പുതിയ ക്രെഡിറ്റ് കാർഡ് എടുക്കുന്നത് ക്രെഡിറ്റ് സ്കോറിനെ ദോഷകരമായി ബാധിക്കുമോ? അറിയേണ്ടതെല്ലാം

ക്രെഡിറ്റ് കാർഡുകളുടെ ഉപയോഗത്തിൽ സമീപ കാലത്തായി ഇന്ത്യയിൽ വൻ കുതിപ്പാണ്. വലിയ രീതിയിലാണ് ക്രെഡിറ്റ് കാർഡ് ഉപയോക്താക്കളുടെ എണ്ണം വർദ്ധിച്ചത്. വായ്പാ സൗകര്യം നൽകുന്ന എല്ലാവരും ക്രെഡിറ്റ് കാർഡ് അപ്രൂവ് ചെയ്യുന്നതിനുള്ള പ്രധാന ഘടകമായി ക്രെഡിറ്റ് സ്കോറിനെ കാണുന്നു. ഒരു മികച്ച ക്രെഡിറ്റ് റിപ്പോർട്ട് നിലനിർത്തുന്നതിലൂടെ പുതിയ ക്രെ‍ഡിറ്റ് കാർഡിനുള്ള അംഗീകാരം ഉടൻ ലഭിക്കുന്നതിന് കാരണമാവും

ക്രെഡിറ്റ് കാർഡ് വിപണിയുടെ കുതിച്ചുചാട്ടത്തിനിടയിൽ, കാർഡ് ഇഷ്യു ചെയ്യുന്നവർ ഉപഭോക്താക്കളുടെ വിവിധ ഗ്രൂപ്പുകളുടെ പ്രത്യേക ആവശ്യങ്ങൾ നിറവേറ്റുന്നതിനായി കസ്റ്റമൈസ്ഡ് ക്രെഡിറ്റ് കാർഡുകളും രൂപകൽപ്പന ചെയ്തിട്ടുണ്ട്. ക്രെഡിറ്റ് കാർഡ് കിട്ടുന്നത് ഇന്നത്തെ കാലത്ത് ഒരു ബുദ്ധിമുട്ടുള്ള കാര്യമല്ല. പക്ഷേ ഒരു പുതിയ ക്രെഡിറ്റ് കാർഡോ ലോൺ അക്കൗണ്ടോ തുറക്കുന്നത് നിങ്ങളുടെ ക്രെഡിറ്റ് സ്‌കോറിനെ ദോഷകരമായി ബാധിക്കുമോ എന്ന് നിങ്ങൾ കണക്കിലെടുക്കണം.

ഒരു പുതിയ ക്രെഡിറ്റ് കാർഡ് ആപ്ലിക്കേഷനുകളും ലോൺ അക്കൗണ്ടുകളും നിങ്ങളുടെ ക്രെഡിറ്റ് സ്‌കോറിനെ എങ്ങനെ ബാധിക്കുമെന്നും ഒരു ഹെൽത്തി ക്രെഡിറ്റ് പ്രൊഫൈൽ എങ്ങനെ നിലനിർത്തി കൈകാര്യം ചെയ്യാമെന്നും നമുക്ക് നോക്കാം.

ക്രെഡിറ്റ് സ്കോർ ഇമ്പാക്ട്: അതിൻ്റെ പ്രാധാന്യം അറിയുക

നിങ്ങളുടെ ക്രെഡിറ്റ് ഹിസ്റ്ററി, ഫിനാൻഷ്യൽ ബിഹേവിയർ എന്നിവയുടെ അടിസ്ഥാനത്തിലാണ് ക്രെഡിറ്റ് സ്കോർ കണക്കാക്കുന്നത്. ഇതൊരു ന്യൂമറിക്കൽ റെപ്രസന്റേഷനാണ്. ഇത് സാധാരണയായി 300 മുതൽ 900 വരെയാണ്, ഉയർന്ന സ്‌കോറുകൾ മികച്ച ഹെൽത്തി ക്രെഡിറ്റിനെ സൂചിപ്പിക്കുന്നു. പുതിയ ക്രെഡിറ്റ് കാർഡോ ലോണോ അംഗീകരിക്കുവാൻ വായ്പ നൽകുന്നവർക്ക് ഈ സ്കോർ പ്രധാനമാണ്.

