കയ്യിൽ 10,246 രൂപയുണ്ടോ, പുതിയ കാർ വീട്ടിലെത്തും, കുറഞ്ഞ പലിശ നിരക്കിൽ കാർ ലോൺ നൽകുന്ന 7 ബാങ്കുകൾ

സ്വന്തമായി ഒരു വാഹനം വാങ്ങുക എന്നത് എല്ലാവരുടേയും ലക്ഷ്യങ്ങളിൽ ഒന്നാണ്. പലരുടേയും സ്വപ്ന വാഹനം കാറുകളാണ്. അല്ലെങ്കിലും 3-ൽ കൂടുതൽ അംഗങ്ങളുള്ള കുടുംബത്തിന് യാത്ര ചെയ്യാൻ നല്ലത് കാർ തന്നെയാണ്. പുതിയ കാർ വാങ്ങാൻ പ്രത്യേക നിക്ഷേപ പദ്ധതിയില്ലാത്ത ആളുകൾ ബാങ്കുകളിൽ നിന്നും കാർ ലോൺ എടുക്കുകയാണ് പതിവ്. നിരവധി ബാങ്കുകൾ ഇപ്പോൾ സീറോ-ഡൗൺ പേയ്‌മെൻ്റ് കാർ ലോണുകൾ വാഗ്ദാനം ചെയ്യുന്നുണ്ട്.

പലിശ നിരക്കുകൾ, പ്രോസസിംഗ് ഫീകൾ, കാർ ലോണുകളുമായി ബന്ധപ്പെട്ട മറ്റ് നിരക്കുകൾ എന്നിവ മനസ്സിലാക്കുന്നതിലൂടെ ഏറ്റവും മികച്ച കാർ ലോണുകൾ നൽകുന്ന ബാങ്ക് ഏതാണെന്ന് കണ്ടെത്താൻ സാധിക്കും. മുൻനിര ബാങ്കുകൾ നൽകുന്ന ഏറ്റവും പുതിയ കാർ ലോൺ പലിശ നിരക്കുകളുടെ ലിസ്റ്റ് നമുക്ക് നോക്കാം.

1. യുകോ ബാങ്ക്

8.45 ശതമാനം പലിശ നിരക്കിലാണ് യുകോ ബാങ്ക് കാർ ലോണുകൾ നൽകുന്നത്. 10,246 രൂപ മുതൽ 10,759 രൂപ വരെയാണ് പ്രതിമാസ തിരിച്ചടവ് തുക. പ്രോസസിംഗ് ഫീസ് ഇല്ല എന്നത് നേട്ടമാണ്.

2. യൂണിയൻ ബാങ്ക് ഓഫ് ഇന്ത്യ

8.70 ശതമാനം പലിശയാണ് യൂണിയൻ ബാങ്ക് ഓഫ് ഇന്ത്യ കാർ ലോണുകൾക്ക് ഈടാക്കുന്ന പലിശ. 10307 രൂപ മുതൽ 10735 രൂപ വരെയാണ് ഇഎംഐ. അതോടൊപ്പം 1000 രൂപ പ്രോസസിംഗ് ഫീ നൽകേണ്ടി വരും.

3. കാനറ ബാങ്ക്

കനാറാ ബാങ്ക് 8.70 ശതമാനം മുതൽ 12.70 ശതമാനം വരെ നിരക്കിലാണ് കാർ ലോണുകൾ നൽകുന്നത്. പ്രതിമാസ തിരിച്ചടവ് തുക 10,307 - 11,300 രൂപയാണ്. 0.25 ശതമാനം പ്രോസസിംഗ് ഫീ നൽകണം.

4. പഞ്ചാബ് നാഷണൽ ബാങ്ക്

8.75 - 10.60 ശതമാനം പലിശ നിരക്കാണ് പഞ്ചാബ് നാഷണൽ ബാങ്ക് കാർ ലോണുകൾക്ക് ഈടാക്കുന്നത്. 10,319 - 10,772 രൂപയാണ് ഇഎംഐ തുക. പരമാവധി 1500 രൂപ വരെയാണ് പ്രോസസിംഗ് ഫീ.

5. സ്റ്റേറ്റ് ബാങ്ക് ഓഫ് ഇന്ത്യ

എസ്ബിഐ കാർ ലോണുകൾ നൽകുന്നത്. 8.75 - 9.80 ശതമാനം പലിശ നിരക്കിലാണ്. 10,319 - 10,554 രൂപയാണ് ഇഎംഐ. 1,500 വരെ പ്രോസസിംഗ് ഫീ ഈടാക്കും.

6. സൗത്ത് ഇന്ത്യൻ ബാങ്ക്

8.75 ശതമാനം മുതലാണ് സൗത്ത് ഇന്ത്യൻ ബാങ്ക് കാർ ലോണുകൾ നൽകുന്നത്. 10319 രൂപ മുതലാണ് തിരിച്ചടവ് തുക. 10000 രൂപ വരെ പ്രോസസിംഗ് ഫീ ഈടാക്കും.

7. ഐഡിബിഐ ബാങ്ക്

ഐഡിബിഐ ബാങ്ക് കാർ ലോണുകൾക്ക് ഈടാക്കുന്ന പലിശ 8.80 ശതമാനം മുതൽ 9.60 ശതമാനം വരെയാണ്. 10,331 - 10,525 വരെയാണ് പ്രതിമാസ തിരിച്ചടവ്. 2,500 രൂപയാണ് പ്രോസസിംഗ് ഫീ.

ക്രെഡിറ്റ് സ്കോർ പ്രധാനം

പല ബാങ്കുകളും കാർ ലോൺ പലിശ ഈടാക്കുന്നത് ക്രെഡിറ്റ് സ്കോറിന്‍റെ അടിസ്ഥാനത്തിലാണ്. മികച്ച ക്രെഡിറ്റ് സ്കോർ ഉള്ള വ്യക്തിക്ക് 0.25 ശതമാനം വരെ പലിശ നിരക്കിൽ ഇളവ് ബാങ്കുകൾ വാഗ്ദാനം ചെയ്യുന്നു. അതോടൊപ്പം പ്രോസസ്സിംഗ് ഫീസിലും ഇളവുകൾ നേടാം. അതോടൊപ്പം ലോൺ കാലയളവും പലിശ നിരക്കുകളെ ബാധിക്കും. ദൈർഘ്യമേറിയ കാലയളവുകൾക്ക് സാധാരണയായി ഉയർന്ന റിസ്ക് കാരണം ഉയർന്ന പലിശ നൽകേണ്ടി വരും.

ഒരു പ്രശസ്ത കമ്പനിയിലെ തൊഴിൽ മികച്ച വായ്പാ സാഹചര്യങ്ങളിലേക്ക് നയിച്ചേക്കാം. കൂടാതെ ഒരു വലിയ ഡൗൺ പേയ്‌മെൻ്റ് കുറഞ്ഞ പലിശ നിരക്കുകൾ ചർച്ച ചെയ്യാൻ സഹായിക്കും. ഒരു സഹ-അപേക്ഷകനെ ചേർക്കുന്നത് തിരിച്ചടവ് സാധ്യത വർദ്ധിപ്പിക്കാനും കുറഞ്ഞ നിരക്കുകൾ സുരക്ഷിതമാക്കാനും കഴിയും.