മിലാഫ് കോള ട്രെൻഡിന് ശേഷം അംബാനി അവതരിപ്പിക്കുന്നു, 'കാമ്പ കോള' എന്താണ് സംഭവം?

ആഗോള ഭീമൻമാരായ പെപ്സിയെയും, കൊക്ക കോളയെയും വെല്ലു വിളിച്ചുകൊണ്ടാണ് സൗദിയുടെ മിലാഫ് കോള രംഗത്തെത്തിയത്. ഇത് വലിയ രീതിയിൽ നമ്മുടെ കേരളത്തിൽ അടക്കം ചർച്ചയായിരുന്നു. എന്നാൽ മിലാഫ് കോള നടത്തിയതിനേക്കാൾ പതുങ്ങിയ എന്നാൽ കുതിച്ചു ചാടുന്ന ഒരു നീക്കമാണ് മുകേഷ് അംബാനി തന്റെ കാമ്പ കോളയിലൂടെ ഇപ്പോൾ നടത്തിയിരിക്കുന്നത്. റിലയൻസ് ബ്രാൻഡായ കാമ്പ കോള ഇന്ത്യയിൽ മാത്രമല്ല ഏഷ്യൻ-ആഫ്രിക്കൻ വിപണികളിലേക്ക് കൂടി എത്തിക്കാനുള്ള നടപടികളാണ് ഇപ്പോൾ തുടങ്ങിയിരിക്കുന്നത്.

പടിഞ്ഞാറൻ ഏഷ്യയിൽ നിലവിൽ കാമ്പ കോള ഇൻഡസ്ട്രി കീഴടക്കിത്തുടങ്ങി. ഇത് ഇന്ത്യയ്ക്ക് പുറത്തേക്കുള്ള ഈ ബ്രാൻഡിന്റെ ആദ്യത്തെ ചുവടു വെയ്പായിട്ടാണ് രേഖപ്പെടുത്തുന്നത്. ഇന്ത്യയിലെ കാർബണേറ്റഡ് സോഫ്റ്റ് ഡ്രിങ്ക് വിപണിയിലെ വലിയ സാധ്യതകൾ കണ്ടറിഞ്ഞാണ് അംബാനി തകർന്ന് തരിപ്പണമായ കാമ്പ കോളയേ ഏറ്റെടുത്ത് വിപണിയിലിറക്കിയത്.

കാമ്പ കോളയുടെ ചരിത്രം

1970-80കളിൽ ഇന്ത്യയിൽ പ്രചാരത്തിൽ ഉണ്ടായിരുന്ന ഒരു സോഫ്റ്റ് ഡ്രിങ്ക് ബ്രാൻഡ് ആണ് കാമ്പ കോള. 1991-ൽ പിവി നരസിംഹ റാവു സർക്കാർ ഇന്ത്യയിൽ ഉദാരവൽക്കരണ നയം ആരംഭിച്ചതിന് ശേഷമാണ്, ആഗോള കമ്പനി ആയ പെപ്‌സി ഉം കൊക്ക കോളയും ഇന്ത്യൻ വിപണിയിൽ എത്തിയത്. അത്തരം മാറ്റങ്ങൾ ഉണ്ടായിരിക്കുമ്പോഴും, കമ്പാ കോള 1970-80കളിൽ, ഇന്ത്യയിലെ മിക്ക പ്രദേശങ്ങളിലും ഇന്ത്യൻ ശീതളപാനീയ വിപണിയിലെ ഒരു പ്രധാന ബ്രാൻഡായി നിലനിന്നിരുന്നു.

ഇന്ത്യയിലെ ബിവറേജ് രംഗത്ത് കാമ്പാ കോള വളരെ പ്രസിദ്ധമായ ബ്രാൻഡ് ആയിരുന്നു. ഇതിന്റെ സ്വാദും പാക്കേജിംഗും ഉപഭോക്താക്കൾക്ക് വലിയ പ്രിയപ്പെട്ടവയായിരുന്നു. പെപ്‌സി-യും കൊക്ക കോളയും ആഗോള വിപണിയിൽ എത്തുന്നതോടെ കമ്പാ കോള പിടിച്ചു വെച്ച മാർക്കറ്റ് ഷേർ കുറയുകയും, പിന്നീട് സർക്കാരിന്റെ നിർദ്ദേശപ്രകാരം ഇന്ത്യൻ സോഫ്റ്റ് ഡ്രിങ്ക് വിപണിയിൽ പുതിയ കാലഘട്ടം ആരംഭിക്കുകയും ചെയ്തു.

റിലയൻസ് ഇൻഡസ്ട്രീസിന്റെ പുതിയ പുനരുദ്ധാനം കമ്പാ കോള-യെ ഇന്ത്യയിലെ പുതിയ തലത്തിൽ വീണ്ടും ഉണർത്താനായി മുന്നോട്ട് പോവുകയാണ് എന്ന് തന്നെ വിശ്വസിക്കാം. Reliance-ന്റെ വിപണന ശക്തിയും, ഉപഭോക്തൃ ആനുകൂല്യങ്ങളും, നവീനമായ മാർക്കറ്റിംഗ് തന്ത്രങ്ങളും കമ്പാ കോള-നെ വർഷങ്ങൾക്ക് ശേഷം വീണ്ടും വിപണിയിൽ സജീവമാക്കാൻ സഹായിക്കും.

2022ലാണ് കാമ്പ കോളയെ 22 കോടി രൂപയ്ക്ക് റിലയൻസ് ഇൻഡസ്ട്രീസ് ഏറ്റെടുത്തത്. റിലയൻസ് ഗ്രൂപ്പിൻ്റെ റീട്ടെയിൽ വിഭാഗമായ റിലയൻസ് റീട്ടെയിൽ വെഞ്ചേഴ്‌സ് തിരഞ്ഞെടുത്ത ചില സ്റ്റോറുകളിൽ പാനീയങ്ങളുടെ മൂന്ന് വകഭേദങ്ങൾ (കോള, ഓറഞ്ച്, നാരങ്ങ) പുറത്തിറക്കിയായിരുന്നു തുടക്കം. ഒരിക്കൽ ഭീമന്മാരോട് തോറ്റു പോയ കാമ്പയെ അംബാനി തിരിച്ചു കൊണ്ടുവരും എന്ന് തന്നെയാണ് എല്ലാവരും ഉറച്ചു വിശ്വസിക്കുന്നത്.

അതേസമയം, കുറച്ച് വർഷങ്ങളായി അഗ്രസീവായ ബിസിനസ് വികസനമാണ് മുകേഷ് അംബാനിയുടെ റിലയൻസ് ഇന്ത്യയിൽ കാഴ്ചവെക്കുന്നത്. ഓയിൽ ബിസിനസ് മാത്രം ചെയ്തിരുന്ന റിലയൻസ് ഗ്രൂപ്പ് ഇന്ന് ടെലികോം, ഫിനാൻഷ്യൽ, റീടെയിൽ മേഖലകളിലേക്കെല്ലാം പടർന്നു പന്തലിച്ചിരിക്കുന്നു. അതും രാജ്യത്തിന് പുറത്ത് ആഗോള തലത്തിൽ തന്നെ അവർ തങ്ങളുടേതായ മുദ്ര പതിപ്പിച്ചിരിക്കുന്നു.