ബെംഗളൂരു മെട്രോ നിരക്ക് വര്‍ദ്ധന: കൂടുതല്‍ വാഹനങ്ങള്‍ നിരത്തിലിറങ്ങും, നഗരം വീണ്ടും ഗതാഗതക്കുരുക്കിലേയ്ക്ക്‌

ബെംഗളൂരുവിന്റെ ജീവനാഡിയാണ് നമ്മ മെട്രോ.വേഗതയേറിയ, സൗകര്യപ്രദമായ സംവിധാനം, നഗരത്തെ ചലനാത്മകമാക്കുന്നു. എന്നാല്‍ നിരക്ക് വര്‍ദ്ധനവ് ഇപ്പോള്‍ മെട്രോയുടെ ശോഭകെടുത്തി.

കഴിഞ്ഞവര്‍ഷം 50 ശതമാനം വര്‍ദ്ധനവ് ഏര്‍പ്പെടുത്തിയ ബിഎംആര്‍സിഎല്‍ ഈ വര്‍ഷത്തെ വര്‍ദ്ധനവ് പ്രതിഷേധം കാരണം വൈകിപ്പിച്ചിട്ടുണ്ട്. എന്നാല്‍   അടുത്തുതന്നെ ഇത് സംബന്ധിച്ച തീരുമാനം വരുമെന്നും അതോടെ കൂടുതല്‍ യാത്രക്കാര്‍ മെട്രോ വിട്ട് നിരത്തിലിറങ്ങുമെന്നും റിപ്പോര്‍ട്ടുകള്‍ പറഞ്ഞു.

മെട്രോ യാത്രയുടെ ചെലവേറുന്നു

മെട്രോ യാത്ര ഇതിനകം തന്നെ ചെലവേറിയതായി. ടിക്കറ്റ് നിരക്കിന് പുറമെ പാര്‍ക്കിംഗിന് പണം നല്‍കുകയും അവസാന മൈല്‍ കണക്റ്റിവിറ്റിക്കായി ടാക്‌സികളെ ആശ്രയിക്കുകയും വേണം. പല റെസിഡന്‍ഷ്യല്‍, ഓഫീസ് ഏരിയകളിലേയ്ക്കും സര്‍വീസ് ലഭ്യമല്ല. അതുകൊണ്ടുതന്നെ മെട്രോയെ ആശ്രയിക്കുന്നത് പൂര്‍ണ്ണായും പ്രായോഗികല്ലെന്നാണ് വാദം.

നിരത്തുകളില്‍ കൂടുതല്‍ സ്വകാര്യവാഹനങ്ങള്‍

പെട്രോള്‍ വില ഉയരുന്നുണ്ടെങ്കിലും സ്വന്തമായി ഇരുചക്ര വാഹനങ്ങളോ കാറുകളോ ഉപയോഗിക്കുന്നവരുടെ എണ്ണം കൂടി.  ട്രാഫിക് പോലീസ് പറയുന്നതനുസരിച്ച്, നഗര റോഡുകളില്‍ ഇരുചക്ര വാഹനങ്ങളുടെ എണ്ണം വര്‍ദ്ധിച്ചു. ഇത് പലപ്പോഴിനും ഗതാഗതക്കുരുക്കിന് കാരണമാകുന്നു. പ്രത്യേകിച്ച് പ്രഭാത സമയങ്ങളില്‍.

2026 ആകുമ്പോഴേക്കും ബെംഗളൂരുവില്‍ ഏകദേശം 80 ലക്ഷം ഇരുചക്ര വാഹനങ്ങള്‍ രജിസ്റ്റര്‍ ചെയ്യപ്പെടുമെന്നാണ് ഗതാഗത വകുപ്പ് കണക്കാക്കുന്നത്.

മലയാളികള്‍ ഉള്‍പ്പടെ നിരവധി അന്യസംസ്ഥാനക്കാര്‍ ജോലിയ്ക്കായും വിദ്യാഭ്യാസത്തിനുമായി ബെംഗളൂരുവില്‍ തമ്പടിക്കുന്നു. നിരവധി പേരെ ഉള്‍ക്കൊള്ളുന്നതുകൊണ്ടുതന്നെ ഗതാഗതക്കുരുക്കും മലിനീകരണവും ഈ ഐടി ഹബ്ബിന്റെ ഒപ്പമുണ്ട്.ആശ്വാസമായി എത്തിയ നമ്മ മെട്രോ ഒരു പരിധിവരെ മാത്രമാണ് ഫലപ്രദം.