മുത്തൂറ്റ് പാപ്പച്ചന് ഗ്രൂപ്പിലെ ലിസ്റ്റഡ് കമ്പനിയായ മുത്തൂറ്റ് ക്യാപിറ്റല് സര്വീസസ് 2021 മാര്ച്ച് 31ന് അവസാനിച്ച നാലാം പാദത്തില് നേടിയത് 8.9 കോടി രൂപ. കഴിഞ്ഞ വര്ഷത്തില് ഇതേ കാലയളവില് കമ്പനിയുടെ അറ്റാദായം 13.6 കോടി രൂപയായിരുന്നു. മാര്ച്ച് 31ന് അവസാനിച്ച സാമ്പത്തിക വര്ഷത്തിലെ മുഴുവന് അറ്റാദായം 52.2 കോടി രൂപയായിരുന്നു. കഴിഞ്ഞ വര്ഷം ഈ കാലയളവില് ഇത് 60.2 കോടി രൂപയായിരുന്നു.
കമ്പനിയുടെ നാലാം പാദത്തിലെ മൊത്ത വരുമാനം 109.6 കോടി രൂപയാണ്. ആകെ നല്കിയത് 290.9 കോടി രൂപയുടെ വായ്പയാണ്. മാര്ച്ച് 31ന് അവസാനിച്ച കണക്കുകള് പ്രകാരം മൊത്ത വായ്പകള് 2088.5 കോടി രൂപയാകും. കഴിഞ്ഞ വര്ഷം നല്കിയത് 347.5 കോടി രൂപയുടെ വായ്പയാണ്. 2020ല് മൊത്തം എയുഎം 2650.4 കോടി രൂപയായിരുന്നു.
മ്യൂച്വല് ഫണ്ട് എസ്ഐപിയില് ഈ തുക നിക്ഷേപിച്ചാല് 50ാം വയസ്സില് 10 കോടി രൂപ സ്വന്തമാക്കാം!
സ്ഥിതിഗതികള് ഇപ്പോള് കുറച്ചൊക്കെ മെച്ചപ്പെട്ടെങ്കിലും കോവിഡിന്റെ രണ്ടാം തരംഗം മൂലം ബിസിനസ് സാഹചര്യം വെല്ലുവിളി നിറഞ്ഞതായി തുടരുകയാണെന്ന് മുത്തൂറ്റ് ക്യാപ്പിറ്റല് സര്വീസസ് മാനേജിംഗ് ഡയറക്ടര് തോമസ് ജോര്ജ് മുത്തൂറ്റ് പറഞ്ഞു.
2021-ല് ഇന്ത്യയില് ഏറ്റവും ഉയര്ന്ന വരുമാനം നല്കുന്ന 10 ഐടി ജോലികള് ഏതൊക്കെയാണെന്നറിയാമോ?
സാമൂഹ്യ അകലം പാലിക്കേണ്ടതു മൂലം വാഹന വിപണിയില് പ്രതീക്ഷിക്കാവുന്ന ഡിമാന്ഡ് വര്ധന, കഴിഞ്ഞ വര്ഷത്തെ ഉത്സവ സീസണലില് കണ്ട ഉണര്വ് എന്നിവ കണക്കിലെടുക്കുമ്പോള് മുന്നോട്ടു പോകുന്തോറും ബിസിനസ് മെച്ചപ്പെടാനാണ് സാധ്യത കാണുന്നതെന്നും അദ്ദേഹം പറഞ്ഞു. ഒന്നു രണ്ടു മാസത്തിനകം കാര്യങ്ങള് സാധാരണ ഗതിയിലാകണം.
കോവിഡിനു മുമ്പത്തെ സ്ഥിതിയിലേയ്ക്ക് വരാന് ഒരു പാദം കൂടി കഴിയണം. ഉത്സവ സീസണുകള് ബിസിനസ് വരുമാനം തിരിച്ചുകൊണ്ടുവന്നേക്കുമെന്നും അദ്ദേഹം പ്രതീക്ഷ പ്രകടിപ്പിച്ചു.