യാത്രക്കാരുടെ ശ്രദ്ധയ്ക്ക്, ജനുവരി മുതൽ ഈ ട്രെയിനുകളുടെ സമയത്തിൽ മാറ്റം, വന്ദേഭാരതിന്‍റെ സമയവും മാറി

പുതിയ പ്രതീക്ഷകളോടെയാണ് 2026 പിറക്കുന്നത്. പുതിയ വർഷം, പുതിയ പ്രതീക്ഷ, പുതിയ വർഷം. അതോടൊപ്പം 2026-ൽ ചില മാറ്റങ്ങളുമുണ്ട്. ആ മാറ്റങ്ങളെക്കുറിച്ചും കൃത്യമായ അറിവുണ്ടാകണം. നിങ്ങൾ സ്ഥിരമായി ട്രെയിനിൽ യാത്ര ചെയ്യുന്ന ആളാണെങ്കിൽ 2026-ൽ സംസ്ഥാനത്തെ ട്രെയിനുകളുടെ യാത്രാ സമയത്തിൽ മാറ്റമുണ്ട്. കഴിഞ്ഞ ദിവസമാണ് റെയിൽവേ ഈ മാറ്റങ്ങൾ അറിയിച്ചത്. വന്ദേഭാരതിന്‍റെ സമയക്രമത്തിലും മാറ്റമുണ്ട്. നമുക്ക് വിശദമായി അറിയാം.

വന്ദേഭാരതിന്‍റെ മാറ്റം

കോട്ടയം വഴി കടന്നുപോകുന്ന തിരുവനന്തപുരം-കാസര്‍കോട് വന്ദേഭാരത് എക്‌സ്പ്രസിന്‍റെ സമയത്തിലാണ് ചെറിയ മാറ്റം. ചെങ്ങന്നൂര്‍ മുതല്‍ തൃശൂര്‍ വരെയുള്ള സമയത്തിലാണ് മാറ്റം. ചെങ്ങന്നൂരില്‍ നിന്ന് രാവിലെ 6.55 ന് പുറപ്പെട്ടിരുന്ന ട്രെയിന്‍ ഇനി മുതല്‍ 6.51ന് പുറപ്പെടും. അതായത് 4 മിനുട്ട് നേരത്തെ. അതുപോലെ കോട്ടയത്ത് നിന്ന് 7.27-ന് പുറപ്പെടുന്ന ട്രെയിൻ ജനുവരി 1 മുതൽ 7.21-നാണ് പുറപ്പെടുക. എറണാകുളം ടൗണില്‍ 8.25ന് എത്തിയിരുന്ന ട്രെയിന്‍ ജനുവരി 1 മുതൽ 8.17-ന് എത്തിച്ചേരും. തൃശൂരില്‍ മുമ്പത്തേതിനേക്കാള്‍ പത്ത് മിനിറ്റ് മുന്നെ വന്ദേഭാരത് എത്തും.

തിരുവനന്തപുരം സെൻട്രൽ (TVC) - (പുറപ്പെടൽ) 05:15
കൊല്ലം ജംഗ്ഷൻ (QLN) - (എത്തിച്ചേരൽ) 06:03, (പുറപ്പെടൽ) 06:05
ചെങ്ങന്നൂർ (CNGR) - (എത്തിച്ചേരൽ) 06:53, (പുറപ്പെടൽ) 06:55
കോട്ടയം (KTYM) - (എത്തിച്ചേരൽ) 07:24, (പുറപ്പെടൽ) 07:27
എറണാകുളം ടൗൺ (ERN) - (എത്തിച്ചേരൽ) 08:25, (പുറപ്പെടൽ) 08:28
തൃശൂർ (TCR) - (എത്തിച്ചേരൽ) 09:30, (പുറപ്പെടൽ) 09:33

ഷൊർണൂർ ജംഗ്ഷൻ (SRR) - (എത്തിച്ചേരൽ) 10:02, (പുറപ്പെടൽ) 10:04
കോഴിക്കോട് (CLT) - (എത്തിച്ചേരൽ) 11:03, (പുറപ്പെടൽ) 11:05
കണ്ണൂർ (CAN) - (എത്തിച്ചേരൽ) 12:03, (പുറപ്പെടൽ) 12:05
കാസർഗോഡ് (KGQ) - (എത്തിച്ചേരൽ) 13:20.

20633 തിരുവനന്തപുരത്തേയ്‌ക്കുള്ള വന്ദേഭാരത് എക്സ്പ്രസിന്റെ സമയം കണ്ണൂർ മുതൽ എറണാകുളം ടൗൺ വരെയുള്ള സ്റ്റേഷനിൽ മാറ്റം വരും. എല്ലാ സ്റ്റേഷനിലും നേരത്തെ എത്തിച്ചേരും. എറണാകുളം ടൗണിൽ നിന്ന് 07.20 ന് പകരം ജനുവരി ഒന്ന് മുതൽ 07.15 ന് പുറപ്പെടും.

മറ്റ് ട്രെയിനുകളുടെ സമയക്രമം

1. രാവിലെത്തെ പാലരുവി എക്സ്പ്രസിന്റെ എറണാകുളം ടൗണിലെ സമയത്തിലും മാറ്റമുണ്ട്. രാവിലെ ആറു മിനിറ്റ് നേരത്തെ 08.32 ന് എത്തി, 08.37 ന് എറണാകുളത്തു നിന്ന് പുറപ്പെടും. കൊല്ലം മുതൽ പാലക്കാട് വരെയുള്ള മറ്റു സ്റ്റേഷനിലെ സമയത്തിൽ മാറ്റമില്ല.

2. കോഴിക്കോട് ജനശതാബ്ദിയുടെ കൊല്ലം മുതല്‍ തൃശൂര്‍ വരെയുള്ള സമയമാണ് മാറിയത്. . മുൻകാല സമയപ്രകാരം 9.40 എറണാകുളം എത്തിയിരുന്ന ജനശതാബ്ദി എക്സ്പ്രസ്സ് ഇനി മുതൽ 9.30 ക്ക് എത്തിച്ചേരും.

3. 12626 തിരുവനന്തപുരം കേരള എക്സ്പ്രസ്സിന്റെ തൃശൂർ മുതലുള്ള സമയത്തിലും മാറ്റമുണ്ട്. എറണാകുളം ടൗണിൽ 04.30 ന് എത്തി, 04.35 ന് പുറപ്പെടുന്ന വിധമാണ് പുതിയ സമയം ക്രമീകരിച്ചിരിക്കുന്നത്.