നിങ്ങൾക്ക് ഉയർന്ന ക്രെഡിറ്റ് സ്കോർ ഉണ്ടെങ്കിൽ ലോൺ പാസാക്കുന്നതിനും ക്രെഡിറ്റ് കാർഡുകളിലൂടെ മികച്ച ഓഫറുകൾ ലഭിക്കുന്നതിനും കാരണമാവുന്നു. അതേസമയം കുറഞ്ഞ ക്രെഡിറ്റ് സ്കോർ ആണെങ്കിൽ ഉയർന്ന പലിശനിരക്കിലേക്കോ ക്രെഡിറ്റ് അപേക്ഷകൾ നിരസിക്കുന്നതിനോ ഇടയാക്കും.

നിങ്ങളുടെ ക്രെഡിറ്റ് സ്കോർ സൗജന്യമായി പരിശോധിക്കുവാൻ മണികൺട്രോൾ ആപ്പ്, വെബ്‌സൈറ്റ് എന്നീ ഡിജിറ്റൽ പ്ലാറ്റ്ഫോമുകൾ ഉപയോഗിക്കാം. ഇതു വഴി ഉപയോക്താക്കൾക്ക് അവരുടെ സാമ്പത്തിക നിലയെക്കുറിച്ച് അറിയാൻ സാധിക്കുന്നു.

പുതിയ ക്രെഡിറ്റ് കാർഡ് ആപ്ലിക്കേഷനുകളും ക്രെഡിറ്റ് സ്കോറിൽ അവയുടെ സ്വാധീനവും

ഒരു പുതിയ ക്രെഡിറ്റ് കാർഡിനായി അപേക്ഷിക്കുമ്പോൾ, വായ്പ നൽകുന്നയാൾ നിങ്ങളുടെ ക്രെഡിറ്റ് റിപ്പോർട്ടിൽ ഹാർഡ് ഇൻക്വയറി ചെയ്യുന്നു. വിശദമായി നോക്കാം.

ഹാർഡ് ഇൻക്വയറി ഇംപാക്റ്റ്: നിങ്ങളുടെ ക്രെഡിറ്റ് റിപ്പോർട്ടിൽ ഒരു ഹാർഡ് ഇൻക്വയറി രേഖപ്പെടുത്തുകയും അത് നിങ്ങളുടെ ക്രെഡിറ്റ് സ്കോർ ചെറുതായി കുറയ്ക്കുകയും ചെയ്യും.

ക്രെഡിറ്റ് ഉപയോഗ അനുപാതം: അംഗീകാരത്തിന് ശേഷം, ഒരു പുതിയ ക്രെഡിറ്റ് കാർഡ് നിങ്ങളുടെ മൊത്തം ക്രെഡിറ്റ് പരിധി വർദ്ധിപ്പിക്കുന്നു. കുറഞ്ഞ ക്രെഡിറ്റ് യൂട്ടിലൈസേഷൻ റേഷ്യോ നിലനിർത്തുന്നതിന് നിങ്ങളുടെ ക്രെഡിറ്റ് കാർഡ് ചെലവുകൾ ഉത്തരവാദിത്തത്തോടെ കൈകാര്യം ചെയ്യേണ്ടത് പ്രധാനമാണ്.

