പ്രധാനമന്ത്രി ഇ-വിദ്യാ പദ്ധതിക്ക് തുടക്കം; ഒന്ന് മുതൽ 12 വരെ എല്ലാ ക്ലാസുകളിലും ടിവി

സാങ്കേതികവിദ്യാധിഷ്ഠിത വിദ്യാഭ്യാസത്തിൽ ശ്രദ്ധ കേന്ദ്രീകരിക്കുമെന്ന് കൊറോണ വൈറസ് പ്രതിസന്ധിയെ തുടർന്ന് സമ്പദ്‌വ്യവസ്ഥയെ ഉത്തേജിപ്പിക്കുന്നതിനായി പ്രധാനമന്ത്രി നരേന്ദ്ര മോദി പ്രഖ്യാപിച്ച 20 ലക്ഷം കോടി രൂപയുടെ സാമ്പത്തിക പാക്കേജിന്റെ അന്തിമഘട്ട പ്രഖ്യാപനം നടത്തുന്നതിനിടെ ധനമന്ത്രി പറഞ്ഞു. ഡിജിറ്റൽ, ഓൺലൈൻ വിദ്യാഭ്യാസത്തിന് പ്രോത്സാഹനം നൽകുന്ന പിഎം ഇ-വിദ്യ പദ്ധതി ഉടനടി ആരംഭിക്കുമെന്ന് മന്ത്രി വ്യക്തമാക്കി.

പ്രധാനമന്ത്രി ഇ-വിദ്യാ പദ്ധതിക്ക് തുടക്കം; ഒന്ന് മുതൽ 12 വരെ എല്ലാ ക്ലാസുകളിലും ടിവി

2020 മെയ് 30 നകം മികച്ച 100 സർവകലാശാലകൾക്ക് ഓൺ‌ലൈൻ കോഴ്‌സുകൾ സ്വയം ആരംഭിക്കാൻ അനുവാദമുണ്ടെന്നും സീതാരാമൻ പറഞ്ഞു. ഒന്ന് മുതൽ 12 വരെ എല്ലാ ക്ലാസുകളിലും ഒരു ടിവി വീതം നൽകുമെന്നും മന്ത്രി പ്രഖ്യാപിച്ചു. ഇന്ത്യയിൽ ഓൺലൈൻ വിദ്യാഭ്യാസം നിലവിലെ സാഹചര്യത്തിൽ വലിയ തോതിൽ ഏറ്റെടുക്കപ്പെട്ടിട്ടുണ്ടെന്നും ധനമന്ത്രി അഭിപ്രായപ്പെട്ടു. സ്വയാം പ്രഭാ ഡിടിഎച്ച് ചാനലുകൾ ഇന്റർനെറ്റ് ലഭ്യമല്ലാത്തവരെ പിന്തുണയ്ക്കുമെന്നും 12 ചാനലുകൾ കൂടി പുതുതായി ആരംഭിക്കുമെന്നും ധനമന്ത്രി പറഞ്ഞു.