Petrol Price: ഇതാ മറ്റൊരു ബമ്പർ വാർത്ത, രാജ്യത്തെ ഇന്ധന വില കുത്തനെ കുറയും, കാരണങ്ങൾ നിരവധി

ഇന്ധന വില വർദ്ധനവ് എല്ലാ മേഖലകളേയും പ്രതികൂലമായി ബാധിക്കുന്ന കാര്യമാണ്. അതുകൊണ്ടുതന്നെ ഇന്ധനവില കുറയുന്നത് സാധാരണക്കാരെ സംബന്ധിച്ച് വലിയ ആശ്വാസം നൽകും. വരും മാസങ്ങളിൽ ഇന്ധന വില കുറയാനുള്ള സാധ്യതയുണ്ടെന്നാണ് വിലയിരുത്തുന്നത്. അതിൽ ഏറ്റവും പ്രധാനപ്പെട്ടത് റഷ്യയിൽനിന്ന് വിലക്കുറവിൽ എണ്ണ ലഭിച്ചുതുടങ്ങിയതോടെ ഇറക്കുമതി വർധിപ്പിച്ചിരിക്കുകയാണ് ഇന്ത്യയിലെ എണ്ണശുദ്ധീകരണ ശാലകൾ. അമേരിക്കയുമായുള്ള വ്യാപാര ചർച്ച നീണ്ടുപോകുന്നതും ഇറക്കുമതി വർധിപ്പിക്കാൻ കാരണമായെന്നും വരുംമാസങ്ങളിൽ ഇത് ഇനിയും വർധിക്കുമെന്നും ബ്ലൂം ബെർഗ് റിപ്പോർട്ട് ചെയ്യുന്നു.

ഉൽപ്പാദനം കൂട്ടാൻ ഒപെക്

നവംബർ മുതൽ പ്രതിദിനം 1.37 ദശലക്ഷം ബാരൽ അസംസ്കൃത എണ്ണ ഉൽപാദനം (bpd) വർദ്ധിപ്പിക്കാൻ പദ്ധതിയിടുന്നതായി പെട്രോളിയം കയറ്റുമതി രാജ്യങ്ങളുടെ സംഘടന (OPEC) പ്രഖ്യാപിച്ചു. OPEC അംഗങ്ങളും റഷ്യയും മറ്റ് പങ്കാളി രാജ്യങ്ങളും ഉൾപ്പെടുന്ന സഖ്യം ഈ വർഷത്തെ മൊത്തത്തിലുള്ള ഉൽപാദന ലക്ഷ്യം 2.6 ദശലക്ഷം ബാരലിലധികം വർദ്ധിപ്പിച്ചു. ഇത് ആഗോള എണ്ണ ആവശ്യകതയുടെ ഏകദേശം 2.5% പ്രതിനിധീകരിക്കുന്നു. വർഷങ്ങളായി ഉൽപ്പാദനം വെട്ടിക്കുറച്ചതിനു ശേഷമുള്ള ഒരു പ്രധാന നയമാറ്റമാണ് ഈ തീരുമാനം അടയാളപ്പെടുത്തുന്നത്.

യുഎസ് ഷെയ്ൽ ഓയിൽ ഉൽപ്പാദകരെപ്പോലുള്ള എതിരാളികളിൽ നിന്ന് വിപണി വിഹിതം തിരിച്ചുപിടിക്കുക എന്ന ലക്ഷ്യത്തോടെയാണ് പുതിയ തീരുമാനം. ഈ മാസം അവസാനം നടക്കാനിരിക്കുന്ന ഒപെകിന്‍റെ ഓൺലൈൻ മീറ്റിംഗിന് മുന്നോടിയായി ഉൽപ്പാദന വർദ്ധനവ് സംബന്ധിച്ച പ്രാഥമിക ധാരണയിലെത്തിയതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നുണ്ട്.

ഇന്ത്യയ്ക്ക് എങ്ങനെ ഗുണം ചെയ്യും..?

എണ്ണ ഇറക്കുമതിയെ വളരെയധികം ആശ്രയിക്കുന്ന ഇന്ത്യയ്ക്ക് അന്താരാഷ്ട്ര വിപണിയിലെ അധിക വിതരണത്തിൽ നിന്ന് നേട്ടമുണ്ടാകും. ഉൽപ്പാദനം വർദ്ധിപ്പിക്കുന്നത് ആഗോള എണ്ണ വില സ്ഥിരപ്പെടുത്തും. ഇത് ആഭ്യന്തര പെട്രോൾ, ഡീസൽ വിലകളിൽ കുറവുണ്ടാക്കാൻ സാധ്യതയുണ്ട്. ഇന്ധനവില കുറയ്ക്കുന്നത് ഗതാഗത ചെലവ് കുറയ്ക്കാനും, പണപ്പെരുപ്പം നിയന്ത്രിക്കാനും, ഉപഭോക്താക്കളുടെ ഭാരം ലഘൂകരിക്കാനും സഹായിക്കും. എണ്ണ ഇറക്കുമതി ബില്ലുകളിലെ കുറവ് രൂപയെ ശക്തിപ്പെടുത്താനും. വിദേശനാണ്യ കരുതൽ ശേഖരം മെച്ചപ്പെടുത്താനും, സാമൂഹിക, അടിസ്ഥാന സൗകര്യ പദ്ധതികൾക്കുള്ള സർക്കാർ ഫണ്ടുകൾ സ്വതന്ത്രമാക്കാനും സഹായിക്കും.

ബ്രോക്കറേജ് വിലയിരുത്തൽ

രാജ്യാന്തര ക്രൂഡ് ഓയിൽ വില ബാരലിന് 2026ൽ 52 ഡോളറിലേക്ക് ഇടിയുമെന്നാണ് യുഎസ് എനർജി ഇൻഫർമേഷൻ അഡ്മിനിസ്ട്രേഷന്‍റെ (ഇഐഎ) പ്രവചനം. നിലവിൽ ബ്രെന്റ് ക്രൂഡ‍് വിലയുള്ളത് 65 ഡോളറിലാണ്. 2025ലെ ശരാശരി വില ഇതുവരെ 71 ഡോളറുമാണ്. 2024-ൽ ഇത് 80 ഡോളറായിരുന്നു. യുഎസ് ധനകാര്യ സ്ഥാപനമായ ഗോൾഡ്മാൻ സാക്സ് അടുത്തവർഷം വില 56 ഡോളറിലേക്ക് താഴുമെന്ന പ്രവചനവുമായും രംഗത്തെത്തി. മറ്റൊരു ധനകാര്യ ബ്രോക്കറേജ് സ്ഥാപനമായ
ജെപി മോർഗനും എണ്ണ വില കുറയും എന്നുതന്നെയാണ് വിലയിരുത്തുന്നത്. 58 ഡോളറിലേക്ക് ക്രൂഡ് ഓയിൽ വില കുറയുമെന്നാണ് പ്രവചനം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.