മെയ് 23ന് നെഫ്റ്റ് സേവനം ലഭിക്കില്ല; കാരണമിതാണ്

2021 മെയ് 23ന് 14 മണിക്കൂര്‍ നേരത്തേക്ക് നാഷണല്‍ ഇലക്ട്രോണിക് ഫണ്ട്‌സ് ട്രാന്‍സ്ഫര്‍ (നെഫ്റ്റ്) സേവം വഴി പണം കൈമാറ്റം ചെയ്യുവാന്‍ സാധിക്കില്ലെന്ന് ആര്‍ബിഐ (റിസര്‍വ് ബാങ്ക് ഓഫ് ഇന്ത്യ) അറിയിച്ചു.

നെഫ്റ്റ് സേവനം മെച്ചപ്പെടുത്തുന്നതിനായുള്ള അപഗ്രഡേഷന്‍ പ്രവര്‍ത്തനങ്ങള്‍ മെയ് 22ന് പ്രവര്‍ത്തനം അവസാനിപ്പിച്ചതിന് ശേഷമാണ് ഷെഡ്യൂള്‍ ചെയ്തിരിക്കുന്നത്. അതിനാല്‍ മെയ് 23 ഞായറാഴ്ച 00:01 മുതല്‍ 14: 00 വരെ നെഫ്റ്റ് സേവനങ്ങള്‍ ലഭ്യമാകില്ല എന്ന് ആര്‍ബിഐ ട്വിറ്ററില്‍ കുറിച്ചു. ആര്‍ടിജിഎസ് സേവനങ്ങള്‍ തടസ്സപ്പെടില്ല. ബാങ്കുകള്‍ ഇക്കാര്യം ഉപയോക്താക്കളെ അറിയിക്കുകയും ഇടപാടുകള്‍ അതിനനുസരിച്ച് ക്രമീകരിക്കുവാന്‍ ആവശ്യപ്പെടുകയും വേണം.

സമാന രീതിയില്‍ ആര്‍ടിജിഎസിലെ ടെക്‌നിക്കല്‍ അപ്ഗ്രഡേഷന്‍ 2021 ഏപ്രില്‍ 18ന് നടന്നിരുന്നു.

നെഫ്റ്റ് സേവനം 24x 7 ലഭ്യമാണ്. അര മണിക്കൂറിന്റെ ബാച്ചുകളായാണ് നെഫ്റ്റ് ഇടപാടുകള്‍ നടത്തുന്നത്. നെഫ്റ്റിലൂടെ കൈമാറാന്‍ സാധിക്കുന്ന പരമാവധി തുകയ്ക്ക് പരിധിയില്ല. എന്നാല്‍ ഓരോ ബാങ്കുകള്‍ക്ക്‌നുസരിച്ച് ഒരു സമയം അയയ്ക്കാവുന്ന തുകയുടെ പരിധി വ്യത്യാസപ്പെട്ടിരിക്കും.

നെഫ്റ്റ് വഴി പണം കൈമാറ്റം ചെയ്യുന്നതിനായി ബാങ്കിന്റെ ഐഎഫ്്എസ്‌സി കോഡ് നല്‍കേണ്ടതുണ്ട്.