ഓണം ബമ്പർ ഈ ജില്ലകളിൽ നിന്നും വാങ്ങാം: 25 കോടിയുടെ ബമ്പറടിക്കാൻ സാധ്യത കൂടുതൽ എവിടെയാണ്?

ചിങ്ങമാസം പടിവാതിക്കലെത്തി, എല്ലാവരും ഓണത്തിനായി കാത്തിരിക്കുകയാണ്. എല്ലാ വർഷവും കേരള സംസ്ഥാന ഭാ​ഗ്യക്കുറി വകുപ്പിൻ്റെ ഓണ സമ്മാനത്തിനു വേണ്ടിയും ആളുകൾ കാത്തിരിക്കുന്നു. അതെ ഓണം ബമ്പർ ഭാ​ഗ്യക്കുറിയെ കുറിച്ചാണ് പറയുന്നത്. മലയാളികൾക്കായി സംസ്ഥാന സർക്കാർ ഇറക്കിയ ഈ വർഷത്തെ ഓണം ബമ്പർ ടിക്കറ്റുകളുടെ വിൽപ്പന വിപണിയിൽ പൊടിപൊടിക്കുന്നുണ്ട്. 25 കോടിയുടെ ആ ഭാ​ഗ്യശാലി ആരായിരിക്കും?

എല്ലാ വർഷവും ഓണം ബമ്പറിൻ്റെ ഭാ​ഗ്യശാലികളെ കാത്തിരിക്കുന്ന മലയാളികൾ ഇത്തവണയും ആ പതിവ് തെറ്റിക്കില്ല. 500 രൂപ മുടക്കി ഇത്തവണത്തെ ഓണം ബമ്പർ നിങ്ങൾ എടുത്തോ? സെപ്റ്റംബർ 27നാണ് ബമ്പറിൻ്റെ നറുക്കെടുപ്പ് ഫലം എത്തുന്നത്. ഇത്തവണ 25 കോടി അടിക്കണമെങ്കിൽ എവിടെ നിന്നും നിങ്ങൾ ടിക്കറ്റ് എടുക്കണം?

ഓണം ബമ്പർ എവിടെ നിന്നും എടുക്കാം?

കേരളത്തിൽ എവിടെ നിന്നും നിങ്ങൾ ഓണം ബമ്പർ ടിക്കറ്റ് വാങ്ങിക്കാം. ചിലർ എല്ലാ ജില്ലകളിൽ നിന്നും ടിക്കറ്റ് വാങ്ങി വെക്കും. ഏത് ജില്ലയിൽ നിന്നും വാങ്ങിയ ടിക്കറ്റിനാണ് ഭാ​ഗ്യം തുണക്കുന്നതെന്ന് പ്രവചിക്കാൻ സാധിക്കില്ല. എന്നാൽ നിങ്ങൾ കേരളത്തിലെ 14 ജില്ലയിൽ നിന്നും ഓരോ ടിക്കറ്റ് വീതം വാങ്ങിയാൽ 7,000 രൂപയോളം ചിലവ് വരും. ഇതിനു പുറമേ ഈ സ്ഥലങ്ങളിലേക്കുള്ള യാത്രാച്ചെലവും കരുതേണ്ടി വരും.

ബുദ്ധിയോടെ ടിക്കറ്റ് വാങ്ങിയാൽ അമിതമായ നഷ്ടമില്ലാതെ ഭാ​ഗ്യം പരീക്ഷിക്കാം. തുടർച്ചയായി ബമ്പർ അടിച്ച ജില്ലകൾ ഉണ്ട്. ഈ കഴിഞ്ഞ 10 വർഷത്തിനിടെ ഏറ്റവും കൂടുതൽ ബമ്പർ അടിച്ച ജില്ലകൾ ആലപ്പുഴ, തിരുവനന്തപുരം, തൃശൂര്‍ എന്നീ ജില്ലകളാണ്. ഈ മൂന്ന് ജില്ലകളിലും 2014 മുതല്‍ 2024 വരെയുള്ള കണക്ക് പ്രകാരം, രണ്ട് തവണ വീതം ഒന്നാം സമ്മാനം അടിച്ചിട്ടുണ്ട്. മാത്രമല്ല ഓരോ തവണ വീതം ഒന്നാം സമ്മാനം അടിച്ചത് മലപ്പുറം, എറണാകുളം, കൊല്ലം, കോഴിക്കോട്, വയനാട് എന്നീ ജില്ലകളിലാണ്.

2014 മുതൽ 2024 വരെയുള്ള ഒന്നാം സമ്മാനങ്ങൾ

2014: ഒന്നാം സമ്മാനം കിട്ടിയത് ആലപ്പുഴയിലെ TA 192044 എന്ന നമ്പറിന്

2015: ഒന്നാം സമ്മാനം കിട്ടിയത് തിരുവനന്തപുരത്തെ TE 513282 എന്ന നമ്പറിന്

2016: ഒന്നാം സമ്മാനം കിട്ടിയത് തൃശൂർ ജില്ലയിലെ TC 788368 എന്ന നമ്പറിന്

2017: ഒന്നാം സമ്മാനം കിട്ടിയത് മലപ്പുറത്തെ AJ 442876 നമ്പറിന്

2018: ഒന്നാം സമ്മാനം കിട്ടിയത് തൃശൂരിലെ TB 128092 നമ്പറിന്

2019: ഒന്നാം സമ്മാനം കിട്ടിയത് ആലപ്പുഴയിലെ TM 160869 നമ്പറിന്

2020: ഒന്നാം സമ്മാനം കിട്ടിയത് എറണാകുളം ജില്ലയിലെ TB 173964 നമ്പറിന്

2021: ഒന്നാം സമ്മാനം കിട്ടിയത് കൊല്ലം ജില്ലയിലെ TE 645465 നമ്പറിന്

2022: ഒന്നാം സമ്മാനം കിട്ടിയത് തിരുവനന്തപുരത്തെ TJ 750605 നമ്പറിന്

2023: ഒന്നാം സമ്മാനം കിട്ടിയത് കോഴിക്കോട് ജില്ലയിലെ TE 230662 നമ്പറിന്

2024: ഒന്നാം സമ്മാനം കിട്ടിയത് വയനാട് ജില്ലയിലെ TG 43222 നമ്പറിന്

2025: ? ഈ ചോദ്യത്തിനുള്ള ഉത്തരത്തിനായാണ് ഓരോ മലയാളിയും കാത്തിരിക്കുന്നത്. ഇത്തവണ ഏത് ജില്ലയിലേക്കാണ് നിങ്ങൾ വണ്ടി കയറുന്നത്?