ഇപ്പോൾ വാങ്ങാൻ 3 ഓഹരികൾ, കുതിപ്പ് തുടർന്നാൽ 28 ശതമാനം ലാഭം കീശയിൽ, കൂടുതൽ വിവരങ്ങൾ അറിയാം

ഓഹരി വിപണി കഴിഞ്ഞ കുറച്ച് ദിവസമായി കരടികൾക്കൊപ്പമാണ് സഞ്ചരിക്കുന്നത്. വെള്ളിയാഴ്ചയും സൂചികകൾ താഴേക്ക് വീണതോടെ തുടർച്ചയായ ആറാം ദിവസവും വിപണി ചുവപ്പിൽ അവസാനിച്ചു. ഫാർമ കമ്പനികൾക്കുള്ള ട്രംപിന്‍റെ പുതിയ താരിഫുകൾ, എച്ച്-1ബി വിസ ഫീസ് വർദ്ധനവ്, നിരക്ക് കുറയ്ക്കുന്നതിൽ ഫെഡ് എടുത്ത ജാഗ്രതാ നിലപാട് എന്നിവ ഐടി, ഫാർമ ഓഹരികളിൽ വൻ വിൽപ്പനയ്ക്ക് കാരണമായി. ഇത് സൂചികകളെ താഴേക്ക് നയിച്ചു. ഈ ആഴ്ച മൊത്തത്തിൽ സെൻസെക്സ് 2.66 ശതമാനം ഇടിഞ്ഞു. നിഫ്റ്റി 2.65 ശതമാനം ഇടിഞ്ഞു.

വരും ദിവസങ്ങളിലും വിപണി താഴേക്ക് വീണാൽ നിക്ഷേപകരുടെ ഹൃദയം തകരും എന്ന കാര്യം ഉറപ്പാണ്. അതുകൊണ്ടുതന്നെ സാങ്കേതികമായി മികച്ച ഓഹരികളിൽ നിക്ഷേപം നടത്താൻ പ്രത്യേകം ശ്രദ്ധിക്കണം. ബ്രോക്കറേജ് സ്ഥാപനമായ മോത്തിലാൽ ഓസ്വാൾ നാല് ഓഹരികളിഷ 'ബൈ' കോളുകൾ നടത്തിയിട്ടുണ്ട് . ഈ ഓഹരികളിലെ നിക്ഷേപത്തിലൂടെ 28 ശതമാനത്തോളം നേട്ടമുണ്ടാക്കാക്കാം എന്നാണ് ബ്രോക്കറേജ് പറയുന്നത്. നമുക്ക് വിശദമായി പരിശോധിക്കാം.

1. ഹിന്ദുസ്ഥാൻ എയറോനോട്ടിക്സ്

ബ്രോക്കറേജ് റിപ്പോർട്ട് അനുസരിച്ച് 97 ലൈറ്റ് കോംബാറ്റ് എയർക്രാഫ്റ്റുകൾ (LCA) Mk1A യ്ക്കായി 62,400 കോടി രൂപയുടെ ഫോളോ-ഓൺ ഓർഡറിൽ പ്രതിരോധ മന്ത്രാലയം ഒപ്പുവച്ചതിനുശേഷം എച്ച്എഎല്ലിന്‍റെ വളർച്ച സാധ്യത ഗണ്യമായി വർദ്ധിച്ചു. 2021 ജനുവരിയിൽ 83 ജെറ്റുകൾക്കായുള്ള മുൻ ഓർഡറിന് പുറമെയാണ് പുതിയ ഓർഡറുകൾ. 68 സിംഗിൾ-സീറ്റ് ജെറ്റുകളും 29 ട്വിൻ-സീറ്റ് ജെറ്റുകളും ഉൾപ്പെടുന്ന ഈ യുദ്ധവിമാനങ്ങളുടെ വിതരണം 2028 സാമ്പത്തിക വർഷത്തിൽ ആരംഭിച്ച് ആറ് വർഷത്തിനുള്ളിൽ പൂർത്തിയാക്കാനാണ് പദ്ധതി. 2025 സാമ്പത്തിക വർഷത്തിന്റെ മൂന്നാം പാദം മുതൽ തേജസ് വിമാനങ്ങളുടെ ഡെലിവറികൾ എച്ച്എഎൽ ആരംഭിക്കുന്നതോടെ നിർമ്മാണ ഓർഡർ ബുക്കിന്റെ എക്സിക്യൂഷൻ സ്കെയിൽ-അപ്പ് വർദ്ധിക്കുമെന്ന് കണക്കുകൾ സൂചിപ്പിക്കുന്നു എന്നും ബ്രോക്കറേജ് കൂട്ടിച്ചേർത്തു.

