പെട്രോൾ, ഡീസൽ വില കുറഞ്ഞു; ക്രൂഡ് ഓയിലിന് ഈ വർഷത്തെ ഏറ്റവും കുറഞ്ഞ വില

ക്രൂഡ് ഓയിൽ വിലയിൽ 5 ദിവസത്തിനുള്ളിൽ 11 ശതമാനം ഇടിവ്. 2020 ജനുവരി മുതലുള്ള ഏറ്റവും കുറഞ്ഞ വിലയാണ് ഇന്ന് ക്രൂഡ് ഓയിലിന്. ഇതിനെ തുടർന്ന് പെട്രോൾ, ഡീസൽ വില ലിറ്ററിന് 5 പൈസ വീതം കുറഞ്ഞു. കഴിഞ്ഞ മൂന്ന് ദിവസങ്ങളിൽ, ഇന്ധന നിരക്കിൽ മാറ്റമില്ലായിരുന്നു.

കേരളത്തിലെ പെട്രോൾ, ഡീസൽ വില

രാജ്യാന്തര വിപണിയിലെ ക്രൂഡ് ഓയിൽ വിലയിലെ ഏറ്റക്കുറച്ചിലുകൾ കേരളത്തിലും പെട്രോൾ വിലയെ ബാധിക്കുന്നുണ്ട്. തിരുവനന്തപുരം നഗരത്തിൽ ഒരു ലിറ്റർ പെട്രോളിനു 75.61 പൈസയും ഡീസലിനു 69.85 പൈസയുമാണ് ഇന്നത്തെ വില. എറണാകുളത്ത് ഒരു ലിറ്റർ പെട്രോളിനു 73.92 പൈസയും ഡീസലിനു 68.26 പൈസയുമാണു ഇന്നത്തെ വില. കോഴിക്കോട് നഗരത്തിൽ പെട്രോളിനു 74.45 പൈസയും ഡീസലിനു 68.78 പൈസയുമാണു ഇന്നത്തെ വില.

പ്രധാന നഗരങ്ങളിലെ വില

ന്യൂഡൽഹിയിൽ ഒരു ലിറ്റർ പെട്രോൾ 71.96 രൂപയ്ക്കും ഡീസൽ 64.65 രൂപയ്ക്കുമാണ് വിൽക്കുന്നത്. മുംബൈയിൽ പെട്രോൾ ലിറ്ററിന് 77.62 രൂയും ഡീസലിന് 67.75 രൂപയുമാണ് വില. ബെംഗളൂരുവിൽ ഒരു ലിറ്റർ പെട്രോളിന് 74.41 രൂപയുെ ഡീസലിന് 66.84 രൂപയും നൽകണം. ചെന്നൈയിൽ ഒരു ലിറ്റർ പെട്രോളിന് 74.75 രൂപയും ഡീസലിന് 68.27 ഡോളറുമാണ് വില.

ഫെബ്രുവരി

ഫെബ്രുവരിയിൽ ഇന്ധന നിരക്കിൽ തുടർച്ചയായി ഇടിവുണ്ടായിട്ടുണ്ട്. അന്താരാഷ്ട്ര ബെഞ്ച്മാർക്ക് നിരക്കായ പെട്രോളിന്റെയും ഡീസലിന്റെയും 15 ദിവസത്തെ ശരാശരി കണക്കിലെടുക്കുന്ന സങ്കീർണ്ണമായ ഒരു സൂത്രവാക്യത്തെ അടിസ്ഥാനമാക്കി, ഇന്ധന റീട്ടെയിലർമാർ എല്ലാ ദിവസവും രാവിലെ 6 മണിക്ക് വില പരിഷ്കരിക്കും. പെട്രോൾ ഇപ്പോൾ 5 മാസത്തെ താഴ്ന്ന നിലയിലും ഡീസൽ വില 7 മാസത്തെ താഴ്ന്ന നിലയിലുമാണെന്ന് ഇന്ധന വില ചാർട്ട് വ്യക്തമാക്കുന്നു.

ബ്രെൻറ് ക്രൂഡ് ഓയിൽ

അന്താരാഷ്ട്ര വിപണിയിൽ ബ്രെൻറ് ക്രൂഡ് ഓയിൽ നിരക്ക് 2.77 ശതമാനം ഇടിഞ്ഞു. ബ്രെൻറ് ക്രൂഡ് 77 സെൻറ് അഥവാ 1.4 ശതമാനം ഇടിഞ്ഞ് ബാരലിന് 52.66 ഡോളറിലെത്തി. ആഗോള എണ്ണ ഡിമാൻഡ് വളർച്ച 10 വർഷത്തിനിടയിലെ ഏറ്റവും താഴ്ന്ന നിലയിലാണ് എത്തിയിരിക്കുന്നതെന്ന് ഇന്റർനാഷണൽ എനർജി ഏജൻസി വ്യക്തമാക്കി.