ്പറേഷനുകളുടെ ബസുകള് നിലവില് സ്ത്രീകള്ക്ക് സൗജന്യ യാത്ര അനുവദിക്കുന്നു. ബെംഗളൂരില് മാത്രം ഏകദേശം 22-24 ലക്ഷം പേരാണ് പദ്ധതിയുടെ ഗുണഭോക്താക്കള്.
കൂടാതെ, പ്രീ-യൂണിവേഴ്സിറ്റി കോഴ്സ് അല്ലെങ്കില് പി.യു.സി വിദ്യാര്ത്ഥികള്ക്ക് പരീക്ഷാ കാലയളവില് കെഎസ് ആര്ടിസി യാത്ര സൗജന്യമാണ്. ഫെബ്രുവരി 28 മുതല് മാര്ച്ച് 17 വരെ ഈ സൗകര്യം ലഭ്യമാകും.
Sign in with Google