കൊറോണ വൈറസിനെതിരെ പോരാടാനുള്ള മെഗാ പദ്ധതിയുമായി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. സർക്കാരിനെ സഹായിക്കാൻ റിലയൻസ് റീട്ടെയിൽ, ജിയോ, റിലയൻസ് ഫൌണ്ടേഷൻ എന്നിവയുൾപ്പെടെയുള്ള എല്ലാ വിഭാഗങ്ങളുടെയും സന്നദ്ധത കമ്പനി അറിയിച്ചു. റിലയൻസ് ഇൻഡസ്ട്രീസ് ലിമിറ്റഡ് മഹാരാഷ്ട്ര സർക്കാറിന്റെ ദുരിതാശ്വാസ നിധിക്ക് 5 കോടി രൂപ സംഭാവന നൽകിയിരുന്നു. ഇത് രാജ്യത്തെ തൊഴിലാളികൾക്ക് ഫെയ്സ് മാസ്കുകളും സുരക്ഷാ സ്യൂട്ടുകളും നിർമ്മിക്കാൻ ഉപയോഗിക്കുമെന്നാണ് പ്രഖ്യാപിച്ചിരിക്കുന്നത്.
മുകേഷ് അംബാനിക്ക് വരുമാനം മണിക്കൂറില് ഏഴ് കോടി, അതിസമ്പന്നരുടെ പട്ടികയിൽ ഇന്ത്യ മൂന്നാമത്
റിലയൻസ് സേവനങ്ങൾ
കോവിഡ് -19 നെതിരായ ഈ കർമപദ്ധതിയിൽ റിലയൻസ് ഫൌണ്ടേഷൻ, റിലയൻസ് റീട്ടെയിൽ, ജിയോ, റിലയൻസ് ലൈഫ് സയൻസസ്, റിലയൻസ് ഇൻഡസ്ട്രീസ് തുടങ്ങി റിലയൻസ് കുടുംബത്തിലെ 6 ലക്ഷം അംഗങ്ങളെയാണ് കമ്പനി ആർഐഎൽ വിന്യസിച്ചിരിക്കുന്നതെന്ന് കമ്പനി പ്രസ്താവനയിൽ പറഞ്ഞു. കമ്പനി പ്രതിദിനം ഫെയ്സ് മാസ്കുകളുടെ ഉൽപാദന ശേഷി ഒരു ലക്ഷമായി ഉയർത്തും. കോവിഡ് -19 രോഗികളെ കയറ്റുന്ന അടിയന്തിര വാഹനങ്ങൾക്ക് സൌജന്യ ഇന്ധനവും വിവിധ നഗരങ്ങളിൽ സൌജന്യ ഭക്ഷണവും റിലയൻസ് വാഗ്ദാനം ചെയ്തിട്ടുണ്ട്.
ആശുപത്രി
റിലയൻസ് ഫൌണ്ടേഷനു കീഴിൽ കമ്പനി ബിഎംസിയുമായി ചേർന്ന് ഇന്ത്യയിലെ ആദ്യത്തെ കോവിഡ് -19 ആശുപത്രി നിർമ്മിക്കുകയും മുംബൈയിലെ സെവൻ ഹിൽസ് ഹോസ്പിറ്റലിൽ 100 ബെഡ്ഡുള്ള സെന്റർ സ്ഥാപിക്കുകയും ചെയ്തു. മഹാരാഷ്ട്രയിലെ ലോധിവാലിയിലും ഐസോലേഷൻ സൗകര്യം ഒരുക്കിയിട്ടുണ്ട്.
കൊറോണ വൈറസ് കോടീശ്വരന്മാരെ ബാധിക്കുന്നത് എങ്ങനെ? മുകേഷ് അംബാനിക്ക് നഷ്ടം 5 ബില്യൺ ഡോളർ
റിലയൻസ് റീട്ടെയിൽ ഔട്ട്ലെറ്റുകൾ
സേവന ചാർജുകളൊന്നുമില്ലാതെ ജിയോ അടിസ്ഥാന ജിയോ ഫൈബർ കണക്റ്റിവിറ്റി (10 എംബിപിഎസ്) നൽകുമെന്ന് പ്രഖ്യാപിച്ചു. റിലയൻസ് റീട്ടെയിൽ ഔട്ട്ലെറ്റുകൾ വഴി പലചരക്ക് സാധനങ്ങൾ വിതരണം ചെയ്യുന്നത് ഉറപ്പാക്കുമെന്നും അതിനാൽ പൗരന്മാർ സാധനങ്ങൾ സംഭരണം ആവശ്യമില്ലെന്നും കമ്പനി വ്യക്തമാക്കി. രാജ്യത്തുടനീളമുള്ള റിലയൻസ് റീട്ടെയിലിലെ 736 കടകളിൽ പയറുവർഗങ്ങൾ, പഴങ്ങൾ, പച്ചക്കറികൾ, റൊട്ടി, പ്രഭാതഭക്ഷണ ധാന്യങ്ങൾ, ദൈനംദിന ഉപയോഗത്തിനുള്ള മറ്റ് വസ്തുക്കൾ എന്നിവ ഉൾപ്പെടെയുള്ള അവശ്യവസ്തുക്കൾ വിതരണം ചെയ്യുമെന്ന് ഉറപ്പാക്കുമെന്നും റിലയൻസ് അറിയിച്ചു.
മറ്റ് ബിസിനസുകാർ
മറ്റ് ചില വ്യവസായികളും കൊവിഡ് പ്രതിരോധത്തിന്റെ ഭാഗമായി സേവന സന്നദ്ധത അറിയിച്ചിട്ടുണ്ട്. കമ്പനിയുടെ റിസോർട്ട് ബിസിനസ്സ് ഐസോലേഷൻ സൗകര്യത്തിനായി പ്രവർത്തിക്കുമെന്ന് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര അടുത്തിടെ വ്യക്തമാക്കിയിരുന്നു. ഇതുവരെ 400 ഓളം പേരെ ബാധിച്ച മാരകമായ കൊറോണ വൈറസിനെതിരായ പോരാട്ടത്തിന് വേദാന്ത ഉടമ അനിൽ അഗർവാളും 100 കോടി രൂപ വാഗ്ദാനം ചെയ്തു.
ലോകത്തെ മികച്ച മൂന്ന് സമ്പദ്വ്യവസ്ഥകളിലൊന്നായി ഇന്ത്യ മാറും ; മുകേഷ് അംബാനി