യാത്രാ വാഹന വിൽപ്പനയിൽ 12.73 ശതമാനം വർധവ്: പ്രതിസന്ധിയിൽ നിന്ന് കരകയറി മേഖല

ദില്ലി: ആഭ്യന്തര വിപണിയിൽ യാത്രാ വാഹനങ്ങളുടെ വിൽപ്പനയിൽ നേരിയ വർധനവ്. 12. 73 ശതമാനമാണ് ഉയർന്നിട്ടുള്ളത്. 2, 85,367 യൂണിറ്റുകളാണ് ഉൽപ്പാദിപ്പിച്ചത്. സൊസൈറ്റി ഓഫ് ഇന്ത്യൻ ഓട്ടോമൊബൈൽ മാനുഫാക്ചറേഴ്സാണ് ഇക്കാര്യം അറിയിച്ചിട്ടുള്ളത്. യാത്രാ, വാണിജ്യ വാഹനങ്ങൾ ഉൾപ്പെടെ സെഗ്‌മെന്റുകളിലുടനീളമുള്ള മൊത്തം വിൽപ്പന നവംബറിൽ 19,09,372 യൂണിറ്റിലെത്തിയിട്ടുണ്ട്. കഴിഞ്ഞ വർഷം ഇതേ കാലയളവിനെ അപേക്ഷിച്ച് 11.02 ശതമാനം വളർച്ചയാണ് കൈവരിച്ചിട്ടുള്ളത്.

കൊറോണ വൈറസ് വ്യാപനം സംബന്ധിച്ച നിയന്ത്രണങ്ങൾ കാരണം മാസങ്ങൾ നീണ്ട പ്രതിസന്ധിയെ തുടർന്നാണ് മേഖലയിൽ പുതിയ തിരിച്ചുവരവെന്നാണ് പുതിയ കണക്കുകൾ സൂചിപ്പിക്കുന്നത്. ഉത്സവ സീസൺ കണക്കിലെടുത്താണ് വിൽപ്പനയിൽ വർധനയുണ്ടായതെന്ന് സിയാം പ്രസ്താവനയിൽ പറഞ്ഞു. ഇരുചക്രവാഹന വിൽപ്പനയും 13.43 ശതമാനം വർധിച്ച് 16,00,379 യൂണിറ്റിലെത്തിയിട്ടുണ്ട്.

ഇരുചക്ര വാഹനങ്ങളുടെ ചില്ലറ വിൽപ്പന മൊത്ത വിൽപ്പനയെക്കാൾ പിന്നിലാണെങ്കിലും യഥാർത്ഥ എൻജിൻ- ഉപകരണ നിർമ്മാതാക്കൾ അവരുടെ ഡീലർമാരുമായി ഇടപഴകുന്നതിനാൽ ഒരു കാലയളവ് പിന്നിടുന്നതോടെ ഇത് അവസാനിക്കും. കൊവിഡിന് ശേഷമുള്ള പ്രതിസന്ധിക്ക് ശേഷം ഉത്സവ സീസണിലാണ് ഈ മേഖലയിൽ താൽക്കാലിക ആശ്വാസം പ്രകടമായത്. എങ്കിൽപ്പോലും മൊത്തത്തിലുള്ള സാമ്പത്തിക സ്ഥിതി വ്യവസായത്തിൻറെ പ്രകടനം മുന്നോട്ട് പോകുന്നത് നിർ‌ണ്ണയിക്കും, "സിയാം ഡയറക്ടർ ജനറൽ രാജേഷ് മേനോൻ പറഞ്ഞു.