Just In
Don't Miss
-
പാലക്കാട് ചുട്ടുപൊള്ളുന്നു; 'മനുഷ്യശരീരത്തിന് താങ്ങാവുന്നതിലും അധികം ചൂട്',കളക്ടറുടെ മുന്നറിയിപ്പ് -
ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള് -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മുതിർന്ന പൗരന്മാർക്കുള്ള പ്രത്യേക സ്ഥിര നിക്ഷേപ പദ്ധതിയുമായി രാജ്യത്തെ മുൻനിര ബാങ്കുകൾ. സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), എച്ച്ഡിഎഫ്സി, ഐസിഐസിഐ എന്നീ ബാങ്കുകളാണ് മുതിര്‍ന്ന പൗരന്മാര്‍ക്ക് കൂടുതൽ പലിശ ലഭ്യമാക്കുന്ന പ്രത്യേക സ്ഥിര നിക്ഷേപ പദ്ധതികൾ അവതരിപ്പിച്ചത്. ഈ പദ്ധതികളുടെ കാലവധി 5 വർഷമോ അതിൽ കൂടുതലോ ആയിരിക്കും.
2020 സെപ്റ്റംബര്‍ 30 വരെ നിക്ഷേപം നടത്തുന്നവർക്കാണ് പദ്ധതിയുടെ ആനുകൂല്യം ലഭിക്കുക. മൂന്ന് ബാങ്കുകളും നിലവിൽ സ്ഥിര നിക്ഷേപത്തിന് നൽകുന്ന പലിശ നിരക്കിനേക്കാൾ അധിക പലിശനിരക്കാണ് പുതിയ പദ്ധതി പ്രകാരം വാഗ്ദാനം ചെയ്യുന്നത്. 60 വയസോ അതിൽ കൂടുതലോ പ്രായമുള്ള വ്യക്തികൾക്ക് സ്‌പെഷ്യൽ എഫ്‌ഡി സ്കീമിൽ നിക്ഷേപം നടത്താവുന്നതാണ്.
പ്രത്യേക സ്ഥിര നിക്ഷേപ പദ്ധതികളെക്കുറിച്ച് കൂടുതലറിയാം;
എസ്ബിഐ വികെയർ
മുതിര്‍ന്ന പൗരന്മാര്‍ക്ക് കൂടുതൽ പലിശ ലഭ്യമാകുന്ന പ്രത്യേക സ്ഥിര നിക്ഷേപ പദ്ധതിയാണ് എസ്ബിഐയുടെ 'എസ്ബിഐ വികെയര്‍'. 5 വർഷം മുതൽ 10 വരെയാണ് പദ്ധതിയുടെ കാലാവധി. പദ്ധതി പ്രകാരം മുതിര്‍ന്ന പൗരന്മാര്‍ക്ക് ലഭിക്കുന്ന അരശതമാനം പലിശയ്ക്ക് പുറമെ 30 ബേസിസ് പോയന്റിന്റെ (ബിപിഎസ്) അധിക പലിശയും ലഭിക്കുന്നതാണ്. അങ്ങനെവരുമ്പോള്‍ മൊത്തം 0.80 ശതമാനം പലിശയാണ് കൂടുതലായി ലഭിക്കുക. അഞ്ചുവര്‍ഷമോ അതിൽ താഴെയോ കാലാവധിയുള്ള സ്ഥിര നിക്ഷേപത്തിന് പദ്ധതി പ്രകാരം 50 ബേസിസ് പോയന്റ് കൂടുതല്‍ ലഭിക്കും.
അഞ്ചുവര്‍ഷമോ അതിന് മുകളിലോ കാലാവധിയുള്ള സ്ഥിര നിക്ഷേപമാണെങ്കിൽ പദ്ധതി പ്രകാരം 80 ബേസിസ് പോയന്റാണ് കൂടുതല്‍ ലഭിക്കുക. കാലാവധിയെത്തും മുമ്പ് നിക്ഷേപം പിന്‍വലിച്ചാല്‍ അധികമായി നല്‍കുന്ന 30 ബേസിസ് പോയ്‌ന്റിന്റെ വര്‍ധന ലഭിക്കില്ല. നിലവിൽ ഏഴ് ദിവസം മുതൽ 10 വർഷം വരെ കാലാവധി പൂർത്തിയാക്കുന്ന സ്ഥിര നിക്ഷേപത്തിന് 4% മുതൽ 6.20% വരെ പലിശ നിരക്കാണ് ബാങ്ക് നല്‍കുന്നത്. പരമാവധി നിക്ഷേപ തുക 2 കോടി വരെയാണ്.
