വായ്പകൾക്കും പ്രിയം കൂടുന്നു: എൻ‌.ബി‌.എഫ്‌.സികളുടെ സ്വർണ വായ്പകൾക്ക് വൻ ഡിമാൻഡ്- കാരണമെന്ത്?

സ്വർണ വില കുതിച്ചുയരുകയാണ്. 2025ൽ റെക്കോർഡ് വിലക്കയറ്റത്തിലേക്കാണ് ആഭ്യന്തര സ്വർണ വില എത്തിയത്. ഇത് സ്വർണ വായ്പകൾക്കും ഉത്തേജനമായി മാറി. ആർ‌ബി‌ഐയുടെ കണക്കുകൾ പ്രകാരം, 2024 ഡിസംബർ 27 ആയപ്പോഴേക്കും ബാങ്കുകളുടെ സ്വർണ വായ്പാ പോർട്ട്‌ഫോളിയോ വാർഷികാടിസ്ഥാനത്തിൽ 71% ഉയർന്ന് 1.72 ലക്ഷം കോടി രൂപയായി. ബാങ്കുകൾ മാത്രമല്ല എൻ‌.ബി‌.എഫ്‌.സികളുടെ കാര്യത്തിലും വളർച്ച ശക്തമായിരുന്നു.

എന്നിരുന്നാലും എൻ.ബി.എഫ്.സികളുടെ വളർച്ച മന്ദഗതിയിലായിരുന്നു. ഉദാഹരണത്തിന്, 2024 ഡിസംബർ പാദത്തിന്റെ അവസാനത്തിൽ കൊച്ചി ആസ്ഥാനമായുള്ള മുത്തൂറ്റ് ഫിനാൻസിന്റെ മാനേജ്‌മെന്റിന് കീഴിലുള്ള സ്വർണ വായ്പകൾ 92,963.6 കോടി രൂപയായിരുന്നു, ഇത് 34% വാർഷിക വർധനവാണ്. അതുപോലെ 2025 സാമ്പത്തിക വർഷത്തിലെ മൂന്നാം പാദത്തിന്റെ അവസാനത്തിൽ തൃശൂർ ആസ്ഥാനമായുള്ള മണപ്പുറം ഫിനാൻസിൽ അവരുടെ സ്വർണ വായ്പാ പോർട്ട്ഫോളിയോ 23,700 കോടി രൂപയായി, ഇത് ഏകദേശം 19% വാർഷിക വർധനവാണ് വ്യക്തമാക്കുന്നത്.

പക്ഷേ 2024 മാർച്ച് വരെയുള്ള കണക്കനുസരിച്ച്, ബാങ്കുകളും എൻ‌.ബി‌.എഫ്‌.സികളും ചേർന്ന് വിതരണം ചെയ്ത മൊത്തം സ്വർണ വായ്പകളുടെ 59.9 ശതമാനം വിഹിതവും എൻ‌.ബി‌.എഫ്‌.സികളുടേതാണ്.

മുത്തൂറ്റ് ഫിനാൻസിന്റെ വളർച്ച

മുത്തൂറ്റ് ഫിനാൻസിന്റെ വളർച്ചയെ കുറിച്ച് നിക്ഷേപകർ ശുഭപ്രതീക്ഷയിലാണ്. വെള്ളിയാഴ്ചത്തെ വ്യാപാരത്തിൽ മുത്തൂറ്റ് ഫിനാൻസിന്റെ ഓഹരി വില 2,265 രൂപയിലെത്തി. സ്വർണ വായ്പാ വളർച്ചയ്ക്ക് പുറമേ, മുത്തൂറ്റ് ഫിനാൻസ് പോലുള്ള കമ്പനികൾക്ക് നെറ്റ് ഇന്ററസ്റ്റ് മാർജിൻ (NIM) ഉണ്ട്. 2024 ഡിസംബർ പാദത്തിൽ ഇത് 5.04% ആയിരുന്നു. മുൻനിര ബാങ്കുകളുടെ NIM-കളേക്കാൾ മികച്ച നിരക്കാണ് മുത്തൂറ്റ് ഫിനാൻസിനുള്ളത്.

മഞ്ഞലോഹത്തിന്റെ വളർച്ച

മഞ്ഞ ലോഹം ഒരു മികച്ച സമ്പാദ്യ മാർഗമാണ്. രാജ്യത്ത് ഏകദേശം 25,000 മുതൽ 27,000 ടൺ വരെ നിക്ഷേപം ഉണ്ടെന്നാണ് കണക്കുകൾ പറയുന്നത്. സമ്പദ്‌വ്യവസ്ഥ പ്രതിസന്ധിയിലാഴുന്നതിനാൽ പണത്തിന്റെ ആവശ്യം വരുമ്പോൾ ആളുകൾ എൻ‌ബി‌എഫ്‌സികളിലും ബാങ്കുകളിലും വ്യാപകമായി സ്വർണം പണയം വെക്കുന്നുണ്ട്.

