രാജ്യത്ത് പാരസെറ്റമോൾ ഗുളികയുടെ വില ഉയർന്നു

ലോകത്തിലെ ഏറ്റവും കൂടുതൽ ജനസംഖ്യയുള്ള രണ്ടാമത്തെ രാജ്യമായ ചൈനയിൽ വ്യാപകമായി അടച്ചുപൂട്ടലിന്റെ അലയൊലികൾ നേരിടുന്നു. മൊബൈൽ വിപണിയെ മുതൽ മരുന്നുകളുടെ ഉത്പാദനത്തെ വരെ അടച്ചുപൂട്ടൽ ബാധിക്കുന്നതായാണ് വിവരം. അതേ സമയം ഇന്ത്യയിൽ ഏറ്റവും കൂടുതൽ ഉപയോഗിക്കുന്ന വേദനസംഹാരിയായ പാരസെറ്റമോളിന്റെ വില 40% ഉയർന്നു. കൂടാതെ വിവിധതരം ബാക്ടീരിയ അണുബാധകൾ ചികിത്സിക്കുന്നതിനായി ഉപയോഗിക്കുന്ന ആൻറിബയോട്ടിക്കായ അസിട്രോമിസൈനിന്റെ വില 70% ഉയർന്നുവെന്ന് സിഡസ് കാഡില ചെയർമാൻ പങ്കജ് ആർ. പട്ടേൽ പറഞ്ഞു.

ആയിരത്തിലധികം ആളുകളെ കൊന്നൊടുക്കുകയും ലോകത്തെ രണ്ടാമത്തെ വലിയ സമ്പദ്‌വ്യവസ്ഥയെ മാന്ദ്യ ഭീഷണിയ്ക്ക് മുന്നിൽ എത്തിക്കുകയും ചെയ്ത കൊറോണ വൈറസ്, ചൈനയിലെ ഉൽ‌പാദനം മന്ദഗതിയിലാക്കിയിരിക്കുകയാണ്. ചൈന ആസ്ഥാനമായുള്ള നിർമ്മാതാക്കൾ ഫാക്ടറികൾ അടച്ചു പൂട്ടുമ്പോൾ, ചില അസംസ്കൃത വസ്തുക്കളുടെയും ഇന്റർമീഡിയറ്റ് വസ്തുക്കളുടെയും ഇറക്കുമതിയെ വളരെയധികം ആശ്രയിക്കുന്ന ഇന്ത്യ പോലുള്ള രാജ്യങ്ങളാണ് അനിശ്ചിതത്വം നേരിട്ടു കൊണ്ടിരിക്കുന്നത്.

രാജ്യത്ത് പാരസെറ്റമോൾ ഗുളികയുടെ വില ഉയർന്നു

മരുന്നുകൾ നിർമ്മിക്കാൻ ഉപയോഗിക്കുന്ന ചില അടിസ്ഥാന പദാർത്ഥങ്ങളുടെ ലഭ്യതക്കുറവാണ് ഫാർമസ്യൂട്ടിക്കൽ ഘടകങ്ങളുടെ വിലയിൽ ഗണ്യമായ വർദ്ധനവിന് കാരണം. ലോകത്തിന് ഏറ്റവും കൂടുതൽ ജനറിക് മരുന്നുകൾ വിതരണം ചെയ്യുന്ന രാജ്യമായ ഇന്ത്യ എപിഐ ആവശ്യകതയുടെ 80% വരെ ചൈനയെയാണ് ആശ്രയിക്കുന്നത്.

മരുന്നുകൾ മാത്രമല്ല ചൈനയിലെ അടച്ചുപൂട്ടൽ കാരണം ചില ഇന്ത്യൻ മൊബൈൽ നിർമ്മാതാക്കളുടെ ഉൽ‌പാദനത്തിലും തടസ്സം നേരിടുന്നുണ്ട്.