ഇൻസ്റ്റ​ഗ്രാമിൽ അക്കൗണ്ടുമായി രത്തൻ ടാറ്റ; ആദ്യപോസ്റ്റിന് വൻവരവേൽ‍പ്പ്

ഇൻസ്റ്റ​ഗ്രാമിൽ അക്കൗണ്ട് തുടങ്ങിയ രത്തൻ ടാറ്റയ്ക്ക് ലഭിച്ചത് വൻവരവേൽപ്പ്. പ്രമുഖ ഇന്ത്യൻ വ്യവസായിയായ രത്തൻ ടാറ്റ തന്റെ ചിത്രത്തോടൊപ്പം ചെറിയൊരു കുറിപ്പും പോസ്റ്റ് ചെയ്തിട്ടുണ്ട്. ഇന്റർ‌നെറ്റിൽ ബ്രേക്കിംങ് സൃഷ്ട്ടിക്കുന്നത് എനിയ്ക്ക് വശമില്ല , പക്ഷേ നിങ്ങൾക്കൊപ്പം ഇന്റർനെറ്റിൽ ചേരാനായതിൽ ഞാൻ സന്തോഷിക്കുന്നു .

ഏറെ നാളായി പൊതു ജീവിതത്തിൽ നിന്നും മാറിനിന്നിരുന്ന എനിയ്ക്ക് ഏറെ വൈവിധിയമായ ഈയിടത്തിൽ എന്തെങ്കിലും പ്രത്യേകമായി ചെയ്യുവാനോ , സ്റ്റോറികൾ സൃഷ്ട്ടിക്കാനോ ആ​ഗ്രഹമുണ്ട് എന്നാണ് അദ്ദേഹം ഇൻസ്റ്റ​ഗ്രാമിലെ കുറിപ്പിൽ വ്യക്തമാക്കിയത്.

എന്നാൽ തുടങ്ങി ഏതാനും മിനിറ്റുകൾ കൊണ്ടുതന്നെ രത്തൻ‌ ടാറ്റക്ക് ലഭിച്ച പ്രതികരണം ആരെയും അത്ഭുതപ്പെടുത്തുന്നതായിരുന്നു. ഏതാനും നിമിഷങ്ങൾക്കുള്ളിൽ തന്നെ 1000 ത്തോളം ലൈക്കുകളും അതിലേറെ കമന്റുകളും ലഭിക്കുകയുണ്ടായി. വെരിഫൈഡ് അക്കൗണ്ടാണ് അദ്ദഹത്തിന്റേത്. ഇന്ത്യൻ വ്യവസായ രം​ഗത്തെ അതികായനായ രത്തൻ ടാറ്റയുടെ ഇൻസ്റ്റ​ഗ്രാം വരവിനെ ആഘോഷമാക്കുകയാണ് ഇന്ന് ഇന്റർനെറ്റെന്ന് നിസംശയം പറയാം.