മനോഹരി ടീ എസ്റ്റേറ്റ് നിർമ്മിക്കുന്ന പ്രശസ്തമായ മനോഹരി ഗോൾഡ് തേയില പൊടി 75,000 രൂപയ്ക്ക് ഗുവാഹത്തി ടീ ലേല കേന്ദ്രത്തിൽ ലേലം ചെയ്തു. തുടർച്ചയായ മൂന്നാം വർഷവും റെക്കോർഡ് വിലയ്ക്കാണ് തേയിലപ്പൊടി ലേലം ചെയ്തത്. 2018 ൽ മനോഹാരി ഗോൾഡ് ടീ ചരിത്രത്തിൽ ആദ്യമായി ഒരു കിലോഗ്രാമിന്, 39,001 രൂപയ്ക്ക് വിറ്റു. വീണ്ടും 2019 ൽ എല്ലാ റെക്കോർഡുകളും തകർത്ത് ഒരു കിലോഗ്രാമിന് 50,000 രൂപയ്ക്ക് വിറ്റു.
കേരളത്തിൽ സ്വർണ വില കുതിച്ചുയർന്നു, ഈ മാസത്തെ ഏറ്റവും ഉയർന്ന വില ഇന്ന്
വിഷ്ണു ടീ കമ്പനിയാണ് ഈ വർഷം ഗോൾഡ് ടീ വാങ്ങിയത്. കിലോഗ്രാമിന് 75,000 രൂപയ്ക്കാണ് ഏറ്റവും കൂടുതൽ ലേലം വിളിച്ചത്. വിഷ്ണു ടീ കമ്പനിയുടെ ചില്ലറ വിൽപ്പനശാല, വിദേശ വാങ്ങലുകാർ, ഇ-കൊമേഴ്സ് വെബ്സൈറ്റായ "www.9amtea.com" എന്നിവയ്ക്ക് വേണ്ടിയാണ് ചായപ്പൊടി ലേലത്തിലൂടെ വാങ്ങിയത്. ഈ വർഷം 2.5 കിലോഗ്രാം കൈകൊണ്ട് നിർമ്മിച്ച ഗോൾഡ് തേയിലപ്പൊടിയാണ് ഉൽപാദിപ്പിച്ചത്, അതിൽ 1.2 കിലോഗ്രാം ലേലത്തിൽ വിറ്റു.
ബാക്കി തേയിലപ്പൊടി ജിടിഎസി ലോഞ്ച് ഉൾപ്പെടെയുള്ള തിരഞ്ഞെടുത്ത ഔട്ട്ലെറ്റുകളിൽ ലഭ്യമാണ്. ലോകത്തിലെ അപൂർവമായ ഈ ചായയുടെ ആവശ്യം വർദ്ധിച്ചുകൊണ്ടിരിക്കുകയാണെന്ന് ദിബ്രുഗഡിലെ മനോഹാരി ടീ എസ്റ്റേറ്റ് ഡയറക്ടർ പാർത്ത് ലോഹിയ പറഞ്ഞു.
കേരളത്തിൽ പച്ചക്കറികൾക്ക് തറവില, സർക്കാർ കർഷകർക്കൊപ്പമെന്ന് പിണറായി