7% ഉയർന്നു, കൊച്ചിൻ ഷിപ്പ്‌യാർഡ് ഓഹരികൾ രണ്ടാം ദിനവും ശക്തമായ മുന്നേറ്റത്തിൽ: ഇന്ന് ഹ്രസ്വകാല കുതിപ്പാണോ?

കൊച്ചിൻ ഷിപ്പ്‌യാർഡിന്റെ ഓഹരികൾ തുടർച്ചയായ രണ്ടാം സെഷനിലും കുതിച്ചുയരുന്നു. ഇന്ന് രാവിലെ ഏകദേശം 7% ഉയർന്ന് 2,175 രൂപയിലെത്തി. എന്നാൽ ഇപ്പോൾ ഓഹരി വില 2.82 ശതമാനം ഉയർന്ന് 2,092 രൂപയിലെത്തി. നേരിയ ഇടിവുണ്ടായെങ്കിലും ഓഹരികൾ പോസിറ്റീവ് നേട്ടത്തിൽ തന്നെയാണ് വ്യാപാരം തുടരുന്നത്. അതിനാൽ ഇന്ന് ഈ ഓഹരികൾ വാങ്ങുന്നോ?

കപ്പൽ അറ്റകുറ്റപ്പണികളും ഓഫ്‌ഷോർ നിർമ്മാണ ശേഷികളും വർദ്ധിപ്പിക്കുന്നതിനായി കൊച്ചിൻ ഷിപ്പ്‌യാർഡ് ഈയിടെ ഡ്രൈഡോക്സ് വേൾഡുമായി പങ്കാളിത്തത്തിലേർപ്പെട്ടു. ആഭ്യന്തര, അന്തർദേശീയ കപ്പലുകൾക്കായി ലോകോത്തര കപ്പൽ അറ്റകുറ്റപ്പണി വികസിപ്പിക്കുക എന്നതാണ് ഈ പങ്കാളിത്തത്തിന്റെ ലക്ഷ്യം.

കൊച്ചിൻ ഷിപ്പ്‌യാർഡിന്റെ നാലാം പാദ വരുമാനം

സർക്കാർ ഉടമസ്ഥതയിലുള്ള പ്രതിരോധ കമ്പനിയായ കൊച്ചിൻ ഷിപ്പ്‌യാർഡിന്റെ 2025 സാമ്പത്തിക വർഷത്തെ നാലാം പാദ വരുമാനങ്ങൾ നേരത്തെ പ്രഖ്യാപിച്ചിരുന്നു. ഈ കണക്ക് അനുസരിച്ച് അറ്റാദായം മുൻ വർഷത്തെ അപേക്ഷിച്ച് 10.8 ശതമാനം ഉയർന്ന് 287 കോടി രൂപയായി. നാലാം പാദത്തിലെ വരുമാനം മുൻ വർഷത്തെ അപേക്ഷിച്ച് 37 ശതമാനം വർദ്ധിച്ച് 1,758 കോടി രൂപയായി ഉയർന്നിട്ടുണ്ട്.

എന്നാൽ EBITDA 7.6 ശതമാനം ഇടിഞ്ഞ് 266 കോടി രൂപയായി. മാർജിനുകൾ 730 ബേസിസ് പോയിന്റുകൾ കുറഞ്ഞ് 15.10 ശതമാനവുമായി. കഴിഞ്ഞ വർഷം ഇത് 22.40 ശതമാനമായിരുന്നു.

കൊച്ചിൻ ഷിപ്പ്‌യാർഡ് ഓഹരി വില ലക്ഷ്യം

2,460 രൂപ വരെ കൊച്ചിൻ ഷിപ്പ്‌യാർഡിന്റെ ഓഹരി വില ഉയർന്നേക്കാം എന്നാണ് വിപണി വിദഗ്ധർ വ്യക്തമാക്കുന്നത്. അതേസമയം 2,080-2,050 രൂപ എന്ന നിരക്കിൽ വില ഇടിയാനും സാധ്യതയുണ്ട്.

