വാലന്റൈന്‍സ് വാരത്തിന്റെ രണ്ടാം ദിനം: ഫെബ്രുവരി 8-ന് 'പ്രൊപ്പോസ് ഡേ'

വാലന്റൈന്‍സ് വാരത്തിന്റെ രണ്ടാം ദിനമായ ഫെബ്രുവരി 8 'പ്രൊപ്പോസ് ഡേ' യാണ്. പ്രണയാഭ്യര്‍ത്ഥനകള്‍ക്കായി ഒരു ദിവസം. പ്രണയം പങ്കുവയ്ക്കാനുള്ളതാണ് എന്ന സന്ദേശം പ്രസരിപ്പിക്കുന്ന ദിവസം.

പ്രൊപ്പോസ് ദിനത്തെക്കുറിച്ചറിയേണ്ടതെല്ലാം
പ്രണയം തുറന്നുപറയാനുള്ള ഒരു ദിനമെന്ന ആശയം പാശ്ചാത്യരുടേതാണ്. വിവാഹഭ്യര്‍ത്ഥനകളും പ്രണയാഭ്യര്‍ത്ഥനങ്ങളും ഒരു ചടങ്ങായി അവര്‍ കൊണ്ടാടുന്നു. കാലക്രമേണ ഈ ദിനത്തിന് ഇന്ത്യയിലും പ്രചാരം കൈവന്നു. ഷോപ്പിംഗ് മാളുകളും കഫേകളും പ്രോപ്പോസ് ദിവസത്തോടനുബന്ധിച്ച് പ്രത്യേക പരിപാടികള്‍ ഒരുക്കി. 

20-ാം നൂറ്റാണ്ടിന്റെ അവസാനമാണ് വാലന്റൈന്‍സ് ദിനാഘോഷം യൂറോപ്പിലും അമേരിക്കയിലും പ്രചാരത്തിലാകുന്നത്. 90 കളുടെ അവസാനത്തിലും 2000 ത്തിന്റെ തുടക്കത്തിലും അത് ഇന്ത്യയിലും ജനകീയമായി.

പ്രധാന്യം
പ്രണയാഭ്യര്‍ത്ഥനകള്‍ക്കും വിവാഹാഭ്യര്‍ത്ഥനകള്‍ക്കും യോജിച്ച ദിനമാണ് പ്രപ്പോസ് ദിനം. പാശ്ചാത്യ ഡേറ്റിംഗ് സംസ്‌ക്കാരവും ജനപ്രിയ ടെലിവിഷന്‍ ഷോകളും ഈ ദിനം പ്രചാരത്തിലാകാന്‍ കാരണമായി.യുവജനങ്ങള്‍ക്ക് മാത്രമല്ല, പരസ്പരം കരുതലെടുക്കാന്‍ മറന്നുപോകുന്നവര്‍ക്ക് പ്രണയം തിരിച്ചുപിടിക്കാനുള്ള ഒരു അവസരം കൂടിയാണിത്.

വാലന്റൈന്‍സ് വാരം സജീവമാണ്. റോസ് ഡേയുടെ മധുരത്തിന് ശേഷം, പ്രൊപ്പോസ് ഡേയില്‍ സന്ദേശങ്ങള്‍ കൈമാറുകയാണ് യുവജനങ്ങള്‍.സോഷ്യല്‍ മീഡിയയില്‍ ഇത്തരം സന്ദേശങ്ങള്‍ വൈറലാണ്.

പല ഡേറ്റിംഗ് ആപ്പുകളും പോര്‍ട്ടലുകളും പ്രണയാര്‍ദ്രമായ സന്ദേശങ്ങളും പ്രോംപ്റ്റുകളും ഷെയര്‍ ചെയ്യുന്നു. ഷോപ്പിംഗ് മാളുകളും കഫേകളും വ്യത്യസ്ത പ്രോഗ്രാമുകള്‍ സംഘടിപ്പിക്കുന്നുമുണ്ട്.