10,000 രൂപ ഇവിടെ നിക്ഷേപിച്ചാൽ 1.60 കോടി രൂപ സമ്പാദിക്കാം; നിങ്ങൾക്കും കോടീശ്വരനാവാം

വലിയ തുക സമ്പാദിച്ച് കോടീശ്വരനാവാൻ ആ​ഗ്രഹിക്കുന്നവർക്ക് മ്യൂച്വൽ ഫണ്ടുകൾ ഒരു നല്ല മാർ​ഗമായിരിക്കും. മാർക്കറ്റിനെ കുറിച്ച് ഓഹരി വിപണിയെ കുറിച്ചും കൃത്യമായ പഠനത്തിനു ശേഷം നിങ്ങൾക്ക് മ്യൂച്വൽ ഫണ്ടുകളിൽ നിക്ഷേപിക്കാവുന്നതാണ്. മാത്രമല്ല നിങ്ങൾക്ക് ഉയർന്ന റിട്ടേണാണ് ഇതിലൂടെ ലഭിക്കുന്നത്. മാർക്കറ്റിലെ ചലനങ്ങൾ മ്യൂച്വൽ ഫണ്ടിനെയും ബാധിക്കുമെങ്കിലും അതിനും വിവേകപൂർണമായ ചില നിക്ഷേപ മാർ​ഗങ്ങൾ സ്വീകരിക്കുന്നത് നല്ലതാണ്.

സാധാരണയായി ഓഹരി വിപണി 100% ഉറപ്പുള്ള റിട്ടേൺ നൽകുന്നില്ല. അപകട സാധ്യതയും പ്രതീക്ഷിക്കാം. എന്നാൽ ഒരേ സമയം സ്റ്റോക്കുകൾ, ബോണ്ടുകൾ, കമ്മോഡിറ്റികൾ എന്നിവയുൾപ്പെടെ വിവിധ നിക്ഷേപങ്ങളിലേക്ക് നിങ്ങളുടെ നിക്ഷേപങ്ങൾ വ്യാപിപ്പിക്കുന്ന രീതിയാണ് അപകടസാധ്യത കുറയ്ക്കുന്നത്.

വിവിധ ആവശ്യങ്ങൾക്കാണ് പലരും പണം സമ്പാദിക്കുന്നത്. ജോലിയിൽ നിന്ന് വിരമിക്കുന്നവർക്ക് മികച്ച വരുമാനം ഉറപ്പാക്കുന്ന നിക്ഷേപങ്ങളും ആവശ്യമാണ്. ഇത്തരത്തിൽ നല്ല വരുമാനം നൽകുകയും നിക്ഷേപകർക്ക് ഒരു കോടിയിലധികം രൂപ നൽകുകയും ചെയ്യുന്ന നിരവധി മ്യൂച്വൽ ഫണ്ട് സ്കീമുകൾ ഉണ്ട്. അതിൽ ഒന്നാണ് ആദിത്യ ബിർള സൺ ലൈഫ് ഇന്ത്യ ജൻനെക്സ്റ്റ് ഫണ്ട്. ഈ നിക്ഷേപത്തിലൂടെ നിങ്ങൾ പ്രതിമാസം 10,000 രൂപ നിക്ഷേപിച്ച് കോടികൾ സമ്പാദിക്കാം. കൂടുതൽ അറിയാം.

