മുകേഷ് അംബാനി കോടീശ്വര പട്ടികയിൽ വീണ്ടും മുൻ നിരയിലേയ്ക്ക്

റിലയൻസ് ഇൻഡസ്ട്രീസ് ലിമിറ്റഡിന്റെ ചെയർമാനായ മുകേഷ് അംബാനി ബ്ലൂംബെർഗ് ശതകോടീശ്വര പട്ടികയിൽ പതിനാലാം സ്ഥാനത്തെത്തി. മുകേഷ് അംബാനി തുടർച്ചയായി 10 വർഷത്തിലേറെയായി ഇന്ത്യയിലെ ഏറ്റവും വലി ധനികൻ എന്ന പദവി നിലനിർത്തുന്ന വ്യക്തിയാണ്. 2018 ജൂലൈയിൽ മുകേഷ് അംബാനി അലിബാബയുടെ മുൻ ചെയർമാനായ ജാക്ക് മായെ മറികടന്ന് ഏഷ്യയിലെ ഏറ്റവും വലിയ ധനികനുമായിരുന്നു.

ബ്ലൂംബെർഗ് ശതകോടീശ്വരൻ സൂചിക അനുസരിച്ച്, 2019 നവംബർ 3 വരെ 57 ബില്യൺ ഡോളറിന്റെ ആസ്തിയാണ് മുകേഷ് അംബാനിയ്ക്കുള്ളത്. ഇതോടെ ശതകോടീശ്വരന്മാരുടെ പട്ടികയിൽ പതിനാലാം സ്ഥാനത്തേയ്ക്കാണ് ഇദ്ദേഹം ഉയർന്നത്. 2019 ഒക്ടോബർ 06 വരെ 51.2 ബില്യൺ ഡോളർ ആസ്തിയുമായി മുകേഷ് അംബാനി 17-ാം സ്ഥാനത്തായിരുന്നു. ഫോബ്‌സിന്റെ കണക്കനുസരിച്ച്, 2019 നവംബർ 3ന് 56.7 ബില്യൺ ഡോളർ ആസ്തിയുള്ള ലോകത്തെ 13-ാമത്തെ സമ്പന്ന വ്യക്തിയാണ് മുകേഷ് അംബാനി.

മുകേഷ് അംബാനി കോടീശ്വര പട്ടികയിൽ വീണ്ടും മുൻ നിരയിലേയ്ക്ക്

റിലയൻസ് ഇൻഡസ്ട്രീസിന്റെ ഓഹരി വില കുതിച്ചുയർന്നതിനെ തുടർന്നാണ് മുകേഷ് അംബാനി ഒരു മാസത്തിനിടെ മൂന്ന് സ്ഥാനങ്ങളുടെ കുതിപ്പ് നടത്തിയത്. കഴിഞ്ഞ മാസം തന്നെ, റിലയൻസ് ഇൻഡസ്ട്രീസ് ലിമിറ്റഡ് ഒമ്പത് ലക്ഷം കോടി രൂപയുടെ മാ‍ർക്കറ്റ് ക്യാപിറ്റലൈസേഷൻ നേടിയിരുന്നു. കഴിഞ്ഞ ആഴ്ച, റിലയൻസ് ഇൻഡസ്ട്രീസിന്റെ ഓഹരി വിപണി മൂല്യം 16,671.95 കോടി ഉയർന്ന് 9.23 ലക്ഷം കോടി രൂപയായി.

മുകേഷ് അംബാനിയുടെ സമ്പത്തിന്റെ ഗണ്യമായ ഒരു ഭാഗം ഓയിൽ-ടു-ടെക്സ്റ്റൈൽ-ടു-റീട്ടെയിൽ-ടു-ടെലികോം കമ്പനിയായ റിലയൻസ് ഇൻഡസ്ട്രീസിലെ ഇക്വിറ്റി ഹോൾഡിംഗുകളിൽ നിന്നാണ് ലഭിച്ചത്. ആർ‌ഐ‌എല്ലിന്റെ ഓഹരി വിലയിൽ ഗുണപരമായ ഏറ്റക്കുറച്ചിലുകളുണ്ടായതോടെയാണ് മുകേഷ് അംബാനിയുടെ മൊത്തം സമ്പത്ത് കുതിച്ചുയർന്നത്.

malayalam.goodreturns.in