എന്‍റെ പൊന്നേ..! 5 വർഷം കൊണ്ട് ഈ ഓഹരി നേടിയത് 20483 ശതമാനം വളർച്ച, നിങ്ങളുടെ കയ്യിലുണ്ടോ..?

ഓഹരി വിപണിയുടെ ചാഞ്ചാട്ടം നമുക്ക് പ്രവചിക്കാൻ സാധിക്കില്ല. ഇന്ന് മുകളിലേക്ക് കുതിച്ചുയർന്നാൽ ഒരുപക്ഷെ നാളെ താഴേക്ക് വീഴും. എന്നാൽ ചിലപ്പോൾ കുറേ ദിവസങ്ങളിൽ മുന്നേറും. പിന്നീട് താഴേക്ക് വീഴും. എന്തായാലും ഓഹരി വിപണിയിൽ ദീർഘകാലം തുടരുന്നത് വലിയ നേട്ടം തന്നെ നൽകും എന്ന കാര്യത്തിൽ സംശയമുണ്ടാകില്ല.

കഴിഞ്ഞ അഞ്ച് വർഷത്തിനിടെ 20483 ശതമാനം നേട്ടം നൽകിയ ഒരു ഓഹരിയുടെ വിശദാംശങ്ങൾ നമുക്ക് ഇന്ന് പരിശോധിക്കാം. 1 ലക്ഷം രൂപ മുടക്കി അഞ്ച് വർഷം മുൻപ് ഈ ഓഹരി വാങ്ങിയിരുന്നെങ്കിൽ ഇന്ന് അതിന്‍റെ മൂല്യം 2 കോടി രൂപയായിട്ടുണ്ടാകും. ഏതാണ് ലക്ഷപ്രഭുവിനെ കോടീശ്വരനാക്കിയ ആ ഓഹരി എന്നാണോ..... ആദിത്യ വിഷൻ ലിമിറ്റഡാണ് ആ ഓഹരി.

ആദിത്യ വിഷൻ ലിമിറ്റഡ്

ഉത്തര്‍പ്രദേശ്, ബിഹാര്‍, ജാര്‍ഖണ്ഡ് തുടങ്ങിയ സംസ്ഥാനങ്ങളില്‍ എയര്‍ കണ്ടീഷണറുകള്‍, റഫ്രിജറേറ്ററുകള്‍, വാഷിങ് മെഷീനുകള്‍ എന്നിങ്ങനെയുള്ള ഗൃഹോപകരണങ്ങള്‍ വില്‍ക്കുന്ന കമ്പനിയാണ് ആദിത്യ വിഷൻ. ബീഹാറിൽ 50 ശതമാനത്തിലധികം വിപണി വിഹിതം കമ്പനിയുടെ സ്വന്തമാണ്. 2026 സാമ്പത്തിക വർഷത്തിന്‍റെ ഓന്നാം പാദത്തിൽ 4 പുതിയ സ്റ്റോറുകളും രണ്ടാം പാദത്തിൽ 3 പുതിയ സ്റ്റോറുകളും കമ്പനി ആരംഭിച്ചിരുന്നു. അതോടെ ആകെ സ്റ്റോറുകളുടെ എണ്ണം 182 ആയി. 2026 സാമ്പത്തിക വർഷത്തിൽ 25-30 സ്റ്റോറുകൾ കൂടി കൂട്ടിച്ചേർക്കാൻ മാനേജ്മെന്‍റ് തീരുമാനിച്ചിട്ടുണ്ട്. അതോടെ ആകെ സ്റ്റോറുകളുടെ എണ്ണം 200 കടക്കും.