അക്കൗണ്ടുകളുടെ ശരാശരി പ്രായം: ഒരു പുതിയ ക്രെഡിറ്റ് കാർഡ് ചേർക്കുന്നത് നിങ്ങളുടെ ക്രെഡിറ്റ് അക്കൗണ്ടുകളുടെ ശരാശരി പ്രായം കുറയ്ക്കുന്നു. ദൈർഘ്യമേറിയ ക്രെഡിറ്റ് ഹിസ്റ്ററി നിങ്ങളുടെ ക്രെഡിറ്റ് സ്‌കോറിന് ഗുണം ചെയ്യും, അതിനാൽ ഒരു പുതിയ അക്കൗണ്ടിന് നിങ്ങളുടെ സ്‌കോർ താൽക്കാലികമായി കുറയ്ക്കാനാകും.

ക്രെഡിറ്റ് സ്കോർ സ്വാധീനം: പുതിയ അക്കൗണ്ടുകൾ കൈകാര്യം ചെയ്യുന്നു. പുതിയ ക്രെഡിറ്റ് കാർഡുകളോ ലോൺ അക്കൗണ്ടുകളോ തുറക്കുന്നതിൻ്റെ നെഗറ്റീവ് ഇമ്പാക്ട് കുറയ്ക്കുന്നതിന്, ഇനിപ്പറയുന്ന കാര്യങ്ങൾ പരിഗണിക്കുക;

ഹാർഡ് ഇൻക്വയറീസ് കുറയ്ക്കുക: നിരവധി ക്രെഡിറ്റ് ഉൽപ്പന്നങ്ങൾക്ക് വേഗത്തിൽ അപേക്ഷിക്കുന്നത് ഒഴിവാക്കുക. ആവർത്തിച്ചുള്ള ഹാർഡ് ഇൻക്വയറീസ് സാമ്പത്തിക അസ്ഥിരതയെ സൂചിപ്പിക്കാം.

കുറഞ്ഞ ബാലൻസുകൾ നിലനിർത്തുക: നിങ്ങളുടെ പുതിയ ക്രെഡിറ്റ് കാർഡുകൾ ഉത്തരവാദിത്തത്തോടെ ഉപയോഗിക്കുക, ബാലൻസ് കുറവായി സൂക്ഷിക്കുകയും അവ ഉടനടി അടയ്ക്കുകയും ചെയ്യുക.

ഓൺ-ടൈം പേയ്‌മെൻ്റുകൾ ഉറപ്പാക്കുക: ഏതെങ്കിലും ക്രെഡിറ്റ് അക്കൗണ്ട് പേയ്‌മെൻ്റുകളും ഇ.എം.ഐ കളും കൃത്യസമയത്ത് നടത്തിയെന്ന് ഉറപ്പാക്കുക. നല്ല ക്രെഡിറ്റ് ഹിസ്റ്ററി നിലനിർത്താനും നിങ്ങളുടെ ക്രെഡിറ്റ് സ്കോർ ഉയർത്താൻ സഹായിക്കാനും കൃത്യസമയത്ത് നിങ്ങളുടെ പേയ്‌മെൻ്റുകൾ നടത്തേണ്ടത് അത്യാവശ്യമാണ്.

നിങ്ങളുടെ ക്രെഡിറ്റ് സ്കോർ നിരീക്ഷിക്കുക: ക്രെഡിറ്റ് സ്കോർ പതിവായി ട്രാക്ക് ചെയ്യുകയും എന്തെങ്കിലും പിശകുകൾ കണ്ടെത്തിയാൽ ബന്ധപ്പെട്ട അധികാരികളെ അറിയിക്കുകയും ചെയ്യുക.

ഒരു പുതിയ ക്രെഡിറ്റ് കാർഡോ ലോൺ അക്കൗണ്ടോ തുറക്കുമ്പോൾ നിങ്ങളുടെ ക്രെഡിറ്റ് സ്‌കോറിൽ താൽക്കാലിക ഇമ്പാക്ട് ചെയ്യാൻ കഴിയും. ഇതെല്ലാം മനസിലാക്കുകയും കൈകാര്യം ചെയ്യുകയും ചെയ്യുന്നത് മികച്ച ക്രെഡിറ്റ് സ്കോർ നിലനിർത്താൻ സഹായിക്കും.