കേന്ദ്ര സര്‍ക്കാരിന് ലക്ഷം കോടിയോളം രൂപ കൈമാറി ആര്‍ബിഐ; അക്കൗണ്ടിങ് ഇയര്‍ മാറ്റി

രണ്ടാം കൊറോണ പ്രതിസന്ധി രൂക്ഷമായി തുടരുന്ന സാഹചര്യത്തിലാണ് സര്‍ക്കാരിന് ഒരു ലക്ഷം കോടിയോളം രൂപ ലഭിക്കുന്നത്. ഈ അവസരത്തില്‍ ഇത് വളരെ നേട്ടമാകുമെന്ന് വിലയിരുത്തുന്നു. രാജ്യം സാമ്പത്തിക ഞെരുക്കത്തിലേക്ക് പോകുമോ എന്ന് വിപണി നിരീക്ഷകര്‍ അഭിപ്രായപ്പെടുന്ന സമയമാണിത്. രാജ്യത്തെ സാമ്പത്തിക സാഹചര്യവും ആര്‍ബിഐ ഡയറക്ടര്‍ ബോര്‍ഡ് ചര്‍ച്ച ചെയ്തു.

2020ല്‍ 44 ശതമാനം പണമാണ് റിസര്‍വ് ബാങ്ക് ഓഫ് ഇന്ത്യ കേന്ദ്ര സര്‍ക്കാരിന് കൈമാറിയത്. അതായത് 57128 കോടി രൂപ. കഴിഞ്ഞ ഏഴ് വര്‍ഷത്തിനിടെ കൈമാറിയ ഏറ്റവും കുറഞ്ഞ തുകയായിരുന്നു കഴിഞ്ഞ വര്‍ഷത്തേത്. 2019ല്‍ 1.23 ലക്ഷം കോടി രൂപ കൈമാറിയിരുന്നു. എല്ലാ വര്‍ഷവും ഡിവിഡന്റായി ആര്‍ബിഐ സര്‍ക്കാരിന് പണം കൈമാറാറുണ്ട്. പ്രവര്‍ത്തന ലാഭം വരുന്ന പണമാണിത്. സര്‍ക്കാര്‍ വിവിധ പദ്ധതികള്‍ നടപ്പാക്കുന്നതിന് വേണ്ടി ഈ പണം വിനിയോഗിക്കും. 1934ലാണ് ആര്‍ബിഐ സ്ഥാപിക്കപ്പെട്ടത്. ബാങ്കിന്റെ പ്രവര്‍ത്തനം സംബന്ധിച്ച് അന്ന് തന്നെ നിയമം തയ്യാറാക്കിയിരുന്നു. ഇതു പ്രകാരം ഓരോ വര്‍ഷവും ലാഭവിഹിതം കേന്ദ്ര സര്‍ക്കാരിന് കൈമാറേണ്ടതുണ്ട്.