എൽ ആൻഡ് ടിയിൽ 1,100 എഞ്ചിനീയർമാർക്ക് അവസരം, നിയമനം അടുത്ത വർഷം

അടുത്ത വർഷം 1,100 ബിരുദ, ബിരുദാനന്തര എഞ്ചിനീയർ ട്രെയിനികളെ റിക്രൂട്ട് ചെയ്യാനും വിവിധ ബിസിനസ് മേഖലകളിൽ നിയമിക്കാനും പദ്ധതിയിട്ട് പ്രമുഖ നിർമ്മാണ കമ്പനിയായ ലാർസൻ ആന്റ് ട്യൂബ്രോ (എൽ ആൻഡ് ടി) ഒരുങ്ങുന്നു. കമ്പനി നിലവിലുള്ള വെർച്വൽ നിയമന പ്രക്രിയയിലൂടെ ഇതിനകം 250 ഓളം ഓഫറുകൾ നൽകി കഴിഞ്ഞു.

പ്രമുഖ വിദ്യാഭ്യാസ സ്ഥാപനങ്ങളായ ഐഐടി മദ്രാസ്, ഐഐടി ഗുവാഹത്തി, ഐഐടി ഭുവനേശ്വർ, ഐഐടി ബോംബെ, ഐഐടി ഡൽഹി, ഐഐടി റൂർക്കി, ഐഐടി ഖരഗ്‌പൂർ, ഐഐടി (ഐ‌എസ്‌എം) ) ധൻബാദ്, ഐഐടി ഹൈദരാബാദ്, മറ്റ് ഐഐടികൾ എന്നിവിടങ്ങളിലെ വിദ്യാർത്ഥികൾക്കാണ് നിലവിൽ അവസരങ്ങൾ ലഭിച്ചിരിക്കുന്നത്.

എൽ ആൻഡ് ടിയിൽ 1,100 എഞ്ചിനീയർമാർക്ക് അവസരം, നിയമനം അടുത്ത വർഷം

എൽ ആന്റ് ടി ഗ്രാജുവേറ്റ്, പോസ്റ്റ് ഗ്രാജുവേറ്റ് എഞ്ചിനീയർ ട്രെയിനികൾക്ക് തുടർ പഠന അവസരങ്ങളും വളർച്ചാ പാതയും വാഗ്ദാനം ചെയ്യുക മാത്രമല്ല, ദേശീയ അല്ലെങ്കിൽ ആഗോള തലത്തിലെ ഉയർന്ന പ്രോജക്ടുകളിൽ പ്രവർത്തിക്കാൻ അവസരവും നൽകുന്നുണ്ടെന്ന് കമ്പനിയുടെ ചീഫ് എക്സിക്യൂട്ടീവ്, മാനേജിംഗ് ഡയറക്ടർ എസ്എൻ സുബ്രഹ്മണ്യൻ പറഞ്ഞു.

2021 ൽ എഞ്ചിനീയറിംഗ്, കൺസ്ട്രക്ഷൻ ഭീമനായ എൽ ആൻഡ് ടി 1,100 എഞ്ചിനീയർമാരെ നിയമിക്കാനാണ് ഒരുങ്ങുന്നത്. ഇതിനകം 250 ഐ‌ഐ‌ടി‌ വിദ്യാർത്ഥികൾക്ക് ഓഫറുകൾ‌ നൽ‌കി കഴിഞ്ഞു. എല്ലാ വർഷവും കമ്പനി 1,100ലധികം എഞ്ചിനീയർമാരെ നിയമിക്കാറുണ്ട്. അതിൽ 90% പ്രീമിയർ ഇൻസ്റ്റിറ്റ്യൂട്ടുകളായ ഐഐടികൾ, എൻഐടികൾ, ഉന്നത സർക്കാർ എഞ്ചിനീയറിംഗ് കോളേജുകൾ എന്നിവിടങ്ങളിൽ നിന്നുള്ളവരാണ്.