മൂഡീസ് 2019ലെ ഇന്ത്യയുടെ ജിഡിപി വളർച്ചാ പ്രവചനം 5.6 ശതമാനമായി വെട്ടിക്കുറച്ചു

2019 ലെ ജിഡിപി വളർച്ചാ പ്രവചനം 5.6 ശതമാനമായി കുറച്ചതായി മൂഡീസ് ഇൻവെസ്റ്റേഴ്സ് സർവീസ് അറിയിച്ചു. മന്ദഗതിയിലുള്ള തൊഴിൽ വളർച്ചയെയും ഉപഭോഗത്തെയും ആശ്രയിച്ചാണ് വളർച്ചാ പ്രവചനം വെട്ടിക്കുറച്ചത്. 2020 ലും 2021 ലും യഥാക്രമം 6.6 ശതമാനവും 6.7 ശതമാനവും സാമ്പത്തിക വളർച്ച കൈവരിക്കുമെന്നാണ് മൂഡീസ് പ്രതീക്ഷിക്കുന്നത്. എന്നാൽ വളർച്ചയുടെ വേഗത മുൻകാലങ്ങളെ അപേക്ഷിച്ച് കുറവാണ്.

ഇന്ത്യയുടെ 2019 ലെ മൊത്ത ആഭ്യന്തര ഉത്പാദന (ജിഡിപി) വളർച്ചാ പ്രവചനം 5.6 ശതമാനമായി കുറച്ചിട്ടുണ്ടെന്നും ഇത് 2018 ലെ 7.4 ശതമാനത്തേക്കാൾ വളരെ താഴെയാണെന്നും മൂഡീസിന്റെ റിപ്പോർട്ടിൽ പറയുന്നു. 2018 ന്റെ പകുതി മുതൽ ഇന്ത്യയുടെ സാമ്പത്തിക വളർച്ചയിൽ ഇടിവ് രേഖപ്പെടുത്തുന്നുണ്ട്. യഥാർത്ഥ ജിഡിപി വളർച്ച 2019 രണ്ടാം പാദത്തിൽ (ഏപ്രിൽ-ജൂൺ) ഏകദേശം 8 ശതമാനത്തിൽ നിന്ന് 5 ശതമാനമായി കുറഞ്ഞു. ജൂലൈ - സെപ്റ്റംബർ പാദത്തിൽ ഇത് 4.5 ശതമാനമായി കുറഞ്ഞു.

മൂഡീസ് 2019ലെ ഇന്ത്യയുടെ ജിഡിപി വളർച്ചാ പ്രവചനം 5.6 ശതമാനമായി വെട്ടിക്കുറച്ചു

സമ്പദ്വ്യവസ്ഥയുടെ ഉത്തേജനത്തിനായി സർക്കാർ കോർപ്പറേറ്റ് നികുതി നിരക്ക് വെട്ടിക്കുറയ്ക്കുകയും, ബാങ്ക് റീക്യാപ്പിറ്റലൈസേഷൻ നടത്തുകയും, വാഹനമേഖലയ്ക്ക് പിന്തുണ പ്രഖ്യാപിക്കുകയും ചെയ്തിരുന്നു. ഇതുകൂടാതെ, റിസർവ് ബാങ്ക് പല തവണ പലിശനിരക്കും വെട്ടിക്കുറച്ചിരുന്നു.

2019 സെപ്റ്റംബർ 30 ന് അവസാനിച്ച ആറ് മാസങ്ങളിൽ ഇന്ത്യയിലെ വാണിജ്യ വാഹന വിൽപ്പന 22.95 ശതമാനം കുറഞ്ഞു. അടുത്ത ഏതാനും പാദങ്ങളിൽ കൂടി വാഹന മേഖലയിൽ ഇടിവ് തുടരുമെന്നാണ് പ്രതീക്ഷിക്കുന്നത്. എന്നിരുന്നാലും, മന്ദഗതിയിലുള്ള സാമ്പത്തിക വളർച്ച ഇതുവരെ വായ്പകളെ കാര്യമായി ബാധിച്ചിട്ടില്ല.