ആദിത്യ ബിർള സൺ ലൈഫ് ഇന്ത്യ ജൻനെക്സ്റ്റ് ഫണ്ട്

മ്യൂച്വൽ ഫണ്ടുകളിൽ നിക്ഷേപിക്കാൻ ആ​ഗ്രഹിക്കുന്നവർക്ക് ഇവിടെ നിക്ഷേപിക്കാം. നിങ്ങൾ 10,000 രൂപ നിക്ഷേപിക്കുന്നതിലൂടെ, 19 വർഷത്തിനുള്ളിൽ 1.60 കോടി രൂപ സമാഹരിക്കാനാകും. ഇതൊരു ഓപ്പൺ-എൻഡ് ഇക്വിറ്റി ഫണ്ടാണ്. 2005 ആഗസ്റ്റിലാണ് ആദിത്യ ബിർള സൺ ലൈഫ് ഇന്ത്യ ജൻനെക്സ്റ്റ് സ്ഥാപിതമായത്. ഇന്ത്യയുടെ വികസിക്കുന്ന തൊഴിൽ ശക്തി, വരുമാന നിലവാരം വർദ്ധിപ്പിക്കൽ, ഉയർന്ന മൂല്യമുള്ള ചെലവ് ശീലങ്ങൾ എന്നീ ഘടകങ്ങളെ കുറിച്ച് ആദിത്യ ബിർള സൺ ലൈഫ് ഇന്ത്യ ശ്രദ്ധ കേന്ദ്രീകരിക്കുന്നു. 

ആദിത്യ ബിർള സൺ ലൈഫ് മ്യൂച്വൽ ഫണ്ടിന്റെ നിയന്ത്രണത്തിലാണ് ആദിത്യ ബിർള സൺ ലൈഫ് ഇന്ത്യ ജെനെക്സ്റ്റ് ഡയറക്റ്റ് ഫണ്ട്-ഗ്രോത്ത്. 2024 സെപ്റ്റംബർ 30 വരെ 6,011 കോടി രൂപയുടെ ആസ്തിയുള്ള (എയുഎം) ഒരു തീമാറ്റിക്-ഉപഭോഗ മ്യൂച്വൽ ഫണ്ടാണ് ഇത്.

നേട്ടങ്ങൾ....

മ്യൂച്വൽ ഫണ്ട് നിക്ഷേപത്തിലേക്ക് തുടക്കത്തിൽ ഒരു ലക്ഷം രൂപ ഒറ്റത്തവണയായി നിക്ഷേപിച്ചാൽ ഇപ്പോൾ 22.35 ലക്ഷം രൂപയായി വളരും. 1 വർഷത്തിൽ 17.68%, 3 വർഷത്തിൽ 22.38%, 5 വർഷത്തിൽ 18.84% എന്നിങ്ങനെ സ്ഥിരമായ വളർച്ചയാണ് ഒപ്പം കോമ്പൗണ്ട് വാർഷിക വളർച്ചാ നിരക്കുകളുമാണ് (CAGR) ഈ ഫണ്ടിലൂടെ പ്രകടമാവുന്നത്.

ഫണ്ട് അനുവദിക്കുന്നു...

കൺസ്യൂമർ സ്റ്റേപ്പിൾസ്, ഫിനാൻഷ്യൽ, സർവീസസ്, ഓട്ടോമൊബൈൽ, കൺസ്യൂമർ ഡിസ്‌ക്രിഷണറി തുടങ്ങിയ മേഖലകൾക്കാണ് പ്രധാനമായും ഈ സ്കീം ഫണ്ട് അനുവദിക്കുന്നത്. ഈ ഫണ്ടിൻ്റെ പോർട്ട്‌ഫോളിയോയിൽ 98.29% അലോക്കേഷനോടെ ഡൊമസ്റ്റിക് ഇക്വിറ്റികൾ ഉൾപ്പെടുന്നു. ഈ അലോക്കേഷനിൽ 51.69% ലാർജ് ക്യാപ് സ്റ്റോക്ക്, 23.95% മിഡ് ക്യാപ് സ്റ്റോക്ക്, 4.52% സ്മോൾ ക്യാപ് സ്റ്റോക്ക് എന്നിവയാണ്. ഐ.ടി.സി ലിമിറ്റഡ്, ഭാരതി എയർടെൽ ലിമിറ്റഡ്, ഐ.സി.ഐ.സി.ഐ ബാങ്ക് ലിമിറ്റഡ്, ട്രെൻ്റ് ലിമിറ്റഡ്, എച്ച്.ഡി.എഫ്‌.സി ബാങ്ക് ലിമിറ്റഡ് എന്നീ 5 പ്രധാന ഹോൾഡിം​ഗുകളാണ് ഇതിൽ ഉൾപ്പെടുന്നത്.