ഏറ്റവും മൂല്യമുള്ള പത്ത് കമ്പനികളിൽ ഒമ്പതിനും കനത്ത നഷ്ടം, റിലയൻസിന് അടിപതറി

ഏറ്റവും മൂല്യമുള്ള പത്ത് കമ്പനികളിൽ ഒമ്പത് കമ്പനികളും കഴിഞ്ഞയാഴ്ച വിപണി മൂല്യനിർണ്ണയത്തിൽ 1,63,510.28 കോടി രൂപയുടെ നഷ്ടത്തിന് സാക്ഷ്യം വഹിച്ചു. റിലയൻസ് ഇൻഡസ്ട്രീസിനാണ് ഏറ്റവും വലിയ ഇടിവുണ്ടായത്. ബി‌എസ്‌ഇ ബെഞ്ച്മാർക്ക് സൂചികയായ സെൻസെക്സ് കഴിഞ്ഞ ആഴ്ചയിൽ 1,071.43 പോയിൻറ് അഥവാ 2.63 ശതമാനം ഇടിഞ്ഞു. കോട്ടക് മഹീന്ദ്ര ബാങ്കിന്റെ വിപണി മൂലധനം (എം-ക്യാപ്) മാത്രമാണ് 32,570.94 കോടി രൂപ ഉയർന്ന് 3,06,331.09 കോടി രൂപയിലെത്തിയത്.

മറ്റ് ഒമ്പത് കമ്പനികളും വിപണി മൂല്യത്തിൽ ഇടിവ് രേഖപ്പെടുത്തി. ഏറ്റവും മൂല്യമുള്ള സ്ഥാപനമായ റിലയൻസ് ഇൻഡസ്ട്രീസ് ലിമിറ്റഡിന്റെ (ആർ‌ഐ‌എൽ) മൂല്യം 39,355.06 കോടി രൂപ ഇടിഞ്ഞ് 13,89,159.20 കോടി രൂപയായി. മറ്റൊരു വലിയ കമ്പനിയായ എച്ച്ഡിഎഫ്സി ബാങ്കിന്റെ മൂല്യം 28,574.61 കോടി രൂപ കുറഞ്ഞ് 6,51,518.11 കോടിയിലെത്തി. ഇൻഫോസിസ് 26,152.79 കോടി രൂപ കുറഞ്ഞ് 4,51,753.23 കോടി രൂപയിലെത്തി. എച്ച്ഡി‌എഫ്‌സിയുടെ മൂല്യം 24,844.93 കോടി രൂപ കുറഞ്ഞ് 3,45,287.89 കോടി രൂപയായി.

ഹിന്ദുസ്ഥാൻ യൂണിലിവർ ലിമിറ്റഡിന്റെ എം ക്യാപ് 16,858.07 കോടി രൂപ കുറഞ്ഞ് 4,86,898.54 കോടി രൂപയായി. (ടിസിഎസ്) വിപണി മൂല്യം 8,105.15 കോടി രൂപ കുറഞ്ഞ് 9,99,954.24 കോടി രൂപയായി. എച്ച്സി‌എൽ ടെക്നോളജീസിന്റെ മൂല്യം 2,455.87 കോടി രൂപ കുറഞ്ഞ് 2,28,816.24 കോടി രൂപയായി. ഭാരതി എയർടെല്ലിന്റെ മൂല്യം 409.16 കോടി കുറഞ്ഞ് 2,36,552.97 കോടി രൂപയായി. മികച്ച 10 സ്ഥാപനങ്ങളുടെ റാങ്കിംഗിൽ ആർ‌ഐ‌എൽ ഒന്നാമതെത്തി.

ടിസിഎസ്, എച്ച്ഡിഎഫ്സി ബാങ്ക്, എച്ച് യു എൽ, ഇൻഫോസിസ്, എച്ച്ഡിഎഫ്സി, കൊട്ടക് മഹീന്ദ്ര ബാങ്ക്, ഐസിഐസിഐ ബാങ്ക്, എയർടെൽ, എച്ച്സിഎൽ ടെക്നോളജീസ് എന്നിവയാണ് റിലയൻസിന് തൊട്ടുപിന്നിലുള്ള കമ്പനികൾ.