Pooja Bumper 2025: പൂജാ ബമ്പർ ടിക്കറ്റ് എടുത്തില്ലേ? 12 കോടി സ്വന്തമാക്കാൻ ഇനി വെറും 6 ദിവസം മാത്രം ബാക്കി

കേരളം ഭാ​ഗ്യ പരീക്ഷണത്തിന് ഒരുങ്ങുന്നു. അടുത്ത ബമ്പർ സമ്മാനം കൈപ്പറ്റാൻ നിങ്ങൾ റെഡിയാണോ? എങ്കിൽ കാത്തിരിക്കാം, ഈ വർഷത്തെ പൂജാ ബമ്പർ നറുക്കെടുപ്പിന് ഇനി വെറും ദിവസങ്ങൾ മാത്രം. ടിക്കറ്റ് ഇനിയും എടുക്കാത്തവരുണ്ടോ? മറക്കല്ലേ, നവംബർ 22ന് ഉച്ചയോടെ പൂജാ ബമ്പർ BR 106 ലോട്ടറിയുടെ റിസൾട്ട് പ്രഖ്യാപിക്കും. അതിനു മുന്നേ തന്നെ ടിക്കറ്റ് സ്വന്തമാക്കൂ. 12 കോടിയാണ് ഒന്നാം സമ്മാനം. ഈ ഭാ​ഗ്യം നഷ്ടപ്പെടുത്തരുത്.

മുൻ വർഷത്തെ അപേക്ഷിച്ച് ഇത്തവണ വിൽപ്പനയിൽ അൽപം പുറകിലാണ് പൂജാ ബമ്പർ. അതിനു കാരണം ലോട്ടറിക്കുമേൽ ജിഎസ്ടിയുടെ ആഘാതം വന്നതാണ്. ഇത് വിൽപ്പനക്കാർക്കിടയിലും ഏജൻ്റുമാർക്കിടയിലും പ്രതിസന്ധി സൃഷ്ടിക്കുന്നു. ഈ കാരണങ്ങളാണ് പൂജാ ബമ്പറിൻ്റെ വിൽപ്പനക്ക് തടസ്സമായത്. എങ്കിലും നറുക്കെടുപ്പിനായി കേരളം ആകാംഷയോടെ കാത്തിരിക്കുന്നുണ്ട്.

300 രൂപയാണ് പൂജാ ബമ്പർ ലോട്ടറി ടിക്കറ്റ് വില. 300 രൂപ ചിലവാക്കിയാൽ 12 കോടി ബമ്പറടിക്കുന്നത് നിങ്ങൾക്കായിരിക്കും. നിരവധി സാമ്പത്തിക ലക്ഷ്യങ്ങളുമായി കാത്തിരിക്കുന്ന സാധാരണക്കാർക്ക് തീർച്ചയായും ഇത്തരം ബമ്പർ ലോട്ടറി ഒരു വലിയ ആശ്വാസമായിരിക്കും. കഴിഞ്ഞ വർഷം കായംകുളത്ത് നിന്നും വിൽപ്പന നടന്ന JC 325526 എന്ന നമ്പറിനാണ് ബമ്പറടിച്ചത്. കൊല്ലം കരുനാഗപ്പള്ളി സ്വദേശിയായ ദിനേശ് കുമാറിനായിരുന്നു 12 കോടിയുടെ ഭാ​ഗ്യം തെളിഞ്ഞത്.

സമ്മാനഘടന അറിയാം

പൂജാ ബമ്പര്‍ BR106 ലോട്ടറിയുടെ ഒന്നാം സമ്മാനം 12 കോടി. രണ്ടാം സമ്മാനം അഞ്ച് പരമ്പരകൾക്ക് ഒരു കോടി വീതം. മൂന്നാം സമ്മാനം ഓരോ പരമ്പരകൾക്കും രണ്ടു വീതം പത്ത് പേർക്ക് 5 ലക്ഷം രൂപ. അഞ്ച് പരമ്പരകൾക്ക് 3 ലക്ഷം വീതം നാലാം സമ്മാനവും, അഞ്ച് പരമ്പരകൾക്ക് 2 ലക്ഷം വീതം അഞ്ചാം സമ്മാനവും നേടാം. ആറാം സമ്മാനം മുതൽ 5000, 1000, 500, 300 രൂപ വീതം ഉറപ്പാക്കാം. ഇതെല്ലാം പ്രോത്സാഹന സമ്മാനങ്ങളാണ്. ഇതിനു പുറമേ സമാശ്വാസ സമ്മാനമായി ലഭിക്കുന്നത് 4 പേർക്ക് 1 ലക്ഷം രൂപ വീതമാണ്.

ഭാ​ഗ്യം ആർക്കായിരിക്കും?

പൂജാ ബമ്പറിൻ്റെ 12 കോടി അടിക്കുന്നത് ഒരു മലയാളിക്ക് തന്നെയായിരിക്കും എന്ന പ്രതീക്ഷയിലാണ് എല്ലാവരും. കഴിഞ്ഞ വർഷത്തേതു പോലെ ഈ വർഷവും കൊല്ലത്തേക്ക് ബമ്പർ കൊണ്ടു പോവുമോ? അതോ വിൽപ്പനയിൽ മത്സരിക്കുന്ന പാലക്കാട് ജില്ലയിലേക്ക് ഭാ​ഗ്യം എത്തുമോ? നവംബർ 22ന് ഉച്ചക്ക് 2 മണിക്ക് തിരുവനന്തപുരം ബേക്കറി ജം​ങ്ഷനു സമീപമുള്ള ​ഗോർക്കി ഭവനിൽ വെച്ചാണ് ഭാ​ഗ്യനമ്പറുകൾ കണ്ടെത്തുന്നത്. ഉച്ചക്ക് 1 മണി വരെ ടിക്കറ്റ് വിൽപ്പന നടക്കും. അതിനു മുന്നേ തന്നെ ടിക്കറ്റുകൾ കൈപ്പറ്റാൻ മറക്കണ്ട.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.