മുംബൈ: തൊട്ടതെല്ലാം പൊന്നാക്കിയ ബിസിനസ് ഭീമന് ആണ് റിലയന്സ് ഇന്ഡസ്ട്രീസ് ലിമിറ്റഡിന്റെ മുകേഷ് അംബാനി. ലോക സമ്പന്നരുടെ പട്ടികയില് ഒന്നാംനിരക്കാരുടെ കൂടെ തന്നെയാണ് ഇപ്പോള് മുകേഷ് അംബാനിയുടെ സ്ഥാനം. ഇന്ത്യയില് മുകേഷിനെ വെല്ലുവിളിയുയര്ത്താന് ആരും തന്നെ ഇപ്പോഴില്ല.
പുതിയൊരു വ്യാപാര മേഖലയിലേക്ക് കൂടി റിലയന്സ് ഇന്ഡസ്ട്രീസ് ലിമിറ്റഡ് പ്രവേശിക്കാന് ഒരുങ്ങുന്നു എന്നാണ് റിപ്പോര്ട്ടുകള്. സ്മാര്ട്ട് വൈദ്യുതി മീറ്ററുകളെ കുറിച്ചാണ് ഇപ്പോഴത്തെ ചര്ച്ചകള്. വിശദാംശങ്ങള് പരിശോധിക്കാം...
സ്മാര്ട്ട് ഇലക്ട്രിസിറ്റി മീറ്റര്
റിലയന്സ് അടുത്തതായി സ്മാര്ട്ട് ഇലക്ട്രിസിറ്റി മീറ്റര് വിപണിയില് കണ്ണുവയ്ക്കുന്നു എന്നാണ് റിപ്പോര്ട്ടുകള്. മീറ്റര് ഡാറ്റ ശേഖരണം, കമ്യൂണിക്കേഷന് കാര്ഡുകള്, ടെലികോം, ക്ലൗഡ് ഹോസ്റ്റിങ് സേവനങ്ങള് തുടങ്ങിയ വൈദ്യുതിവതരണ കമ്പനികള്ക്ക് വാഗ്ദാനം ചെയ്തുകൊണ്ടായിരിക്കും ഇത് എന്നാണ് റിപ്പോര്ട്ടുകള്. തങ്ങളുടെ ജിയോ ബിസിനസിനെ പ്രയോജനപ്പെടുത്തിക്കൊണ്ടായിരിക്കും ഇത്.
എന്തുകൊണ്ട്...
വൈദ്യുതി കമ്പനികള്ക്ക് വലിയ നഷ്ടം ഉണ്ടാക്കുന്നവയാണ് പ്രസരണ നഷ്ടവും വിതരണ നഷ്ടവും. വിതരണ നഷ്ടം കുറയ്ക്കുന്നതിനായി ലോകത്തിലെ തന്നെ ഏറ്റവും വലിയ സ്മാര്ട്ട് മീറ്ററിങ് പദ്ധതി ഇന്ത്യയില് നടപ്പിലാക്കാന് പോവുകയാണ്. അതുകൊണ്ട് തന്നെയാണ് റിലയന്സ് ഈ മേഖലയില് കണ്ണുവയ്ക്കുന്നതും.
25 കോടി വൈദ്യുതി മീറ്ററുകള്
25 കോടി പരമ്പരാഗത വൈദ്യുതി മീറ്ററുകള് മാറ്റി സ്ഥാപിക്കാന് ആണ് സ്മാര്ട്ട് മീറ്റര് പദ്ധതിയിലൂടെ ലക്ഷ്യമിടുന്നത്. ഇങ്ങനെ ചെയ്യുന്നത് വഴി വൈദ്യുതി വിതരണ കമ്പനികള്ക്ക് 1.38 ട്രില്യണ് രൂപ അധികമായി സമാഹരിക്കാന് കഴിയും എന്നാണ് പ്രതീക്ഷിക്കപ്പെടുന്നത്.
പദ്ധതികള് ഇങ്ങനെ
അഡ്വാന്സ്ഡ് മീറ്ററിങ് ഇന്ഫ്രാസ്ട്രക്ച്വര് ബിസിനസിലേക്ക് റിലയന് ഉറ്റുനോക്കിക്കൊണ്ടിരിക്കുകയാണ് എന്നാണ് റിപ്പോര്ട്ടുകള്. നാരോബാന്ഡ് ഇന്റര്നെറ്റ് ഓഫ് തിങ്സ് (NB- IoT) വഴി വേണ്ട സേവനങ്ങള് നല്കാം എന്നതാണത്രെ വാഗ്ദാനം.
സ്മാര്ട്ട് മീറ്ററുകള് വന്നാല്
സ്മാര്ട്ട് ഇലക്ട്രിസിറ്റി മീറ്ററുകള് പ്രാബല്യത്തില് വന്നാല് മനുഷ്യാധ്വാനം വലിയൊരു അളവ് വരെ കുറയും എന്നത് ഒരു പ്രത്യേകതയാണ്. വിതരണ നഷ്ടവും വൈദ്യുതി മോഷണവും എല്ലാം കുറയ്ക്കാനും സാധിക്കും.
വൻ ബിസിനസ് സാധ്യത
വൈദ്യുത മീറ്റർ മേഖലയിൽ വൻ ബിസിനസ് സാധ്യതയാണ് തുറന്ന് വരുന്നത്. 25 കോടി സ്മാർട്ട് മീറ്ററുകളുടെ ബിസിനസിൽ റിലയൻസ് എത്ര നേട്ടം കൊയ്യും എന്ന് കാത്തിരുന്ന് തന്നെ കാണേണ്ടിവരും. ജിയോ സേവനങ്ങൾ കൂടി കൂട്ടിച്ചേർക്കാനാകും എന്നതായിരിക്കും ഇതിൽ റിലയൻസിന്റെ ഏറ്റവും വലിയ മുൻതൂക്കം