ഭാഗ്യ ദേവതയുടെ കടാക്ഷം, പച്ചക്കറി വിൽപ്പനക്കാരന് കിട്ടിയത് 11 കോടി, ലോട്ടറി വാങ്ങിയത് പണം കടം വാങ്ങി

ഒരാളുടെ ജീവിതം മാറി മറിയാൻ ഒരു നിമിഷം മതി. ഭാഗ്യദേവത കടാക്ഷിച്ചാൽ ഒരു നിമിഷം കൊണ്ട് കോടികൾ കയ്യിലെത്തും. കേരളത്തിൽ തന്നെ എല്ലാ ദിവസവും ഒരു കോടീശ്വരൻ ഉണ്ടാകുന്നുണ്ട്. കേരളാ ലോട്ടറിയുടെ നറുക്കെടുപ്പ് വഴി. ഇത്തവണ ഓണം ബമ്പർ ലോട്ടറിയുടെ ഒന്നാം സമ്മാനം ലഭിച്ച ആലപ്പുഴ തുറവൂർ സ്വദേശി ശരത് എസ് നായരെ ആരും മറന്നിട്ടുണ്ടാകില്ല. ഒറ്റ നിമിഷത്തിൽ 12 കോടിയാണ് കയ്യിലെത്തിയത്. കേരളത്തിൽ മാത്രമല്ല ലോട്ടറിയുള്ളത്. രാജ്യത്തെ വിവിധ സംസ്ഥാനങ്ങളിലും ലോട്ടറി നറുക്കെടുപ്പുകളുണ്ട്.

അമിതും ലോട്ടറിയും

ഇനി പറയാൻ പോകുന്നത് 11 കോടി കയ്യിലെത്തിയ ഒരു പച്ചക്കറി വിൽപ്പനക്കാരന്‍റെ ജിവിതത്തെ കുറിച്ചാണ്. ഒറ്റ നിമിഷം കൊണ്ട് ജീവിതം മാറിമറിഞ്ഞ സാധാരണക്കാരന്‍റെ ജീവിതം. കഥ നടക്കുന്നത് അങ്ങ് രാജസ്ഥാനിലാണ്. ജ​യ്പുർ കോ​ട്പു​ട്‌ലി​യി​ലെ വഴിയോരക്കച്ചവടക്കാരനാണ് അമിത്. പച്ചക്കറി വാങ്ങാൻ അമിത് പഞ്ചാബിലേക്ക് പോയി. സു​ഹൃ​ത്തായ മുകേഷിൽ​ നി​ന്നും പണം കടം വാങ്ങിയാണ് പഞ്ചാബിലേക്ക് അമിത് പുറപ്പെട്ടത്. പച്ചക്കറി വാങ്ങി വരും വഴി പ​ഞ്ചാ​ബ് സം​സ്ഥാ​ന ലോ​ട്ട​റി​യു​ടെ "ദീ​പാ​വ​ലി ബ​മ്പ​ർ 2025'ലോട്ടറിയുടെ 2 ടിക്കറ്റ് എടുത്തു. ഭാഗ്യം കടാക്ഷിച്ചാലോ എന്ന് പ്രതീക്ഷിച്ചാണ് ലോട്ടറി എടുത്തത്.

കയ്യിലെത്തിയത് 11 കോടി

ദീ​പാ​വ​ലി ബ​മ്പ​ർ 2025 ലോട്ടറിയുടെ റിസൾട്ട് വന്നപ്പോൾ അമിതിന്‍റെ ജീവിതം മാറി മറിഞ്ഞു. ഒന്നാം സമ്മാനമായ 11 കോടി അമിതിന് തന്നെ. അവിടേയും സന്തോഷം തീർന്നില്ല. അദ്ദേഹം എടുത്ത രണ്ടാമത്തെ ടിക്കറ്റിന് 1000 രൂപയും സമ്മാനം ലഭിച്ചു. ഹനുമാന്റെ ഭക്തനാണെന്ന് സ്വയം വിശേഷിപ്പിക്കുന്ന അമിത് തന്‍റെ ജീവിതം പൂർണ്ണമായും മാറിയെന്ന് പറഞ്ഞു. "എനിക്ക് സന്തോഷം പറഞ്ഞറിയിക്കാൻ കഴിയില്ല. പഞ്ചാബ് സർക്കാരിനും ലോട്ടറി ഏജൻസിക്കും ഞാൻ നന്ദി പറയുന്നു. എന്‍റെ എല്ലാ സങ്കടങ്ങളും ഇന്ന് അപ്രത്യക്ഷമായി," അദ്ദേഹം എഎൻഐയോട് പറഞ്ഞു.

സു​ഹൃ​ത്തിന് 1 കോടി നൽകും

കുട്ടികളുടെ വിദ്യാഭ്യാസത്തിനും വീട് പണിയുന്നതിനുമായി പണം ഉപയോഗിക്കാനാണ് അമിതിന്‍റെ തീരുമാനം. അതോടൊപ്പം ലോട്ടറി വാങ്ങാൻ പണം കടം തന്ന മുകേഷിന് 1 കോടി രൂപ നൽകുമെന്നും അദ്ദേഹം പറഞ്ഞു. "എനിക്ക് എന്റെ അമ്മയെ നഷ്ടപ്പെട്ടു, അതിനാൽ പെൺമക്കളുടെ വേദന എനിക്ക് മനസ്സിലാകും. എന്റെ സുഹൃത്തിന്റെ രണ്ട് പെൺമക്കൾക്ക് 50 ലക്ഷം രൂപ വീതം നൽകും. ബാക്കിയുള്ള തുക എന്റെ കുട്ടികളുടെ വിദ്യാഭ്യാസത്തിനും വീട് പണിയുന്നതിനുമായി ഉപയോഗിക്കും," അദ്ദേഹം കൂട്ടിച്ചേർത്തു.

ഔദ്യോഗിക സ്ഥിരീകരണം

ദീപാവലി ബമ്പർ നറുക്കെടുപ്പിൽ സെഹാര ഒന്നാം സമ്മാനം നേടിയതായി ലോട്ടറി ഏജൻസിയുടെ പ്രതിനിധി സ്ഥിരീകരിച്ചു. ബതിൻഡയിൽ നിന്നാണ് ടിക്കറ്റ് വാങ്ങിയത്. പരിശോധിച്ചുറപ്പിച്ചുകഴിഞ്ഞാൽ, തുക അദ്ദേഹത്തിന്റെ ബാങ്ക് അക്കൗണ്ടിലേക്ക് മാറ്റപ്പെടും. വിജയികൾ ക്ലെയിം സമർപ്പിക്കുന്നതിന് പണം നൽകേണ്ടതില്ല. ബാങ്ക് വിവരങ്ങൾ, വിലാസം, ഒറിജിനൽ ടിക്കറ്റ് എന്നിവ നൽകിയാൽ മതി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.