എച്ച്ഡിഎഫ്സി സീനിയർ സിറ്റിസൺ കെയർ
മുതിർന്ന പൗരന്മാർക്ക് വേണ്ടി എച്ച്ഡിഎഫ്സി ബാങ്ക് അവതരിപ്പിക്കുന്ന പ്രത്യേക സ്ഥിര നിക്ഷേപ പദ്ധതിയാണ് എച്ച്ഡിഎഫ്സി സീനിയർ സിറ്റിസൺ കെയർ. മുതിർന്ന പൗരന്മാർ ബാങ്കിന്റെ സീനിയർ സിറ്റിസൺ കെയർ എഫ്‌ഡിയിൽ സ്ഥിര നിക്ഷേപം നടത്തുമ്പോൾ 6.50 ശതമാനം വരെ പലിശ ലഭിക്കും. ബാങ്കിന്റെ മറ്റ് നിക്ഷേപങ്ങളെ അപേക്ഷിച്ച് ഈ പുതിയ പദ്ധതി വഴി മുതിർന്ന പൗരന്മാർക്ക് 25 ബിപിഎസ് അധികം ലഭിക്കുന്നതാണ്.
കാലാവധി പൂർത്തിയാകുന്നതിന് മുൻപ് നിക്ഷേപം പിൻവലിക്കുകയാണെങ്കിൽ അതായത് 5 വർഷമോ അതിനു മുമ്പോ ആണെങ്കിൽ 1 ശതമാനം പിഴ ഈടാക്കുന്നതാണ്. 5 വർഷത്തിന് ശേഷമാണെങ്കിൽ 1.25 ശതമാനമായിരിക്കും ഈടാക്കുക. പരമാവധി നിക്ഷേപ തുക 5 കോടി വരെയാണ്.
ഐസിഐസിഐ ബാങ്ക് ഗോള്‍ഡൻ ഇയേഴ്‌സ്
5 മുതല്‍ 10 വര്‍ഷം വരെ കാലാവധിയില്‍ നിക്ഷേപം നടത്താവുന്ന രണ്ടു കോടി രൂപ വരെയുള്ള നിക്ഷേപത്തിന് 6.55 ശതമാനമാണ് പലിശ ലഭിക്കുക. സാധാരണ നിക്ഷേപത്തെ അപേക്ഷിച്ച് 0.8 ശതമാനം അധികം പലിശയാണ് ഈ പ്രത്യേക നിക്ഷേപത്തിനുള്ളത്. അതായത് ഇപ്പോള്‍ മുതിര്‍ന്ന പൗരന്മാർക്ക് ലഭിക്കുന്ന പലിശ നിരക്കിനേക്കാള്‍ 0.3 ശതമാനം കൂടുതൽ. 2020 മേയ് 20 മുതല്‍ സെപ്റ്റംബര്‍ 30 വരെ നിക്ഷേപം നടത്തുന്നവർക്കാണ് പദ്ധതിയുടെ ആനുകൂല്യം ലഭിക്കുക.
കാലാവധി പൂർത്തിയാകുന്നതിന് മുമ്പ് നിക്ഷേപം പിൻവലിക്കുകയാണെങ്കിൽ പലിശ ഈടാക്കുന്നതാണ്. അതായത് 5 വർഷത്തിന് മുമ്പ് നിക്ഷേപം പിൻവലിക്കുകയാണെങ്കിൽ 1 ശതമാനം പിഴ ഈടാക്കുന്നതാണ്. 5 വർഷത്തിന് ശേഷം പിൻവലിക്കുകയാണെങ്കിൽ 1.30 ശതമാനമായിരിക്കും പിഴ ഈടാക്കുക.