ദൈനംദിന ചാർട്ടുകളിൽ ഈ ഓഹരി ശക്തമായി കുതിക്കുമെന്നും ഉടൻ തന്നെ 2,250 രൂപയിലെത്താൻ സാധ്യതയുണ്ടെന്നും റെലിഗെയർ ബ്രോക്കിംഗിലെ റീട്ടെയിൽ റിസർച്ച് സീനിയർ വൈസ് പ്രസിഡന്റ് രവി സിംഗ് അഭിപ്രായപ്പെട്ടു. 2,080 രൂപയുടെ സ്റ്റോപ്പ് ലോസ് നിലനിർത്തുന്നുവെന്നാണ് അദ്ദേഹം വ്യക്തമാക്കിയത്.

കൊച്ചിൻ ഷിപ്പ്‌യാർഡ് ഓഹരികൾ 2,050 രൂപ വരെ എത്താൻ സാധ്യതയുണ്ടെന്നാണ് ആനന്ദ് രതിയിലെ സീനിയർ മാനേജരും ടെക്നിക്കൽ റിസർച്ച് അനലിസ്റ്റുമായ ജിഗർ എസ് പട്ടേൽ പറയുന്നത്. എന്നാൽ 2,200 രൂപയ്ക്ക് മുകളിലുള്ള നിർണായക ബ്രേക്ക്ഔട്ട് 2,300 രൂപയിലേക്ക് കുതിക്കാനുള്ള സാധ്യത കൂടുതലാണെന്ന് അദ്ദേഹം കൂട്ടിച്ചേർത്തു. ഹ്രസ്വകാലത്തേക്ക് ഈ ഓഹരികൾ 2,050 രൂപ മുതൽ 2,300 രൂപ വരെ വ്യാപാരം നടത്തുമെന്ന് അദ്ദേഹം പ്രതീക്ഷിക്കുന്നു.

കൊച്ചിൻ ഷിപ്പ്‌യാർഡ് വളർച്ച

കൊച്ചിൻ ഷിപ്പ്‌യാർഡ് ഓഹരികൾ നിലവിൽ അവയുടെ 5-ദിവസം, 10-ദിവസം, 20-ദിവസം, 30-ദിവസം, 50-ദിവസം, 100-ദിവസം, 150-ദിവസം, 200-ദിവസം എന്നീ സിമ്പിൾ മൂവിംഗ് ആവറേജുകൾക്ക് (SMA-കൾ) മുകളിലാണ് വ്യാപാരം പൂർത്തിയാക്കുന്നത്. ഇത് ഒരു പോസിറ്റീവ് ട്രെൻഡിനെ സൂചിപ്പിക്കുന്നു. അതിനാൽ തന്നെ ഓഹരികൾ വാങ്ങിക്കൂട്ടിയാൽ നേട്ടം ഉറപ്പാക്കാം.

കഴിഞ്ഞ രണ്ട് വർഷത്തിനിടെ കൊച്ചിൻ ഷിപ്പ്‌യാർഡ് ഓഹരികൾ ഏകദേശം 737 ശതമാനം കുതിച്ചു. കഴിഞ്ഞ മൂന്ന് വർഷത്തിനിടെ 1,178 ശതമാനവും, അഞ്ച് വർഷത്തിനിടെ 1,649 ശതമാനവും നേട്ടം കൈവരിക്കാൻ ഈ ഓഹരികൾക്ക് സാധിച്ചിട്ടുണ്ട്. കൊച്ചിൻ ഷിപ്പ്‌യാർഡിന് നിലവിൽ 55,272 കോടി രൂപയുടെ വിപണി മൂലധനമുണ്ട്.

2025 മാർച്ച് 31 ലെ കണക്കനുസരിച്ച് കമ്പനിയുടെ 67.9 ശതമാനം ഓഹരിയും സർക്കാരിൻ്റെ കൈവശമാണുള്ളത്. അതേസമയം വിദേശ സ്ഥാപന നിക്ഷേപകർ (FII) 2.9 ശതമാനവും, മ്യൂച്വൽ ഫണ്ടുകൾ 3.4 ശതമാനവും, പൊതുജനങ്ങളുടെ കൈവശം 22.4 ശതമാനവും എന്ന കണക്കിലാണ് ഓഹരികളുള്ളത്.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.