അംബാനി കുടുംബത്തിൽ പുതിയ അതിഥി, കൊച്ചുമകന്റെ പേര് വെളിപ്പെടുത്തി മുകേഷ് അംബാനി

റിലയൻസ് ഇൻഡസ്ട്രീസ് (ആർ‌ഐ‌എൽ) ചെയർമാനും മാനേജിംഗ് ഡയറക്ടറുമായ (എംഡി) മുകേഷ് അംബാനി മുത്തശ്ശനായി. മൂത്തമകൻ ആകാശ് അംബാനിക്ക് ഡിസംബർ 10 നാണ് മകൻ ജനിച്ചത്. ഇപ്പോഴിതാ ഏഷ്യയിലെ ഏറ്റവും ധനികനായ അംബാനി തന്റെ നവജാത ചെറുമകനോടൊപ്പം സോഷ്യൽ മീഡിയയിൽ ഒരു ചിത്രത്തിൽ പ്രത്യക്ഷപ്പെട്ടു. ഇതിനെ തുടർന്ന് ശ്ലോകയ്ക്കും ആകാശ് അംബാനിക്കും അഭിനന്ദനങ്ങൾ നേർന്ന് നിരവധി പേർ രംഗത്തെത്തിയിട്ടുണ്ട്.

കുഞ്ഞിന്റെ പേര്

കുഞ്ഞിന്റെ ജനനം മേത്ത, അംബാനി കുടുംബങ്ങൾക്ക് വളരെയധികം സന്തോഷം നൽകിയതായി ഔദ്യോഗിക പ്രസ്താവനയിൽ വ്യക്തമാക്കിയിട്ടുണ്ട്. ജൂനിയർ അംബാനിയുടെ പേര് വെളിപ്പെടുത്തിയാണ് അംബാനി, മേത്ത കുടുംബങ്ങൾ പ്രസ്താവന പുറത്തിറക്കിയത്. പൃഥ്വി ആകാശ് അംബാനി എന്നാണ് കുഞ്ഞിന് പേരിട്ടിരിക്കുന്നത്.

രണ്ട് മാസം; റിലയൻസ് റീട്ടെയിൽ സമാഹരിച്ചത് 47,200 കോടി! ഓഹരി വിൽപന നിർത്തി... വിറ്റത് 10.09% ഓഹരികൾ രണ്ട് മാസം; റിലയൻസ് റീട്ടെയിൽ സമാഹരിച്ചത് 47,200 കോടി! ഓഹരി വിൽപന നിർത്തി... വിറ്റത് 10.09% ഓഹരികൾ

ആകാശും പൃഥ്വിയും

കൊച്ചുമകന് ‘പൃഥ്വി' എന്ന് പേരിട്ടതിന്റെ കാരണം കുടുംബം വെളിപ്പെടുത്തിയതായി നിരവധി വാർത്താ റിപ്പോർട്ടുകൾ പുറത്തു വന്നിട്ടുണ്ട്. കുഞ്ഞിന്റെ പിതാവായ ആകാശ് അംബാനിയുടെ പേരിന് സാദൃശ്യമുള്ള പേര് തന്നെയാണ് ജൂനിയറിന് നൽകിയിരിക്കുന്നത്. 63കാരനായ അംബാനിക്കും ഭാര്യ നിതയ്ക്കും മൂന്ന് മക്കളാണുള്ളത്. ഇരട്ടകളായ ആകാശ്, ഇഷ എന്നിവർക്ക് 29 വയസ്സാണ് പ്രായം. ഇളയമകനായ അനന്തിന് 25 വയസ്സാണുള്ളത്.

5 വര്‍ഷത്തിനകം എണ്ണ ശുദ്ധീകരണ ശേഷി ഇരട്ടിയാക്കുമെന്ന് മോദി; അതിവേഗ കുതിപ്പ് ലക്ഷ്യം 5 വര്‍ഷത്തിനകം എണ്ണ ശുദ്ധീകരണ ശേഷി ഇരട്ടിയാക്കുമെന്ന് മോദി; അതിവേഗ കുതിപ്പ് ലക്ഷ്യം

ആകാശ് - ശ്ലോക വിവാഹം

കഴിഞ്ഞ വർഷം മുംബൈയിലെ ബാന്ദ്ര-കുർള കോംപ്ലക്‌സിലെ ജിയോ വേൾഡ് സെന്ററിൽ വച്ചാണ് വജ്ര വ്യാപാരിയായ റസ്സൽ മേത്തയുടെയും മോനാ മേത്തയുടെ മകളായ ശ്ലോകയും ആകാശും വിവാഹം കഴിച്ചത്. ആർഭാടപൂർവ്വമായ ഈ വിവാഹ ചടങ്ങിൽ ബോളിവുഡ് താരങ്ങളെല്ലാം തന്നെ പങ്കെടുത്തിരുന്നു. മുൻ ബ്രിട്ടീഷ് പ്രധാനമന്ത്രി ടോണി ബ്ലെയർ, ഗൂഗിൾ സിഇഒ സുന്ദർ പിച്ചായ്, മൈക്രോസോഫ്റ്റ് സിഇഒ സത്യ നാഡെല്ല എന്നിവരും ചടങ്ങിൽ പങ്കെടുത്തു.