പെട്രോളിന് എട്ട് മാസത്തിനിടയിലെ ഏറ്റവും കുറഞ്ഞ വില, ഡീസൽ വില ഒൻപത് മാസത്തെ താഴ്ന്ന നിലയിൽ

ക്രൂഡ് ഓയിൽ വിപണിയിൽ കഴിഞ്ഞയാഴ്ച ഉണ്ടായ ഇടിവിനെ തുടർന്ന് ഇന്നും പെട്രോൾ, ഡീസൽ വില കുറഞ്ഞു. പെട്രോളിന് ഇന്ന് ഒരു ലിറ്ററിന് 5 പൈസയും ഡീസലിന് 7 പൈസയുമാണ് ഡൽഹിയിൽ കുറഞ്ഞത്. ഇന്നത്തെ വില കുറയ്ക്കലിനെ തുടർന്ന് പെട്രോൾ വില ഇപ്പോൾ 8 മാസത്തെ താഴ്ന്ന നിലയിലും ഡീസൽ 9 മാസത്തെ താഴ്ന്ന നിലയിലുമാണ്.

ഡൽഹിയിൽ ഒരു ലിറ്റർ പെട്രോളിന് ലിറ്ററിന് 71.49 രൂപയും ഡീസലിന് ലിറ്ററിന് 64.03 രൂപയുമാണ് വില. കൊച്ചിയിൽ ഒരു ലിറ്റർ പെട്രോളിന്റെ ഇന്നത്തെ വില 73.59 രൂപയാണ്. ഡീസൽ വില 67.71 രൂപയും. മുംബൈയിൽ പെട്രോൾ ലിറ്ററിന് 77.13 രൂപയും ഡീസലിന് ലിറ്ററിന് 67.05 രൂപയുമാണ് നിരക്ക്. ചെന്നൈയിൽ ഒരു ലിറ്റർ പെട്രോളിന് 74.23 രൂപ വിലവരും ഡീസലിന് ലിറ്ററിന് 67.57 രൂപയുമാണ് വില. ബെംഗളൂരുവിൽ പെട്രോൾ വില 73.89 രൂപയും ഡീസൽ വില 66.22 രൂപയുമാണ്. ഹൈദരാബാദിൽ പെട്രോളിന് 75.94 രൂപയും ഡീസലിന് 69.71 രൂപയുമാണ് ഈടാക്കുക.

പെട്രോളിന് എട്ട് മാസത്തിനിടയിലെ ഏറ്റവും കുറഞ്ഞ വില, ഡീസൽ വില ഒൻപത് മാസത്തെ താഴ്ന്ന നിലയിൽ

ഇന്ധന ഉപഭോഗത്തിലെ മാന്ദ്യത്തിനുശേഷം, ഇന്ത്യയുടെ സാമ്പത്തിക വളർച്ചയും ഡീസൽ ഡിമാൻഡും 21 സാമ്പത്തിക വർഷം 2.8 ശതമാനം വർദ്ധിച്ച് 86.6 ദശലക്ഷം ടണ്ണായി ഉയരുമെന്നാണ് പ്രതീക്ഷിക്കുന്നത്. നടപ്പ് സാമ്പത്തിക വർഷത്തിൽ ഇത് വെറും 0.9 ശതമാനം മാത്രമാണ്. പെട്രോൾ ആവശ്യം 8.4 ശതമാനമായി കുറഞ്ഞ് 33.43 ദശലക്ഷം ടണ്ണായി കുറയുമെന്ന് എണ്ണ മന്ത്രാലയത്തിന്റെ കണക്കുകൾ വ്യക്തമാക്കുന്നു.

ഇന്നലെ 4 ശതമാനത്തിലധികം ഉയർന്നതിന് ശേഷം ബ്രെൻറ് ക്രൂഡ് ബാരലിന് 1.26 ഡോളർ അഥവാ 2.4 ശതമാനം ഉയർന്ന് ഇന്ന് പുലർച്ചെ 53.16 ഡോളറിലെത്തി. കൊറോണ വൈറസിന്റെ വ്യാപനത്തെത്തുടർന്ന് അസംസ്കൃത എണ്ണ ഈ വർഷം ജനുവരിയിൽ അതിന്റെ ഏറ്റവും ഉയർന്ന സ്ഥാനത്ത് നിന്ന് 20 ശതമാനത്തിലധികം കുറഞ്ഞു. സാമ്പത്തിക ഉത്തേജനത്തിന്റെയും ഉത്പാദന വെട്ടിക്കുറവിന്റെയും പ്രതീക്ഷകൾക്കിടയിലാണ് വെള്ളിയാഴ്ച മുതൽ ബ്രെന്റ് 7% ഉയർന്നത്.