പുതുചരിത്രം കുറിച്ച് റിലയന്‍സ്; ബ്രിട്ടീഷ് കമ്പനി സ്റ്റോക്ക് പാര്‍ക്കിനെ മുകേഷ് അംബാനി ഏറ്റെടുത്തു

മുംബൈ: ശതകോടീശ്വരന്‍ മുകേഷ് അംബാനിയുടെ നിയന്ത്രണത്തിലുള്ള റിലയന്‍സ് ഇന്‍ഡസ്ട്രീസ് ലിമിറ്റഡ് 79 മില്യണ്‍ ഡോളറിന് (592 കോടി ഇന്ത്യന്‍ രൂപ) സ്റ്റോക്ക് പാര്‍ക്ക് വാങ്ങി. റിലയന്‍സിന്റെ കണ്‍സ്യൂമര്‍, ഹോസ്പിറ്റാലിറ്റി ബിസ്‌നസുകളുടെ ഭാഗമായിരിക്കും ഇനി സ്റ്റോക്ക് പാര്‍ക്ക് പ്രവര്‍ത്തിക. രണ്ട് ജയിംസ് ബോണ്ട് സിനിമകളുടെ ഷൂട്ടിംഗ് പൂര്‍ത്തിയാക്കിയത് സ്റ്റോക്ക് പാര്‍ക്കിലാണ്.

ബ്രിട്ടീഷ് രാജകുടുംബത്തിന്റെ രണ്ടാം തലമുറയുടെ സ്വന്തമായ യുകെയിലെ ആദ്യത്തെ കണ്‍ട്രി ക്ലബ്ല് എന്ന പ്രത്യേകതയും സ്റ്റോക്ക് പാര്‍ക്കിനുണ്ട്. ഈ ഏറ്റെടുക്കലോടെ വൈവിധ്യവത്കരണത്തിന്റെ ഭാഗമായി എണ്ണ വ്യവസായത്തില്‍ നിന്ന് വിനോദ സഞ്ചാര മേഖലയില്‍ കൂടി അംബാനി വേരുറപ്പിക്കുകയാണെന്ന് നിസംശയം പറയാം. ബ്ലൂംബെര്‍ഗ് ശതകോടീശ്വരന്‍ സൂചിക പ്രകാരം മുകേഷ് അംബാനിയുടെ ആസ്തി 71.5 ബില്യണ്‍ ഡോളറാണ്.

49 ആഡംബര സ്യൂട്ടുകള്‍, 27 ഗോള്‍ഫ് കോഴ്‌സുകള്‍, 13 ടെന്നീസ് കോര്‍ട്ടുകള്‍ 14 ഏക്കറോളം വരുന്ന സ്വകാര്യ ഗാര്‍ഡനുകള്‍ എന്നിവയുടെ ഉടമകളാണ് സ്‌റ്റോക്ക് പാര്‍ക്ക്. ബ്രിട്ടീസ് സിനിമ വ്യവസായത്തില്‍ നിര്‍ണായക സ്ഥാനമുള്ള കമ്പനി കൂടിയാണ് സ്റ്റോക്ക് പാര്‍ക്ക്. ജെയംിസ് ബോണ്ട് ചിത്രങ്ങളായ ഗോള്‍ഡ് ഫിംഗര്‍, ടുമാറോ നെവര്‍ ഡൈസ് എന്നീ ചിത്രങ്ങളാണ് സ്‌റ്റോക്ക് പാര്‍ക്കില്‍ ചിത്രീകരിച്ചിട്ടുള്ളത്.