ഓണത്തിന് ഏതെല്ലാം ദിവസം ബാങ്കുകൾ അടച്ചിടും? സെപ്റ്റംബറിലെ ആദ്യ ആഴ്ചയിലെ ബാങ്ക് അവധികൾ ഇതാ

കേരളത്തിൽ ഏറ്റവും വലിയ ആഘോഷമാണ് ഓണം. ആ​ഗസ്റ്റ് 26 മുതൽ ഓണാഘോഷങ്ങൾക്ക് തുടക്കമായി. സാധാരണയായി ഉത്രാടം, തിരുവോണം നാളുകളിൽ കേരളത്തിലെ ബാങ്കുകൾ പ്രവർത്തിക്കാറില്ല. സെപ്റ്റംബറിലെ ബാങ്ക് അവധികളെ കുറിച്ച് വിശദമായ ലിസ്റ്റ് എത്തിയിട്ടുണ്ട്. സെപ്റ്റംബറിൽ രാജ്യത്തുടനീളം മൊത്തം 15 ദിവസത്തോളമാണ് ബാങ്കുകൾക്ക് അവധിയുള്ളത്. അതിൽ സെപ്റ്റംബറിലെ ആദ്യ ആഴ്ചയിൽ 5 ദിവസത്തോളം ബാങ്കുകൾക്ക് അവധിയുണ്ടായിരിക്കും.

സെപ്റ്റംബറിൽ നിങ്ങൾ എന്നാണ് ബാങ്ക് ഇടപാടുകൾക്കായി ബാങ്കിൽ പോവുന്നത്?. ഈ ആഴ്ച തുടർച്ചയായ ബാങ്ക് അവധികൾ ഉണ്ട്. അതിനാൽ ഈ സെപ്റ്റംബറിലെ ബാങ്ക് അവധികളെ കുറിച്ച് നിങ്ങൾ അറിഞ്ഞിരിക്കണം. രാജ്യത്തെ വിവിധ സംസ്ഥാനങ്ങളിൽ ഈ അവധികൾ വ്യത്യസ്തമാണ്.

സെപ്റ്റംബർ 3 മുതൽ ഇന്ത്യയിലെ വിവിധ ബാങ്കുകൾക്ക് അവധിയാണ്. ഓരോന്നും വിശ​ദമായി അറിയാം;

• സെപ്റ്റംബർ 3, ബുധൻ: ജാർഖണ്ഡിൽ കർമ്മ പൂജ നടക്കുന്നതിനാൽ ഈ ദിവസം ബാങ്ക് അവധിയായിരിക്കും.

• സെപ്റ്റംബർ 4, വ്യാഴം: കേരളത്തിൽ ഉത്രാടം ആഘോഷിക്കുന്നതിനാൽ ബാങ്കുകൾക്ക് അവധിയാണ്.

• സെപ്തംബർ 5, വെള്ളി: കേരളത്തിൽ ഈ ദിവസം തിരുവോണം ആഘോഷിക്കുന്നതിനാൽ ബാങ്കുകൾ പ്രവർത്തിക്കില്ല. മാത്രമല്ല, ഈദ്-ഇ-മിലാദ്/മീലാദ്-ഉൻ-നബി അല്ലെങ്കിൽ ഈദ്-ഇ-മീലാദ് എന്നീ ആഘോഷങ്ങളും നടക്കുന്നതിനാൽ വിവിധ സ്ഥലങ്ങളിൽ ബാങ്ക് അവധിയാണ്.

• സെപ്റ്റംബർ 6, ശനി: സിക്കിമിലും ഛത്തീസ്ഗഡിലും ഈദ്-ഇ-മിലാദ്/ഇന്ദ്രജത്ര എന്നീ ആഘോഷങ്ങൾ നടക്കുന്നതിനാൽ ഈ സംസ്ഥാനത്ത് ബാങ്കുകൾ പ്രവർത്തിക്കില്ല.

• സെപ്റ്റംബർ 7, ഞായറാഴ്ച : ഈ ദിവസം സാധാരണയായി രാജ്യത്തെ എല്ലാ ബാങ്കുകളും അടച്ചിടും.

സെപ്റ്റംബറിലെ ആദ്യ ആഴ്ചയിൽ മൊത്തം 5 ദിവസങ്ങളും ബാങ്ക് അവധിയാണ്. ഇതിൽ കേരളത്തിലെ ബാങ്കുകൾക്കും അവധിയുണ്ട്. ഓണത്തിന് തുടർച്ചയായ രണ്ട് ദിവസവും കേരളത്തിൽ അവധിയുണ്ട്. സാധാരണയായി ഓണം കഴിഞ്ഞ് ചതയം ദിനത്തിലും ബാങ്കുകൾക്ക് അവധിയുണ്ടാവാറുണ്ട്. എന്നാൽ ഈ വർഷം ചതയ ദിനം ഞായറാഴ്ചയാണ്. സെപ്റ്റംബറിൽ ബാക്കി ദിവസങ്ങളിലെ ബാങ്ക് അവധികളെ കുറിച്ചും അറിഞ്ഞിരിക്കാം.

• സെപ്റ്റംബർ 12, വെള്ളി: ജമ്മു കശ്മീരിൽ ഈദ്-ഇ-മിലാദ് ആഘോഷിച്ചതിന് ശേഷമുള്ള വെള്ളിയാഴ്ചയായതിനാൽ ബാങ്കുകൾ അവധിയാണ്.

• സെപ്റ്റംബർ 22, തിങ്കൾ: രാജസ്ഥാനിൽ നവരാത്ര ആഘോഷം നടക്കുന്നതിനാൽ ബാങ്കുകൾ അവധിയാണ്.

• സെപ്റ്റംബർ 23, ചൊവ്വ: ജമ്മു കശ്മീരിൽ മഹാരാജ ഹരിസിംഗിന്റെ ജന്മദിനം ആചരിക്കുന്നു. അതിനാൽ ബാങ്കുകൾക്ക് അവധിയാണ്.

• സെപ്റ്റംബർ 29, തിങ്കൾ: ത്രിപുര, അസം, പശ്ചിമ ബംഗാൾ എന്നിവിടങ്ങളിൽ മഹാ സപ്തമി/ദുർഗ്ഗാ പൂജ ആചരിക്കുന്നതിനാൽ ബാങ്കുകൾ അടച്ചിടും.

• സെപ്റ്റംബർ 30, ചൊവ്വ: ത്രിപുര, ഒഡീഷ, അസം, മണിപ്പൂർ, രാജസ്ഥാൻ, പശ്ചിമ ബംഗാൾ, ബീഹാർ, ജാർഖണ്ഡ് എന്നിവിടങ്ങളിൽ മഹാ അഷ്ടമി/ദുർഗാ അഷ്ടമി/ദുർഗാ പൂജ എന്നിവ നടക്കുന്നതിനാൽ ബാങ്കുകൾ അടച്ചിടും.

ഈ അവധി ദിനങ്ങൾക്ക് പുറമേ എല്ലാ രണ്ടാം ശനിയാഴ്ചയും, ഞായറാഴ്ചയും ബാങ്കുകൾക്ക് അവധിയാണ്.