ഓഹരിയുടെ കുതിപ്പ്

എൻഎസ്ഇയിൽ 1.19 ശതമാനം നേട്ടത്തോടെ 420 രൂപ നിലവാരത്തിലാണ് ബുധനാഴ്ച ആദിത്യ വിഷൻ ഓഹരി വ്യാപാരം അവസാനിപ്പിച്ചത്. കഴിഞ്ഞ ഒരുമാസത്തിനിടെ ഓഹരി 17 ശതമാനത്തോളം നേട്ടമുണ്ടാക്കി. എന്നാൽ 2025-ൽ ഇതുവരെ ഓഹരികൾക്ക് മൂല്യത്തിന്‍റെ 18 ശതമാനത്തിലധികം നഷ്ടം നേരിട്ടിട്ടും വീണ്ടും കൗണ്ടറിലേക്ക് മടങ്ങുകയാണെന്നാണ് ബ്രോക്കറേജുകൾ വിലയിരുത്തുന്നത്. 2016 ൽ ബി‌എസ്‌ഇ എസ്‌എം‌ഇ പ്ലാറ്റ്‌ഫോമിൽ ലിസ്റ്റ് ചെയ്ത ഓഹരി 2021 ജനുവരിയിൽ മെയിൻബോർഡിലേക്ക് മാറി.

ടാർഗെറ്റ് വില

ദീർഘകാല അവസരത്തെ ഊന്നിപ്പറഞ്ഞുകൊണ്ട് ബ്രോക്കറേജ് സ്ഥാപനമായ ഐസിഐസിഐ സെക്യൂരിറ്റീസ് 450 രൂപ ലക്ഷ്യ വിലയിൽ അവരുടെ വാങ്ങൽ റേറ്റിംഗ് നിലനിർത്തി. വർദ്ധിച്ചുവരുന്ന പ്രീമിയമൈസേഷൻ, യുപിയിലെയും ബീഹാറിലെയും മാക്രോ ഘടകങ്ങൾ എന്നിവ കമ്പനിക്ക് ശക്തമായ വളർച്ച സാഹചര്യങ്ങൾ സൃഷ്ടിക്കുന്നുണ്ടെന്ന് ബ്രോക്കറേജ് വിലയിരുത്തി. അതേസമയം എംകെ ഗ്ലോബൽ, ഓഹരിയെ ആഡിൽ നിന്ന് വാങ്ങുക എന്നതിലേക്ക് അപ്‌ഗ്രേഡ് ചെയ്‌തു. 550 രൂപയാണ് ടാർഗെറ്റ് വില. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ ഏകദേശം 20 ശതമാനത്തോളം വളർച്ച.

ഐസിഐസിഐ സെക്യൂരിറ്റീസ് കമ്പനിയുടെ ഘടനാപരമായ അവസരത്തെ എടുത്തുകാണിച്ചു. ആദിത്യ വിഷന്‍റെ വരുമനത്തിലും അറ്റാദായത്തിലും യഥാക്രമം 17.3 ശതമാനം, 19.2 ശതമാനം വര്‍ധനവാണ് ഐസിഐസിഐ സെക്യൂരീറ്റീസ് പ്രതീക്ഷിക്കുന്നത്. വളര്‍ച്ചാ സാധ്യതയില്‍ കുറവുവരുത്തിയെങ്കിലും വാങ്ങല്‍ റേറ്റിങ് നുവാമ നിലനിര്‍ത്തിയിട്ടുണ്ട്. 503 രൂപയാണ് ഇവര്‍ നിശ്ചയിച്ചിട്ടുള്ള ലക്ഷ്യവില.

പാദഫലം

2025 ജൂണിൽ അവസാനിച്ച പാദത്തിൽ ആദിത്യ വിഷൻ ലിമിറ്റഡിന്‍റെ അറ്റാദായം 3.9% വർധിച്ച് 552 മില്യൺ രൂപയായി. കഴിഞ്ഞ വർഷം ഇതേ പാദത്തിൽ ഇത് 531 മില്യൺ രൂപയായിരുന്നു. 2025 സാമ്പത്തിക വർഷത്തിൽ കമ്പനിയുടെ അറ്റാദായം 36.9% വർദ്ധിച്ച് 1,055 മില്യൺ രൂപയായി. 2024 സാമ്പത്തിക വർഷത്തിൽ ഇത് 771 മില്യൺ രൂപയായിരുന്നു.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.