നിങ്ങളുടെ അക്കൌണ്ടിൽ പ്രധാനമന്ത്രിയുടെ 2000 രൂപ ലഭിച്ചോ? കിട്ടിയില്ലെങ്കിൽ ഈ നമ്പറുകളിൽ വിളിക്കാം

പ്രധാൻ മന്ത്രി കിസാൻ സമൻ നിധി (പിഎം-കിസാൻ) പദ്ധതി ആറാം ഗഡുവായി 17,100 കോടി രൂപ പ്രധാനമന്ത്രി ഇന്നലെ 8.55 കോടിയിലധികം കർഷകരുടെ അക്കൌണ്ടുകളിലേയ്ക്ക് അയച്ചു. പി‌എം കിസാൻ പദ്ധതി പ്രകാരം 14 കോടി കർഷകർക്ക് പ്രതിവർഷം 6,000 രൂപ വീചം മൂന്ന് തുല്യ ഗഡുക്കളായാണ് സർക്കാർ നൽകുന്നത്.

ഈ വർഷം

ഈ വർഷം 14 കോടി കർഷകരെ ഈ പദ്ധതിയിൽ ഉൾപ്പെടുത്താനാണ് സർക്കാർ ലക്ഷ്യമിട്ടിരിക്കുന്നത്. അതിനാൽ, പ്രധാനമന്ത്രി-കിസാൻ യോജനയ്ക്ക് അപേക്ഷിക്കാൻ ആഗ്രഹിക്കുന്നവർക്ക് കൂടുതൽ കാലതാമസമില്ലാതെ രജിസ്റ്റർ ചെയ്യാം. രജിസ്ട്രേഷനായി നിങ്ങൾക്ക് പ്രധാനമന്ത്രി സമ്മാൻ നിധി യോജനയുടെ ഔദ്യോഗിക വെബ്സൈറ്റ് ( https://pmkisan.gov.in/) സന്ദർശിക്കാം.

പരാതി നൽകാം

പി‌എം-കിസാൻ‌ പദ്ധതിക്കായി അപേക്ഷിച്ച കർഷകർ‌ക്ക് ആറാം ഗഡു ലഭിച്ചില്ലെങ്കിൽ‌, പരാതി നൽകാൻ സർക്കാ ഹെൽ‌പ്ലൈൻ‌ നമ്പറുകളും നൽകിയിട്ടുണ്ട്. ‌ പിഎം-കിസാൻ ഹെൽപ്പ്ലൈൻ - 155261 അല്ലെങ്കിൽ ടോൾ ഫ്രീ നമ്പറായ 1800115526 ലേയ്ക്ക് വിളിക്കാം. ഇതിനുപുറമെ, നിങ്ങൾക്ക് കാർഷിക മന്ത്രാലയത്തിന്റെ ഈ നമ്പറുമായി (011-23381092) ബന്ധപ്പെടാം. ജില്ലാ അഗ്രികൾച്ചർ ഓഫീസറുമായോ അക്കൗണ്ടന്റുമായോ ബന്ധപ്പെടാം. അല്ലെങ്കിൽ - pmkisan-ict [at] gov [dot] in എന്നതിലേക്ക് ഇമെയിൽ ചെയ്യാം.

പിഎം കിസാൻ ലിസ്റ്റിൽ നിങ്ങളുടെ പേര് എങ്ങനെ പരിശോധിക്കാം?

• പുതിയ ലിസ്റ്റിൽ നിങ്ങളുടെ പേര് പരിശോധിക്കണമെങ്കിൽ, നിങ്ങൾ ആദ്യം ഔദ്യോഗിക വെബ്‌സൈറ്റായ https://pmkisan.gov.in/ എന്നതിലേക്ക് പോകുക.
• ഹോം പേജിലെ മെനു ബാർ നോക്കി ഫാർമേഴ്സ് കോർണർ ഓപ്ഷൻ തിരഞ്ഞെടുക്കുക.
• ഇതിനുശേഷം, ഗുണഭോക്തൃ പട്ടികയുടെ ലിങ്കിൽ ക്ലിക്കുചെയ്യുക.
• ഇപ്പോൾ നിങ്ങളുടെ സംസ്ഥാനം, ജില്ല, ഉപജില്ല, ബ്ലോക്ക്, ഗ്രാമ വിശദാംശങ്ങൾ നൽകുക. ഇത് പൂരിപ്പിച്ച ശേഷം, Get Report ക്ലിക്കുചെയ്‌ത് പൂർണ്ണമായ ലിസ്റ്റ് നേടുക.

ക‍ർഷക‍ർക്ക് നേട്ടം

9.9 കോടിയിലധികം കർഷകർക്ക് ഇതുവരെ 75,000 കോടി രൂപ ലഭിച്ചു കഴിഞ്ഞു. ഇത് അവരുടെ കാർഷിക ആവശ്യങ്ങൾ നിറവേറ്റാനും അവരുടെ കുടുംബത്തെ സഹായിക്കാനും പ്രാപ്തമാക്കി. കൃഷിക്കാർക്ക് ഫണ്ടുകൾ ആധാർ ഗുണഭോക്താക്കളുടെ ബാങ്ക് അക്കൗണ്ടിലേക്ക് നേരിട്ട് കൈമാറുന്നതിലൂടെ സമാനതകളില്ലാത്ത വേഗതയിലാണ് പിഎം-കിസാൻ പദ്ധതി നടപ്പാക്കുന്നത്. കൊവിഡ് -19 മഹാമാരി സമയത്ത് കർഷകരെ സഹായിക്കുന്നതിനും ഈ പദ്ധതി നിർണായകമാണ്.