ഫെബ്രുവരി 18, 19, 20 തീയതികളില്‍ ബാങ്ക് അവധി, കേരളത്തില്‍ ശാഖകള്‍ തുറന്നുപ്രവര്‍ത്തിക്കുമോ? അറിയാം

റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) അറിയിപ്പ് പ്രകാരം ഫെബ്രുവരി 18, 19, 20 തീയതികളില്‍ ചില സംസ്ഥാനങ്ങളിലെ ബാങ്കുകള്‍ക്ക് അവധിയാണ്.

1881 ലെ നെഗോഷ്യബിള്‍ ഇന്‍സ്ട്രുമെന്റ്‌സ് ആക്ട് വ്യവസ്ഥകള്‍ പ്രകാരമാണ് റിസര്‍വ് ബാങ്ക് ഓഫ് ഇന്ത്യ വാര്‍ഷിക ബാങ്ക് അവധി ഷെഡ്യൂള്‍ ചെയ്യുന്നത്.

പുറമെ പ്രാദേശിക ഉത്സവങ്ങള്‍ പ്രമാണിച്ച് ശാഖകള്‍ അടച്ചിടാനും അനുമതിയുണ്ട്. നിലവിലെ അവധി, രണ്ടാമത്തെ വിഭാഗത്തില്‍ പെട്ടതിനാല്‍ കേരളത്തില്‍ ബാങ്കുകള്‍ക്ക് അവധിയുണ്ടാകില്ല. ചില സംസ്ഥാനങ്ങളില്‍ മാത്രമായിരിക്കും അവധി ബാധകം.

• ഫെബ്രുവരി 18 (ബുധന്‍): ടിബറ്റന്‍ പുതുവത്സരമായ ലോസര്‍ ആഘോഷിക്കാന്‍ സിക്കിമില്‍ ബാങ്കുകള്‍ അടച്ചിരിക്കും.
• ഫെബ്രുവരി 19 (വ്യാഴം): ഛത്രപതി ശിവാജി മഹാരാജ് ജയന്തി ദിനത്തോടനുബന്ധിച്ച് മഹാരാഷ്ട്രയില്‍ ബാങ്കുകള്‍ക്ക് അവധിയായിരിക്കും.
• ഫെബ്രുവരി 20 (വെള്ളി): സംസ്ഥാന ദിനം/സംസ്ഥാന രൂപീകരണ ദിനം പ്രമാണിച്ച് അരുണാചല്‍ പ്രദേശിലും മിസോറാമിലും ബാങ്കുകള്‍ക്ക് അവധിയായിരിക്കും.അതേസമയം ഉപഭോക്താക്കള്‍ക്ക് ഈ ദിവസങ്ങളില്‍ എടിഎമ്മുകള്‍, യുപിഐ സേവനങ്ങള്‍, ഇന്റര്‍നെറ്റ് ബാങ്കിംഗ് എന്നിവ തടസ്സമില്ലാതെ ഉപയോഗിക്കാം.

എല്ലാ രണ്ടാമത്തേയും നാലാമത്തേയും ശനിയാഴ്ചകളിലാണ് ബാങ്കുകള്‍ക്ക് പൊതു അവധി. അതിനാല്‍ ഫെബ്രുവരി 21 ന് ബാങ്കുകള്‍ തുറന്ന് പ്രവര്‍ത്തിക്കും.

ആര്‍ബിഐ കലണ്ടര്‍പ്രകാരം മാര്‍ച്ച് മാസത്തില്‍ 11 അവധി ദിനങ്ങളാണുള്ളത്. ഹോളി, റംസാന്‍,രാമ നവമി, മഹാവിര്‍ ജയന്തി എന്നിവ ഉള്‍പ്പടെയാണിത്. ഹോളി മാര്‍ച്ച് 3 നും റംസാന്‍ മാര്‍ച്ച് 19 ഓടെയും രാമ നവമി മാര്‍ച്ച് 26 നും മഹാവീര്‍ ജയന്തി മാര്‍ച്ച് 31 നും ആഘോഷിക്കപ്പെടുന്നു. യഥാക്രമം ചൊവ്വ, ബുധന്‍, വ്യാഴം, ചൊവ്വ ദിവസങ്ങളാണ് ഇത്.

ഉപഭോക്താക്കള്‍ ചെയ്യേണ്ടത്

പ്രവര്‍ത്തന സമയം ഏകീകൃതമല്ലാത്തതിനാല്‍, ശാഖാ സന്ദര്‍ശനം ആസൂത്രണം ചെയ്യുന്നതിന് മുമ്പ് ഉപഭോക്താക്കള്‍ സമയം പരിശോധിക്കണം. ആര്‍ബിഐയുടെ ഔദ്യോഗിക അവധിക്കാല ഷെഡ്യൂള്‍ ഒരു വഴികാട്ടി മാത്രമാണ്. അടുത്തുള്ള ശാഖയിലേക്കുള്ള ഒരു ഫോണ്‍ കോള്‍ ഇക്കാര്യത്തില്‍ അവ്യക്തത ഒഴിവാക്കും.

ഇന്ത്യയിലെ ബാങ്ക് അവധി ദിനങ്ങള്‍ രാജ്യത്തിന്റെ സാംസ്‌കാരികവും പ്രാദേശികവുമായ വൈവിദ്യങ്ങള്‍ പ്രതിഫലിപ്പിക്കുന്നു. ആഘോഷങ്ങള്‍ക്ക് പുറമേ, നെഗോഷ്യബിള്‍ ഇന്‍സ്ട്രുമെന്റ്‌സ് ആക്ടിന് കീഴിലുള്ള അവധികളും റിയല്‍-ടൈം ഗ്രോസ് സെറ്റില്‍മെന്റ് (ആര്‍ടിജിഎസ്) അവധി ദിനങ്ങളും അക്കൗണ്ട് ക്ലോസിംഗ് ദിവസങ്ങളുമുണ്ട്.