ബാങ്ക് അവധിയെ ഇനി പേടിക്കുകയേ വേണ്ട; ശമ്പളം കൃത്യമായി അക്കൗണ്ടിലേത്തും

ദില്ലി: ബാങ്ക് അവധി ദിവസങ്ങളിലും ഞായറാഴ്ചകളിലും ശമ്പളവും പെന്‍ഷനും മറ്റ് സേവനങ്ങളും ലഭിക്കാത്തത് ചിലരെയും ബുദ്ധിമുട്ടിക്കാറുണ്ട്. എന്നാല്‍ ഈ പ്രശ്‌നത്തിന് പരിഹാരമായെന്ന റിപ്പോര്‍ട്ടുകളാണ് പുറത്തുവരുന്നത്. ഇനി ബാങ്ക് അവധി ദിവസമാണെങ്കിലും ഞായറാഴ്ചയാണെങ്കിലും നിങ്ങളുടെ ശമ്പളം അക്കൗണ്ടിലെത്തും.

ബാങ്കുകളുടെ പ്രവൃത്തി ദിവസം മാത്രം പ്രവര്‍ത്തിക്കുന്ന നാഷണല്‍ ഓട്ടോമേറ്റഡ് ക്ലിയറിംഗ് ഹൗസ് ഇനി അവധി ദിവസങ്ങളിള്‍ പ്രവര്‍ത്തിക്കുന്നതിനെ തുടര്‍ന്നാണിത്. ആഗ്സ്റ്റ് ഒന്ന് മുതലാണ് ഈ സംവിധാനം പ്രവര്‍ത്തിച്ച് തുടങ്ങുക.

ശമ്പളത്തെ കൂടാതെ പെന്‍ഷന്‍, പലിശ, വരുമാനം തുടങ്ങി എല്ലാം തന്നെ അവധി ദിവസങ്ങളില്‍ അക്കൗണ്ടില്‍ ലഭ്യമായി തുടങ്ങും. വാട്ടര്‍ ബില്‍, ഫോണ്‍ ബില്‍, ഗ്യാസ് പേയ്‌മെന്റ് എന്നീ സംവിധാനങ്ങളും അവധി ദിവസങ്ങളില്‍ പ്രവര്‍ത്തിക്കുന്നതായിരിക്കും. ഈ സേവനങ്ങള്‍ എല്ലാം ചന്നെ നേരത്തെ ബാങ്ക് പ്രവര്‍ത്തിക്കുന്ന ദിവസങ്ങളില്‍ മാത്രമാണ് ലഭ്യമായിരുന്നത്.

ആഗസ്റ്റ് ഒന്ന് മുതല്‍ ഈ സംവിധാനം നിലവില്‍ വരുമെന്ന് അധികൃതര്‍ വ്യക്തമാക്കി. പുതിയ സംവിധാനം നടപ്പിലാകുന്നതോടെ ശമ്പള വരുമാനക്കാര്‍ക്ക് വലിയൊരു ആശ്വാസമാണ്. ഉപഭോക്താക്കള്‍ക്ക് ബാങ്കിന്റെ സേവനങ്ങള്‍ കൂടുതല്‍ മെച്ചപ്പെടുത്തുന്നതിന്റെ ബാഗമായാണ് പുതിയ തീരുമാനം.