ഇത് ബാങ്കുകൾക്കും എൻ‌.ബി‌.എഫ്‌.സികൾക്കും പുതിയ ബിസിനസ്സ് അവസരങ്ങൾ സൃഷ്ടിച്ചു. ഡിജിറ്റൽ സംവിധാനങ്ങൾ വ്യാപിച്ചതിനാൽ നിരവധി ഓൺലൈൻ വായ്പാ ഓപ്ഷനുകളും വർദ്ധിച്ചുവരികയാണ്.

2024 ഡിസംബർ പാദത്തിലെ പ്രകടനം

2024 ഡിസംബർ പാദത്തിൽ മുത്തൂറ്റ് ഫിനാൻസിന്റെ നെറ്റ് ഇന്റ്റസ്റ്റ് ഇൻകം (NII) ഏകദേശം 42.8% വാർഷിക വളർച്ചയോടെ 2,721.4 കോടി രൂപയായി. കൂടാതെ അവലോകന പാദത്തിലെ അറ്റാദായം 32.7% വാർഷിക വളർച്ചയോടെ 1,363 കോടി രൂപയായി. 2024 ഡിസംബർ പാദത്തിൽ മുത്തൂറ്റ് ഫിനാൻസിന്റെ നെറ്റ് സ്റ്റേജ് 3 വായ്പാ ആസ്തികളും മൊത്ത വായ്പാ ആസ്തികളും 3.51% ആയിരുന്നു. ഒരു വർഷം മുമ്പ് ഇത് 3.23% ആയിരുന്നു. എൻ.ബി.എഫ്.സികളിലെ മൂന്നാം ഘട്ട ആസ്തികളെ വായ്പയെന്നാണ് വിളിക്കുന്നത്. ഇവ 90 ദിവസത്തിൽ കൂടുതൽ കാലഹരണപ്പെട്ടവയാണ്.

അതേസമയം, മണപ്പുറം ഫിനാൻസിന്റെ കാര്യത്തിൽ, 2024 ഡിസംബർ പാദത്തിൽ അതിന്റെ ഒറ്റക്കുള്ള അറ്റാദായം 5.8% വാർഷിക വളർച്ചയോടെ 453.4 കോടിയായി. കൂടാതെ, മൂന്നാം ഘട്ട വായ്പ ആസ്തികളിൽ നിന്നുള്ള മൊത്തം വായ്പ ആസ്തികൾ 2025 സാമ്പത്തിക വർഷത്തിന്റെ മൂന്നാം പാദത്തിൽ 2.23% ആയിരുന്നു.

ഓഹരികളിലും നേട്ടം....

കഴിഞ്ഞ മൂന്ന് മാസത്തിനിടെ മുത്തൂറ്റ് ഫിനാൻസ് 28 ശതമാനം നേട്ടമുണ്ടാക്കിയപ്പോൾ സെൻസെക്‌സ് മൂന്ന് ശതമാനം ഇടിഞ്ഞു. ഈ കാലയളവിൽ മണപ്പുറം ഫിനാൻസിന്റെ ഓഹരി വിലയും 9% നേട്ടമുണ്ടാക്കി.

എൻ.ബി.എഫ്.സികളുടെ വളർച്ച

സമീപകാല യൂണിയൻ ബജറ്റും ആർ.ബി.ഐയുടെ റിപ്പോ നിരക്കുകൾ വെട്ടിക്കുറച്ചതും സമ്പദ്‌വ്യവസ്ഥയിലെ വളർച്ചയും വിശാലമായ ബാങ്കിംഗ്, എൻ.ബി.എഫ്‌.സി മേഖലയ്ക്കുള്ള വായ്പ ആവശ്യകതയും പുനരുജ്ജീവിപ്പിക്കാൻ ലക്ഷ്യമിടുന്ന സമയമാണിത്. മുത്തൂറ്റ് ഫിനാൻസ്, 2025 സാമ്പത്തിക വർഷത്തിലെ കണക്കാക്കിയ വരുമാനത്തിന്റെ ഏകദേശം 18.5 മടങ്ങ് വ്യാപാരം നടത്തുന്നു, എന്നാൽ മണപ്പുറം ഫിനാൻസിന് ഇത് 8 മടങ്ങ് കൂടുതലാണ്.