ഹിന്ദുസ്ഥാൻ എയറോനോട്ടിക്സിന് (എച്ച്എഎൽ) മോട്ടിലാൽ ഓസ്വാൾ 'വാങ്ങുക' റേറ്റിംഗ് നൽകി , 5,800 രൂപ ലക്ഷ്യ വിലയ്ക്ക്. ഇത് നിലവിലെ വിപണി വിലയേക്കാൾ 21% സാധ്യതയുള്ള വർദ്ധനവിന് തുല്യമാണ്.

2. ഗ്രാസിം ഇൻഡസ്ട്രീസ്

പെയിന്റ്സ്, ബി2ബി ഇ-കൊമേഴ്‌സ് സംരംഭങ്ങളിൽ വിപണി വിഹിതം പിടിച്ചെടുക്കുക എന്നത് അടിയന്തര മുൻഗണനയായി തുടരുന്നുവെന്ന് മാനേജ്‌മെന്റ് വ്യാഖ്യാനം സൂചിപ്പിക്കുന്നു. 2028 സാമ്പത്തിക വർഷത്തോടെ 100 ബില്യൺ രൂപയുടെ വരുമാനം കൈവരിക്കുന്നതിനും പ്രവർത്തന തലത്തിൽ ലാഭം നേടുന്നതിനും കമ്പനിക്ക് പദ്ധതികളുണ്ടെന്നും ബ്രോക്കറേജ് ചൂണ്ടിക്കാട്ടി. പെയിന്റ്സ്, ബി2ബി പ്ലാറ്റ്‌ഫോമുകൾ എന്നിവ ഇതിനകം പ്രതീക്ഷിച്ചതിലും ശക്തമായ വളർച്ച കൈവരിച്ചിട്ടുണ്ട്.

3550 രൂപ ടാർഗെറ്റ് വിലയോടെ ഗ്രാസിം ഇൻഡസ്ട്രീസ് ഓഹരി വാങ്ങാമെന്നാണ് മോത്തിലാൽ ശുപാർശ. ഇത് നിലവിലെ ഓഹരി വിലയിൽ നിന്നും 28 ശതമാനം നേട്ടത്തെ സൂചിപ്പിക്കുന്നു.

3. മൈക്രോഫിനാൻസ് മേഖല

ഈ മേഖലയിൽ, മോത്തിലാൽ ഓസ്വാൾ നിക്ഷേപകർക്കായി രണ്ട് ഓഹരികൾ ശുപാർശ ചെയ്യുന്നുണ്ട്- ക്രെഡിറ്റ് ആക്‌സസ് ഗ്രാമീൺ , ഫ്യൂഷൻ ഫിനാൻസ്. 1660 രൂപയാണ് ക്രെഡിറ്റ് ആക്‌സസ് ഗ്രാമീൺ ഓഹരിയുടെ ടാർഗെറ്റ് വില. ഇത് നിലവിലെ ഓഹരി വിലയിൽ നിന്നും 17 ശതമാനം നേട്ടത്തെ സൂചിപ്പിക്കുന്നു. അതേസമയം
ഫ്യൂഷൻ മൈക്രോഫിനാൻസിന്‍റെ ലക്ഷ്യം 24% വർദ്ധിച്ച് 240 രൂപയാണ്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.