പെട്രോള്‍ വില 85 കടന്ന് കേരളം; ഡീസലിന് 79 ഉം കവിഞ്ഞു...മുംബൈയിൽ 90! കുതിച്ചുയര്‍ന്ന് ഇന്ധനവില, ഇനിയും കൂടും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: രാജ്യത്ത് ഇന്ധന വില കുതിച്ചുയര്‍ന്നുകൊണ്ടിരിക്കുകയാണ്. ഇക്കണക്കിന് പോയാല്‍ വിലവര്‍ദ്ധന റെക്കോര്‍ഡ് മറികടക്കും എന്നാണ് വിദഗ്ധരുടെ വിലയിരുത്തല്‍. രണ്ട് വര്‍ഷത്തിനിടെയുള്ള ഏറ്റവും ഉയര്‍ന്ന വിലയാണ് ഇപ്പോള്‍ രേഖപ്പെടുത്തിയിരിക്കുന്നത്.

 

കേരളത്തില്‍ പെട്രോള്‍ വില ലിറ്ററിന് 85 രൂപ കടന്നു എന്നതാണ് ഞെട്ടിക്കുന്ന വാര്‍ത്ത. ഡീസലിന് 79 രൂപയും കവിഞ്ഞു. ഇന്ധന വില വരും ദിവസങ്ങളില്‍ ഇനിയും ഉയരാനാണ് സാധ്യത. വിശദാംശങ്ങള്‍ പരിശോധിക്കാം

കേരളത്തില്‍

കേരളത്തില്‍

കേരളത്തില്‍ കഴിഞ്ഞ ദിവസം 84.94 രൂപയായിരുന്നു ഒരു ലിറ്റര്‍ പെട്രോളിന്റെ വില. ഇന്ന് അത് 19 പൈസ വര്‍ദ്ധിച്ച് 85.13 രൂപയായി. രണ്ട് വര്‍ഷത്തിനിടെയുള്ള കേരളത്തിലെ ഏറ്റവും ഉയര്‍ന്ന പെട്രോള്‍ വിലയാണിത്.

ഡീസലിന് കേരളത്തില്‍ ഒരു ദിവസം കൊണ്ട് 27 പൈസയാണ് കൂടിയത്. ഇന്നത്തെ വില 79.04 രൂപയാണ്.

ദില്ലിയിലെ റെക്കോര്‍ഡ് വില

ദില്ലിയിലെ റെക്കോര്‍ഡ് വില

തലസ്ഥാന നഗരമായ ദില്ലിയിലും പെട്രോള്‍ വില റെക്കോര്‍ഡ് ഉയരത്തില്‍ എത്തിയിരിക്കുകയാണ്. രണ്ട് വര്‍ഷത്തെ ഏറ്റവും ഉയര്‍ന്ന വിലയാണ് പെട്രോളിന് ദില്ലിയില്‍- ലിറ്ററിന് 83.41 രൂപ. ഡീസല്‍ വില 73.61 രൂപയും എത്തി. ദില്ലിയില്‍ പെട്രോള്‍ വില 28 പൈസയും ഡീസല്‍ വില 29 പൈസയും ആണ് കൂടിയത്.

90 കടന്ന് മുംബൈ

90 കടന്ന് മുംബൈ

മുംബൈയില്‍ പെട്രോള്‍ വില ലിറ്ററിന് 90 രൂപ കടന്നു എന്നതാണ് ഞെട്ടിപ്പിക്കുന്ന മറ്റൊരു വാര്‍ത്ത. 90.05 രൂപയാണ് പെട്രോള്‍ വില. ഡീസലിന് 80 രൂപയും കവിഞ്ഞു. ഇന്നത്തെ ഡീസല്‍ വില 80.23 രൂപയാണ്. എന്തായാലും രണ്ട് വര്‍ഷത്തിനിടെയുള്ള ഏറ്റവും ഉയര്‍ന്ന വിലയാണ് ഇപ്പോള്‍ പ്രകടമാകുന്നത്.

രണ്ട് മാസത്തെ ഇടവേള

രണ്ട് മാസത്തെ ഇടവേള

സെപ്തംബര്‍ 22 മുതല്‍ നവംബര്‍ 20 വരെ പെട്രോള്‍ വിലയില്‍ മാറ്റമില്ലാതെ തുടരുകയായിരുന്നു. ഒക്ടോബര്‍ 2 മുതല്‍ ഡീസല്‍ വിലയിലും. എന്നാല്‍ അതിന് ശേഷം ഓരോ ദിവസവും വില കൂടിക്കൊണ്ടിരിക്കുകയാണ്. ഓരോ ദിവസവും ചെറിയ തുകയാണ് കൂടുന്നതെങ്കിലും ദിവസങ്ങള്‍ കൊണ്ട് അത് വലിയ തുകയായി മാറുകയാണ്.

എണ്ണവിപണി

എണ്ണവിപണി

കൊവിഡ് വ്യാപനത്തെ തുടര്‍ന്ന് തകര്‍ന്നടിഞ്ഞ അസംസ്‌കൃത എണ്ണവിപണി ഇപ്പോള്‍ തിരിച്ചുവരവിന്റെ പാതയില്‍ ആണ്. അന്താരാഷ്ട്ര വിപണിയില്‍ അസംസ്‌കൃത എണ്ണവില കൂടിക്കൊണ്ടിരിക്കുകയും ആണ്. അത് തന്നെയാണ് ആഭ്യന്തര വിപണിയിലും പ്രകടമാകുന്നത്.

ഇനിയും കൂടും

ഇനിയും കൂടും

അസംസ്‌കൃത എണ്ണവില കൂടുന്നതിന് അനുസരിച്ച് ഇന്ത്യയില്‍ പെട്രോളിന്റേയും ഡീസലിന്റേയും വില കൂടുമെന്ന് ഉറപ്പാണ്. അസംസ്‌കൃത എണ്ണവില കുറഞ്ഞതിന് അനുസരിച്ച് ഇന്ത്യയില്‍ ഇന്ധനവില കുറഞ്ഞിരുന്നില്ല എന്നത് മറ്റൊരു യാഥാര്‍ത്ഥ്യമാണ്. കടുത്ത സാമ്പത്തിക മാന്ദ്യത്തിനിടെ ഇന്ധന വില കൂടി കൂടിയാല്‍ അത് സാധാരണക്കാര്‍ക്ക് വലിയ തിരിച്ചടിയാകും സൃഷ്ടിക്കുക എന്ന് ഉറപ്പാണ്.

English summary

Petrol Price crosses Rs 85 per liter in Kerala and Rs 90 in Mumbai | പെട്രോള്‍ വില 85 കടന്ന് കേരളം; ഡീസലിന് 79 ഉം കവിഞ്ഞു...മുംബൈയിൽ 90! കുതിച്ചുയര്‍ന്ന് ഇന്ധനവില, ഇനിയും കൂടും

Petrol Price crosses Rs 85 per liter in Kerala and Rs 90 in Mumbai. Highest rate in Two years
Story first published: Sunday, December 6, 2020, 13:17 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X