ആദ്യമായി വിമാനത്തിൽ പറക്കുന്നവർക്ക് 1500 രൂപയുടെ ക്യാഷ്ബാക്ക് ഓഫർ

നോയിഡ ആസ്ഥാനമായ ഇ-കൊമേഴ്‌സ് കമ്പനിയായ പേടിഎം പുതിയ ഫ്ലൈറ്റ് ഓഫറുമായി രം​ഗത്ത്. ആദ്യമായി വിമാനത്തിൽ യാത്ര ചെയ്യുന്നവർക്ക് വേണ്ടിയുള്ളതാണ് പേടിഎമ്മിന്റെ ഈ ഓഫർ. അതായത് ആദ്യമായി വിമാനത്തിൽ യാത്ര ചെയ്യാൻ പോകുന്നവർ പേടിഎം ഉപയോ​​ഗിച്ച് വിമാന ടിക്കറ്റ് ബുക്ക് ചെയ്താൽ 1500 രൂപ വരെ ക്യാഷ്ബാക്കാണ് കമ്പനി വാ​ഗ്ദാനം ചെയ്യുന്നത്. ഡിസ്കൗണ്ട് ലഭിക്കുന്നതിനായി ഫ്ലൈറ്റ് ടിക്കറ്റ് ബുക്ക് ചെയ്യുമ്പോൾ FIRSTFLIGHT എന്ന പ്രൊമോ കോഡ് ഉപയോഗിക്കേണ്ടതുണ്ട്.

ഫസ്റ്റ് ഫ്ലൈറ്റ് ഓഫറിൽ ഫ്ലൈറ്റ് ടിക്കറ്റ് ബുക്കിംഗിന് പേടിഎം മിനിമം നിരക്ക് ഏർപ്പെടുത്തിയിട്ടില്ല. ഓഫർ ഓരോ ഉപഭോക്താവിനും ഒറ്റത്തവണ മാത്രമേ ഉപയോഗിക്കാൻ സാധിക്കൂ. ക്യാഷ്ബാക്ക് ലഭിക്കുന്നതിന് ആളുകൾക്ക് പേടിഎമ്മിൽ ഒരു സ്ഥിരീകരിച്ച മൊബൈൽ നമ്പർ ആവശ്യമാണ്.

ആദ്യമായി വിമാനത്തിൽ പറക്കുന്നവർക്ക് 1500 രൂപയുടെ ക്യാഷ്ബാക്ക് ഓഫർ

ഇടപാട് പൂർത്തിയായ 24 മണിക്കൂറിനുള്ളിൽ ലഭ്യമായ ക്യാഷ്ബാക്ക് ഉപയോക്താവിന്റെ പേടിഎം അക്കൗണ്ടിൽ ക്രെഡിറ്റ് ചെയ്യുപ്പെടും. ക്യാഷ്ബാക്ക് കണക്കാക്കുന്നതിനുള്ള മൊത്തം ബുക്കിംഗ് തുകയിൽ നിന്ന് കൺവീനിയൻസ് ഫീസ് ഒഴിവാക്കുമെന്നും പേടിഎം പറഞ്ഞു. ടിക്കറ്റ് ക്യാൻസൽ ചെയ്യുന്നവ‍ർക്ക് ക്യാഷ്ബാക്ക് ലഭിക്കാൻ അർഹതയില്ല.

പേടിഎമ്മിൽ നിങ്ങളുടെ കെ‌വൈ‌സി പൂർത്തിയാക്കാത്തവരോ അല്ലെങ്കിൽ പ്രതിമാസ വാലറ്റ് പരിധി ലംഘിച്ചവരോ ആയ വ്യക്തികൾക്ക് 3 ശതമാനം ജിഎസ്ടി ഉൾപ്പെടെ ഒരു ഗോൾഡ് ബാക്കാകും ലഭിക്കുക. ഓഫറിന്റെ നിബന്ധനകളും വ്യവസ്ഥകളും മുൻ‌കൂട്ടി അറിയിക്കാതെ തന്നെ എപ്പോൾ വേണമെങ്കിലും കമ്പനിയ്ക്ക് പിൻവലിക്കാനും മാറ്റം വരുത്താനും പൂർണ അവകാശമുണ്ടെന്നും പേടിഎം വ്യക്തമാക്കിയിട്ടുണ്ട്.

തല്‍ക്ഷണ ഡിജിറ്റല്‍ വായ്പയുമായി പേടിഎമ്മും ക്ലിക്‌സ് ഫിനാന്‍സും