സംസ്ഥാനത്ത് പെട്രോൾ -ഡീസൽ വിലയിൽ ഇന്ന് നേരിയ കുറവ്. പെട്രോൾ ലിറ്ററിന് 22 പൈസ കുറഞ്ഞ് 77.152 രൂപയിലാണ് ഇന്ന് വ്യാപാരം നടക്കുന്നത്. ഡീസൽ വിലയും ഇന്ന് കുറഞ്ഞിട്ടുണ്ട്. ഡീസലിനും 22 പൈസ കുറഞ്ഞതോടെ ലിറ്ററിന് 70.087 രൂപയിലാണ് ഇന്ന് വ്യാപാരം നടക്കുന്നത്. ആഗോള വിപണിയിലെ വില വ്യതിയാനത്തെ തുടർന്നാണ് ഇന്ന് ആഭ്യന്തര വിപണിയിലും വില കുറഞ്ഞത്.
തിരുവനന്തപുരത്ത് പെട്രോള് ലിറ്ററിന് 75.822 രൂപയിലും ഡീസൽ ലിറ്ററിന് 70.397 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയിൽ പെട്രോള് ലിറ്ററിന് 74.497 രൂപയും ഡീസൽ 69.063 രൂപയുമാണ്. കോഴിക്കോട് പെട്രോൾ ലിറ്ററിന് 74.824 രൂപയും ഡീസൽ ലിറ്ററിന് 69.387 രൂപയുമാണ് ഇന്നത്തെ നിരക്ക്.
പുതിയ പെട്രോൾ പമ്പ് ഔട്ട്ലറ്റുകളിൽ നൂറിൽ അഞ്ചെണ്ണം ഇനി ഗ്രാമപ്രദേശങ്ങളിൽ
ഡൽഹിയിൽ പെട്രോളിന് ലിറ്ററിന് 72.45 രൂപയാണ് ഇന്നത്തെ വില. ഡീസലിന് 65.43 രൂപയാണ് നിരക്ക്. മുംബൈയിൽ ഇന്ന് പെട്രോൾ ലിറ്ററിന് 78.11 രൂപയ്ക്കാണ് ചില്ലറ വിൽപ്പന നടത്തുന്നത്. ഡീസലിന് 68.57 രൂപയാണ് വില. നോയിഡയിൽ പെട്രോൾ ചില്ലറ വില 74.27 രൂപയായപ്പോൾ ഡീസൽ ലിറ്ററിന് 65.69 രൂപയ്ക്കാണ് വിൽക്കുന്നത്.
കഴിഞ്ഞ ദിവസങ്ങളിലും പെട്രോൾ, ഡീസൽ വിലയിൽ കുറവ് രേഖപ്പെടുത്തിയിരുന്നു. ജനുവരി ഒന്ന് മുതൽ 12 വരെ പെട്രോളിന് 83 പൈസയും ഡീസലിന് 1.22 രൂപയുടെയും വർധനവാണ് രേഖപ്പെടുത്തിയത്. ആഗോള എണ്ണ വിപണിയിൽ ബ്രെൻറ് ഫ്യൂച്ചേഴ്സ് 0.15 ശതമാനം ഇടിഞ്ഞ് ബാരലിന് 54.85 യുഎസ് ഡോളറിലെത്തി. പ്രതിദിന വിലനിർണ്ണയ സംവിധാനം അനുസരിച്ച്, ഇന്ധന വില അന്താരാഷ്ട്ര ക്രൂഡ് വിലയെയും രൂപ-യുഎസ് ഡോളർ വിനിമയ നിരക്കിനെയും ആശ്രയിച്ചിരിക്കുന്നു.