പെട്രോൾ, ഡീസൽ വില ഇന്നും കുറച്ചു, വീണ്ടും വില കുറയുമോ? പുതിയ നിരക്കുകൾ അറിയാം

ക്രൂഡ് ഓയിൽ വില കുറയുന്നതിനൊപ്പം രാജ്യത്ത് പെട്രോൾ, ഡീസൽ വിലയിൽ വീണ്ടും കുറവ്. ഫെബ്രുവരി 27 മുതൽ ഇന്ധന നിരക്ക് കുത്തനെ കുറഞ്ഞു കൊണ്ടിരിക്കുകയാണ്. പെട്രോൾ വില ലിറ്ററിന് 15 പൈസയും ഡീസൽ വില ലിറ്ററിന് 12 പൈസയുമാണ് ഇന്ന് കുറച്ചിരിക്കുന്നത്. ഇന്നലെ വിലയിൽ മാറ്റമില്ലായിരുന്നു. എന്നാൽ ക്രൂഡ് ഓയിൽ വിലയ്ക്ക് അനുസരിച്ച് ഇന്ത്യയിൽ പെട്രോൾ, ഡീസൽ വില കുറയ്ക്കുന്നില്ല എന്ന ആക്ഷേപം ശക്തമാണ്.

കേരളത്തിലെ വില

തിരുവനന്തപുരം നഗരത്തിൽ ഇന്ന് ഒരു ലിറ്റർ പെട്രോളിന് 73.56 പൈസയും ഡീസലിന് 67.82 പൈസയുമാണ് വില. എറണാകുളത്ത് ഒരു ലിറ്റർ പെട്രോളിന് 71.97 പൈസയും ഡീസലിന് 66.33 പൈസയുമാണു ഇന്നത്തെ നിരക്ക്. കോഴിക്കോട് നഗരത്തിൽ പെട്രോളിന് 72.60 പൈസയും ഡീസലിന് 66.95 പൈസയുമാണ് വില. ഈ മാസം ഇതുവരെ രാജ്യത്ത് പെട്രോളിന്റെ വില ലിറ്ററിന് 1.75 രൂപയും ഡീസലിന്റെ വില ലിറ്ററിന് രൂപയും കുറഞ്ഞിട്ടുണ്ട്.

പ്രധാന നഗരങ്ങളിലെ ഇന്നത്തെ വില

ഡൽഹിയിൽ ഒരു ലിറ്റർ പെട്രോളിന് 70.14 രൂപയും ഡീസലിന് ലിറ്ററിന് 62.89 രൂപയുമാണ് വില. മുംബൈയിൽ പെട്രോൾ ലിറ്ററിന് 75.84 രൂപയും ഡീസലിന് ലിറ്ററിന് 65.84 രൂപയുമാണ് നിരക്ക്. ചെന്നൈയിൽ ഒരു ലിറ്റർ പെട്രോൾ 72.86 രൂപയ്ക്കും ഡീസൽ ലിറ്ററിന് 66.35 രൂപയ്ക്കുമാണ് വിൽക്കുന്നത്. ബെംഗളൂരുവിൽ പെട്രോൾ വില 72.54 രൂപയും ഡീസൽ വില 65.04 രൂപയുമാണ്. ഹൈദരാബാദിൽ പെട്രോളിന് 74.56 രൂപയും ഡീസലിന് 68.47 രൂപയുമാണ് ഈടാക്കുന്നത്. ഗുഡ്ഗാവിൽ, പെട്രോളിന് 70.64 രൂപയും ഡീസലിന് 62.59 രൂപയുമാണ് ഇന്നത്തെ നിരക്ക്.

വീണ്ടും വില കുറയുമോ?

കൊറോണ വൈറസും റഷ്യയും സൗദി അറേബ്യയും തമ്മിലുള്ള വിലയുദ്ധവുമാണ് ക്രൂഡ് ഓയിൽ വില കുത്തനെ കുറയാൻ കാരണം. ജനുവരിയിലെ ഉയർന്ന നിരക്കുകളിൽ ക്രൂഡ് ഓയിലിന്റെ വില 50% കുറഞ്ഞു. ഇന്ധനത്തിന്റെ ചില്ലറ വില നിശ്ചയിക്കാൻ ഇന്ത്യയിൽ ആശ്രയിക്കുന്ന പ്രധാനപ്പെട്ട ഘടകമാണ് ക്രൂഡ് ഓയിൽ നിരക്ക്. എന്നാൽ ക്രൂഡ് ഓയിൽ വിലയിടിവിന് അനുസരിച്ചുള്ള വില കുറവ് പെട്രോളിനും ഡീസലിനും ഉണ്ടായിട്ടില്ലെന്നാണ് വിദഗ്ധരുടെ അഭിപ്രായം. അതുകൊണ്ട് തന്നെ പെട്രോൾ, ഡീസൽ വില കുറയ്ക്കണമെന്ന ആവശ്യം ശക്തമായി കൊണ്ടിരിക്കുകയാണ്.

ആവശ്യം ഇങ്ങനെ

പെട്രോൾ, ഡീസൽ എന്നിവയുടെ എക്സൈസ് തീരുവയും വാറ്റും (മൂല്യവർധിത നികുതി) 25% കുറയ്ക്കണമെന്ന് വ്യവസായ ചേംബർ പിഎച്ച്ഡി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി സർക്കാരിനോട് ആവശ്യപ്പെട്ടു. വില ലിറ്ററിന് 9 രൂപ മുതൽ 10 രൂപ വരെ കുറയ്ക്കണമെന്നാണ് ആവശ്യമുയർന്നിരിക്കുന്നത്. രാജ്യാന്തര ക്രൂഡ് ഓയിൽ വിലയിൽ 50 ശതമാനം ഇടിവുണ്ടായപ്പോൾ ആഭ്യന്തര പെട്രോൾ വിലയിൽ 7 ശതമാനം മാത്രമേ കുറവുണ്ടായിട്ടുള്ളൂവെന്ന് പ്രസിഡന്റ് ഡി കെ അഗർവാൾ പറഞ്ഞു.

ബ്രെൻറ് ക്രൂഡ്

ബ്രെൻറ് ക്രൂഡ് വില ഇന്ന് 2.12 ഡോളർ അഥവാ 5.9 ശതമാനം ഇടിഞ്ഞ് 33.67 ഡോളറിലെത്തി. ജനുവരിയിൽ എത്തിയ ഏറ്റവും ഉയർന്ന വിലയിൽ നിന്ന് ബ്രെന്റ് ക്രൂഡ് വില ഇപ്പോൾ 50% കുറഞ്ഞു.