റിസര്‍വ് ബാങ്ക് പലിശ നിരക്കുകള്‍ കുറച്ചു, വായ്പ എടുത്തവര്‍ക്ക് ആശ്വാസം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

റിസര്‍വ് ബാങ്ക് റീപ്പോ നിരക്ക് കുറച്ചു. വെള്ളിയാഴ്ച്ച വിളിച്ചുച്ചേര്‍ത്ത വാര്‍ത്താസമ്മേളനത്തില്‍ റിസര്‍വ് ബാങ്ക് ഗവര്‍ണര്‍ ശക്തികാന്ത ദാസാണ് റീപ്പോ നിരക്ക് 0.40 ശതമാനം കുറച്ചതായി അറിയിച്ചത്. ഇതിന്‍പ്രകാരം റീപ്പോ നിരക്ക് 4.4 ശതമാനത്തില്‍ നിന്നും 4 ശതമാനമായി നിജപ്പെട്ടു. വാണിജ്യ ബാങ്കുകള്‍ക്ക് റിസര്‍വ് ബാങ്ക് നല്‍കുന്ന ഹ്രസ്വകാല വായ്പയുടെ പലിശ നിരക്കാണ് റീപ്പോ നിരക്ക്.

റിസര്‍വ് ബാങ്ക് പലിശ നിരക്കുകള്‍ കുറച്ചു, വായ്പ എടുത്തവര്‍ക്ക് ആശ്വാസം

 

നിരക്ക് കുറച്ചതോടെ വിവിധ വായ്പകളുടെ പലിശ നിരക്കുകള്‍ രാജ്യത്ത് കുറയും. ഭാവന, വാഹന വായ്പക്കാരെയാകും ഇതു കൂടുതല്‍ സഹായിക്കുക. റീപ്പോ നിരക്കിനൊപ്പം റിവേഴ്‌സ് റീപ്പോ നിരക്കും റിസര്‍വ് ബാങ്ക് കുറച്ചിട്ടുണ്ട്. 3.35 ശതമാനമാണ് പുതിയ റീവേഴ്‌സ് റീപ്പോ നിരക്ക്. നേരത്തെ ഇത് 3.75 ശതമാനമായിരുന്നു. വാണിജ്യ ബാങ്കുകളില്‍ നിന്ന് റിസര്‍വ് ബാങ്ക് സ്വീകരിക്കുന്ന നിക്ഷേപത്തിനുള്ള പലിശ നിരക്കാണ് റീവേഴ്‌സ് റീപ്പോ.

റിസര്‍വ് ബാങ്ക് പലിശ നിരക്കുകള്‍ കുറച്ചു, വായ്പ എടുത്തവര്‍ക്ക് ആശ്വാസം

കൊറോണ മഹാമാരി സമ്പദ്ഘടനയില്‍ വരുത്തിയ ആഘാതം വിലയിരുത്തിയ ശേഷമാണ് റിസര്‍വ് ബാങ്ക് ഗവര്‍ണര്‍ ശക്തികാന്ത ദാസിന്റെ നേതൃത്വത്തിലുള്ള ആറംഗ ധനനയ സമിതി റീപ്പോ, റീവേഴ്‌സ് റീപ്പോ നിരക്ക് കുറയ്ക്കാന്‍ തീരുമാനമെടുത്തത്. റീപ്പോ, റീവേഴ്‌സ് റീപ്പോ നിരക്കുകള്‍ക്ക് പുറമെ എംഎസ്എഫ് നിരക്ക് 4.25 ശതമാനമായും റിസര്‍വ് ബാങ്ക് കുറച്ചിട്ടുണ്ട്.

നടപ്പു സാമ്പത്തിക വര്‍ഷം അഞ്ചു ശതമാനം സാമ്പത്തിക വളര്‍ച്ച ഉണ്ടാകാനുള്ള സാധ്യത വിരളമെന്നാണ് പണനയ സമിതിയുടെ വിലയിരുത്തല്‍. കഴിഞ്ഞ സാമ്പത്തിക വര്‍ഷത്തിന്റെ അവസാനപാദം 4.7 ശതമാനം വളര്‍ച്ച സാധ്യമായതുകൊണ്ടാണ് മൊത്തം വര്‍ഷത്തേക്ക് അഞ്ചു ശതമാനം വളര്‍ച്ച പ്രതീക്ഷിച്ചിരുന്നത്. പക്ഷെ കൊറോണ മഹാമാരി വളര്‍ച്ചയ്ക്ക് വിഘാതമായി.

ഇതേസമയം രാജ്യത്തിന്റെ സമ്പദ് വ്യവസ്ഥയുടെ അടിസ്ഥാനഘടകങ്ങള്‍ 2008 -ലെ ആഗോള സാമ്പത്തിക പ്രതിസന്ധിയുടെ കാലത്തേക്കാള്‍ ശക്തമാണെന്ന് ശക്തികാന്ത ദാസ് സൂചിപ്പിച്ചു. നിലവില്‍ പണപ്പെരുപ്പ് നിരക്ക് പ്രവചനാതീതമാണ്. 2021 സാമ്പത്തിക വര്‍ഷം മൂന്ന്, നാല് പാദങ്ങള്‍ പിന്നിടുമ്പോള്‍ മാത്രമേ പണപ്പെരുപ്പം കുറയ്ക്കാനാവുകയുള്ളൂവെന്നും റിസര്‍വ് ബാങ്ക് ഗവര്‍ണര്‍ അഭിപ്രായപ്പെട്ടു.

Read more about: reserve bank
English summary

RBI cuts repo rate by 40 bps to 4%, reverse repo rate stands at 3.35%

RBI cuts repo rate by 40 bps to 4%, reverse repo rate stands at 3.35%. Read In Malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X