തുടര്ച്ചയായ നാലാം ദിവസവും പെട്രോള്, ഡീസല് വിലയിൽ വർദ്ധനവ്. പെട്രോള് ലിറ്ററിന് 40 പൈസയും ഡീസലിന് 45 പൈസയുമാണ് ഇന്ന് കൂട്ടിയത്. തിരുവനന്തപുരത്ത് ഒരു ലിറ്റർ പെട്രോളിന് 31 പൈസ കൂടി 74.92 രൂപയായി. ഒരു ലിറ്റർ ഡീസലിന്റെ വില 28 പൈസ ഉയർന്ന് 68.98 രൂപയായി. കോഴിക്കോട് പെട്രോളിന് 40 പൈസ കൂടി 74.01 രൂപയും ഡീസലിന് 42 പൈസ ഉയർന്ന് 68.26 രൂപയുമാണ് വില. എറണാകുളത്ത് ഒരു ലിറ്റർ പെട്രോളിന് 34 പൈസ ഉയർന്ന് 73.55 രൂപയും ഡീസലിന് 33 പൈസ ഉയർന്ന് 67.74 രൂപയാണ് ഇന്നത്തെ നിരക്ക്.
വില കൂടാൻ കാരണം
ഇന്ന് തുടർച്ചയായ നാലാം ദിവസമാണ് എണ്ണക്കമ്പനികൾ പെട്രോളിന്റെയും ഡീസലിന്റെയും വില ഉയർത്തിയിരിക്കുന്നത്. 82 ദിവസത്തെ ഇടവേളയ്ക്ക് ശേഷമാണ് ഇന്ധന നിരക്കുകൾ കഴിഞ്ഞ ഞായറാഴ്ച മുതൽ പ്രതിദിനം മാറ്റാൻ തുടങ്ങിയത്. കഴിഞ്ഞ നാല് ദിവസങ്ങളിൽ പെട്രോളിന്റെ വില ലിറ്ററിന് 2.14 രൂപയും ഡീസലിന്റെ വില ലിറ്ററിന് 2.23 രൂപയും (ഡൽഹി നിരക്ക്) ഉയർന്നു. 'അൺലോക്ക് 1.0' പ്രകാരം ഇന്ത്യൻ സമ്പദ്വ്യവസ്ഥ വീണ്ടും തുറക്കുകയും ക്രൂഡ് ഓയിൽ വിപണി വീണ്ടെടുക്കുകയും ചെയ്തതോടെയാണ് ഇന്ധന വിലയിൽ വർദ്ധനവ് രേഖപ്പെടുത്തി തുടങ്ങിയത്.
മൊബൈൽ പെട്രോൾ പമ്പുകളുമായി രത്തൻ ടാറ്റയുടെ പിന്തുണയുള്ള സ്റ്റാർട്ടപ്പ് കമ്പനി
പ്രമുഖ നഗരങ്ങളിലെ പെട്രോൾ വില
- ഡൽഹി- 73.40 രൂപ
- ഗുഡ്ഗാവ് - 72.86 രൂപ
- മുംബൈ - 80.40 രൂപ
- ചെന്നൈ - 77.43 രൂപ
- ഹൈദരാബാദ് - 76.20 രൂപ
- ബെംഗളൂരു - 75.77 രൂപ
- കൊച്ചി - 73.55 രൂപ
പ്രമുഖ നഗരങ്ങളിലെ ഡീസൽ വില
- ഡൽഹി - 71.62 രൂപ
- ഗുഡ്ഗാവ് - 64.90 രൂപ
- മുംബൈ - 70.35 രൂപ
- ചെന്നൈ - 70.13 രൂപ
- ഹൈദരാബാദ് - 70 രൂപ
- ബെംഗളൂരു - 68.09 രൂപ
- കൊച്ചി - 67.74 രൂപ
എക്സൈസ് തീരുവ
മാർച്ച് മുതൽ കേന്ദ്ര സർക്കാർ രണ്ട് ഇന്ധനങ്ങളുടെയും എക്സൈസ് തീരുവ രണ്ടു തവണ ഉയർത്തി. മാർച്ച് 14 ന് പെട്രോളിനും ഡീസലിനുമുള്ള എക്സൈസ് തീരുവ ലിറ്ററിന് 3 രൂപ വീതവും മെയ് 6 ന് പെട്രോളിന് നികുതി ലിറ്ററിന് 10 രൂപയും ഡീസലിന് 13 രൂപയും വർദ്ധിപ്പിച്ചിരുന്നു. എന്നിരുന്നാലും, ക്രൂഡ് ഓയിൽ നിരക്കിന്റെ വൻ ഇടിവ് നികുതി വർദ്ധനവ് നികത്തിയതിനാൽ ഇത് ചില്ലറ വിലയെ ബാധിച്ചില്ല.
പെട്രോൾ, ഡീസൽ വിൽപ്പന ഏപ്രിലിൽ കുത്തനെ ഇടിഞ്ഞു; വിൽപ്പന വർദ്ധിച്ച ഏക ഇന്ധനം എൽപിജി
ക്രൂഡ് ഓയിൽ വില
ഒഎംസികൾക്കുള്ള പെട്രോളിന്റെയും ഡീസലിന്റെയും വിലയും വിൽപ്പന വിലയും തമ്മിലുള്ള അന്തരം കഴിഞ്ഞയാഴ്ച ലിറ്ററിന് 4-5 രൂപ വരെ ഉയർന്നതായി റിപ്പോർട്ടിൽ പറയുന്നു. ക്രൂഡ് ഓയിൽ നിരക്ക് ഒരു മാസത്തിനുള്ളിൽ ഏകദേശം ഇരട്ടിയായി. ഇന്നലെ ഒരു ശതമാനം നേട്ടമുണ്ടാക്കിയ ബ്രെൻറ് ക്രൂഡ് ഓയിൽ ഫ്യൂച്ചറുകൾ ഇന്ന് രാവിലെ ബാരലിന് 41 ഡോളറിൽ താഴെയാണ് വ്യാപാരം നടത്തുന്നത്. ഗോൾഡ്മാൻ സാച്ച്സ് 2020 ലെ ബ്രെന്റിനായുള്ള പ്രവചനം ബാരലിന് 40.40 ഡോളറായി ഉയർത്തി. ഡിമാൻഡ് അനിശ്ചിതത്വംകാരണം വരും ആഴ്ചകളിൽ വില കുറയാൻ സാധ്യതയുണ്ടെന്നാണ് മുന്നറിയിപ്പ് നൽകി.
ഒരു ലിറ്റർ പെട്രോളിനും ഡീസലിനും നിങ്ങളുടെ പോക്കറ്റിൽ നിന്ന് നികുതിയായി പോകുന്നത് എത്ര?