ഓറിയന്റൽ ഇൻഷുറൻസ്, യുണൈറ്റഡ് ഇന്ത്യ ഇൻഷുറൻസ് എന്നിവ സ്വകാര്യവത്കരിച്ചേക്കുമെന്ന് റിപ്പോർട്ട്

ദില്ലി; ഓറിയന്റൽ ഇൻഷുറൻസ് അല്ലെങ്കിൽ യുണൈറ്റഡ് ഇന്ത്യ ഇൻഷുറൻസിനെ സർക്കാർ സ്വകാര്യവത്കരിച്ചേക്കുമെന്ന് റിപ്പോർട്ട്. പുനർമൂലധനവത്കരണത്തിൽ ഈ കമ്പനികളുടെ സാമ്പത്തിക സ്ഥിതി മെച്ചപ്പെട്ട പശ്ചാത്തലത്തിലാണ് നടപടി. ഈ കമ്പനികളുടെ സാമ്പത്തിക കരുത്ത് ഉയർത്തുകയെ്ന ലക്ഷ്യത്തോടെ നിലവിലെ പാദത്തിൽ പൊതുമേഖലാ ഇൻഷുറൻസ് കമ്പനികളിലേക്ക് 3000 കോടതി സർക്കാർ ഉടൻ കൈമാറിയേക്കുമെന്നാണ് കണക്കാക്കപ്പെടുന്നത്.

ഓറിയന്റൽ ഇൻഷുറൻസിനും ചെന്നൈ ആസ്ഥാനമായുള്ള യുണൈറ്റഡ് ഇന്ത്യ ഇൻഷുറൻസിനും മെച്ചപ്പെട്ട സാമ്പത്തിക മേഖലകൾ കാരണം നിക്ഷേപകരെ ആകർഷിക്കാൻ കഴിയുമെന്ന നിഗമനത്തിലാണ് സർക്കാർ. സ്വകാര്യവൽക്കരണത്തിന് അനുയോജ്യമായ കമ്പനിയെ തിരഞ്ഞെടുക്കുന്നതിനുള്ള നടപചികൾ ആരംഭിച്ചിട്ടുണ്ട്. കമ്പനിയിൽ സർക്കാർ ഓഹരി 85.44 ശതമാനമാണ്.

ആയോഗ് സ്വകാര്യവൽക്കരണത്തിനായി സർക്കാരിന് ശുപാർശകൾ നൽകും, ധനമന്ത്രാലയത്തിന് കീഴിലുള്ള നിക്ഷേപ, പബ്ലിക് അസറ്റ് മാനേജ്‌മെന്റ് വകുപ്പ് (ഡിപാം) ഈ നിർദ്ദേശത്തിന്റെ അടിസ്ഥാനത്തിലാകും തിരുമാനം കൈക്കൊള്ളുക. ധനമന്ത്രി നിർമ്മല സീതാരാമൻ 2021-22 ലെ ബജറ്റിൽ രണ്ട് പൊതുമേഖലാ ബാങ്കുകളെയും ഒരു പൊതു ഇൻഷുറൻസ് കമ്പനിയെയും സ്വകാര്യവൽക്കരിക്കുന്നതുൾപ്പെടെ വലിയ പ്രഖ്യാപനങ്ങൾ നടത്തിയിരുന്നു. ഇൻഷുറൻസ് മേഖലയിലെ വിദേശ നിക്ഷ പരിധി 49 ശതമാനത്തിൽ നിന്ന് ബജറ്റില് 75 ശതമാനമായി ഉയർത്തുകയും ചെയ്തിരുന്നു.