പെട്രോൾ, ഡീസൽ വില ഇന്നും ഉയർന്നു, ഏറ്റവും പുതിയ നിരക്കുകൾ അറിയാം

ഓയിൽ മാർക്കറ്റിംഗ് കമ്പനികൾ പെട്രോളിന്റെയും ഡീസലിന്റെയും വില തുടർച്ചയായ മൂന്നാം ദിവസവും ഉയർത്തി. പെട്രോൾ, ഡീസൽ എന്നിവയുടെ വില മെട്രോകളിലുടനീളം 20 പൈസ വർധിച്ചു. പെട്രോൾ വില ലിറ്ററിന് 20 പൈസയും ഡീസലിന് 23 പൈസയും ഉയർന്നു. തലസ്ഥാന നഗരിയായ ഡൽഹിയിലെ പെട്രോൾ വില ലിറ്ററിന് 82.66 രൂപയിൽ നിന്ന് 82.86 രൂപയായി ഉയർന്നു. ഡീസൽ നിരക്ക് ലിറ്ററിന് 72.84 രൂപയിൽ നിന്ന് 73.07 രൂപയായി ഉയർന്നു.

കേരളത്തിലെ ഇന്നത്തെ ഇന്ധന വില

മുംബൈയിൽ പെട്രോൾ വില ലിറ്ററിന് 89.33 രൂപയിൽ നിന്ന് 89.52 രൂപയായി ഉയർന്നു. ഡീസൽ നിരക്ക് 79.42 രൂപയിൽ നിന്ന് 79.66 രൂപയായി ഉയർന്നു. കേരളത്തിൽ ഇന്ന് ഡീസലിന് 78.77 രൂപയാണ് വില. പെട്രോൾ വില ലിറ്ററിന് 83.10 രൂപയാണ് നിരക്ക്. ഇന്ത്യൻ ഓയിൽ കോർപ്പറേഷന്റെ കണക്കനുസരിച്ച് നാല് മെട്രോകളിലെ നിലവിലെ പെട്രോളിന്റെയും ഡീസലിന്റെയും വില ഇതാ..

പെട്രോൾ, ഡീസൽ വില

• ഡൽഹി - 82.86 (പെട്രോൾ), 73.07 (ഡീസൽ)
• മുംബൈ - 89.52 (പെട്രോൾ), 79.66 (ഡീസൽ)
• ചെന്നൈ - 85.76 (പെട്രോൾ), 78.45 (ഡീസൽ)
• കൊൽക്കത്ത - 84.37 (പെട്രോൾ), 76.64 (ഡീസൽ)

വില മാറ്റത്തിന് കാരണം

പ്രാദേശിക വിൽപ്പന നികുതി അല്ലെങ്കിൽ വാറ്റ് അനുസരിച്ച് പെട്രോൾ, ഡീസൽ നിരക്കുകൾ ഓരോ സംസ്ഥാനത്തിനും വ്യത്യാസപ്പെട്ടിരിക്കുന്നു. രണ്ട് മാസത്തെ ഇടവേളയ്ക്ക് ശേഷം എണ്ണക്കമ്പനികൾ ദിവസേനയുള്ള വില പരിഷ്കരണം പുനരാരംഭിച്ച നവംബർ 20 ന് ശേഷമുള്ള പന്ത്രണ്ടാമത്തെ വില വർദ്ധനവാണിത്.

ദിവസം തോറും വില മാറ്റം

ഓയിൽ മാർക്കറ്റിംഗ് കമ്പനികളായ ഇന്ത്യൻ ഓയിൽ, ഹിന്ദുസ്ഥാൻ പെട്രോളിയം, ഭാരത് പെട്രോളിയം എന്നിവ നിലവിൽ ആഭ്യന്തര പെട്രോൾ, ഡീസൽ നിരക്കുകൾ ദിനംപ്രതി മാറ്റുന്നു.